Փաստ ինֆո

Հավանաբար, զուր չէր, որ ծանրամարտիկ Յոզեֆ Մանգերը հայտնի էր որպես հենց Ադոլֆ Հիտլերի առավել սիրելին։ Չէ որ հենց Մանգերը 1930-ական թվականներին համարվում էր մոլորակի ամենաուժեղ մարդը։ Սակայն Իոսիֆ Ստալինը որոշել էր, որ գերմանացի մարզիկն անպայման պետք է պարտվի։ Խորհրդային պետության ղեկավարի ընտրությունը կանգ է առել Սերգո Համբարձումյանի վրա։

Համբարձումյանի մասին

Հայ Սերգո (իսկական անունը՝ Սարգիս) Համբարձումյանը ծնվել է 1910 թվականին Նախիջևանի լեռներում գտնվող Բիստ գյուղում։ Սերգոն մանկուց աչքի էր ընկնում չտեսնված ֆիզիկական ուժով, այդ պատճառով էլ՝ մեծանալուն պես, սկսեց զբաղվել հատկապես ծանրամարտով։ Առաջին անգամ «Դինամո» մարզադահլիճ այցելելուց ընդամենը 3 տարի անց Համբարձումյանը դարձավ երկրի չեմպիոն։ Ընդհանուր առմամբ, իր ողջ կյանքի ընթացքում նա ԽՍՀՄ ռեկորդակիր է եղել 30 անգամ ։

Մանգերի մասին

Յոզեֆ Մանգերը ծնվել է 1913 թվականին Բավարիայում։ 1934- ին նա երկրորդն էր աշխարհի առաջնությունում, իսկ արդեն հաջորդ՝ 1935 — ին, դարձավ առաջինը։ 1936 թվականին Օլիմպիական խաղերը տեղի են ունեցել ֆաշիստական Գերմանիայի մայրաքաղաք Բեռլինում։ Եվ հենց գերմանացի մարզիկն է այդ խաղերում ստացել ոսկե մեդալը: Բավական երկար ժամանակ Մանգերը համարվում էր աշխարհի ամենաուժեղ մարզիկը։ Հիտլերն էլ իր հերթին գոհունակ շփում էր ձեռքերը։ Չէ որ նման փաստը լավագույն ապացույցն էր այն բանի, որ արիական ազգն անպարտելի է։

Հեռակա մենամարտ

Իմանալով, որ Օլիմպիական խաղերի չեմպիոն է դարձել նացիստական Գերմանիայի ներկայացուցիչը, Ստալինը մտածել է, իսկ հետո հրահանգել, որ իր մոտբերեն որևէ խորհրդային ուժավորի։ Շուտով նրա մոտ են բերել Սերգո Համբարձումյանին։ Ստալինը նրան պատմել է, որ, իբր, լավ չէ, որ գերմանացին հաղթող է դարձել եւ պետք է շտկել այդ ցավալի վրիպումը։ Հասկանալի է, որ Համբարձումյանին այլ բան չէր մնում, քան համաձայնել։

1938 թվականի դեկտեմբերի վերջին Սերգո Համբարձումյանն իր համաքաղաքացիներին մատուցեց ամանորյա լավագույն նվերը, որը նա կարող էր մատուցել։ Դա տեղի ունեցավ Երևանում։ Ոչ, Մանգերը, իհարկե, չէր ներկայացել մենամարտին։ Խորհրդային ծանրամարտիկը հեռակա էր գերազանցել նրա ռեկորդը։ Սերգոյի ցուցաբերած ցուցանիշը զարմացրել է բոլորին՝ 433,5 կգ: Նա գերմանացուց առաջ էր անցել 8,5 կգ-ով: Ժողովուրդը ցնծում էր։ Այդ ժամ Համբարձումյանը երկրագնդի առաջին ուժավորի պատվավոր տեղն էր զբաղեցրել ։

Կյանքը սպորտից հետո

1950- ականներին Սերգո Համբարձումյանը առողջական խնդիրների պատճառով հեռացավ պրոֆեսիոնալ սպորտից։ Մնալով առանց սիրելի գործի եւ որեւէ նյութական միջոցների, չեմպիոնը ստիպված էր աշխատել որպես տաքսու վարորդ, իսկ ավելի ուշ դարձավ խորովածանոցի տնօրեն: Նա մահացել է 1983 թվականին 73 տարեկանում՝ սրտի հիվանդությունից ։

Ինչ վերաբերում է Յոզեֆ Մանգերին, ապա նա նույնպես հրաժեշտ էր տվել ծանրամարտին եւ սկսել էր սովորել Ֆինանսների բնագավառում։ Ուսումից հետո նա բացել է իր սեփական բիզնեսը ։ Նա  մահացավ 1991 թ-ին՝ 77 տարեկան հասակում։

Աղբյուր` Փաստինֆո