ԲՈԼՈՐ ՆՅՈՒԹԵՐԸ
8 ժամ կինը գտնվել է ծեծված և սարսափելի վիճակում, որեւէ մեկը օգնության ձեռք չի մեկնել. Իրավապաշտպանը ընդգծում է՝ ընտանեկան բռնությունը պետք է քրեականացվի 03/06/2020 17:26 | ԼՐԱՀՈՍ
Այն փաստը, որ այս տարի ընտանեկան բռնության արդեն երրորդ դեպքն ենք ունենում, ապացուցում է, որ ընդունված կանխարգելման մեխանիզմները կա՛մ բավարար չափով չեն գործում, կա՛մ արդյունավետ չեն և պետք է վերանայել։ «Փաստինֆո»-ի հետ զրույցում նման կարծիք հայտնեց իրավապաշտպան Զառա Հովհաննիսյանը։
Վերջինս, անդրադառնալով երեկ Գյումրիում տեղի ունեցած դեպքին, երբ տղամարդը ծեծի էր ենթարկել 42-ամյա կնոջ և նրա անչափահաս դստերը, նկատեց՝
«Ընտանեկան բռնության կանխարգելման» օրենսդրությունում որպես ընտանեկան բռնության դեպք չեն դիտարկվում զուգընկերային հարաբերությունները, իսկ այս դեպքը զուգընկերային հարաբերությունների պարագայում պատահած բռնություն է։
«Զուգընկեր տերմինն ընդհանրապես դուրս հանվեց օրենքից, թեև նախագծում առկա էր։ Երբ կանանց իրավունքների վերաբերյալ որևէ իրավական փաստաթուղթ է շրջանառվում, հանրության մեջ սկսվում է կոնկրետ անձանց կողմից շահարկվել այդ օրենքը կամ օրենսդրական փաթեթը, և ունենում ենք դրա հետ կապված բավական լուրջ խնդիրներ։ Պետությունը, սակայն, որոշեց, որ այդ խմբի ոչ կոմպետենտ և ոչ մասնագիտական կարծիքին պետք է հագուրդ տա և հանի զուգընկերային հարաբերությունները»,-նշեց Զառա Հովհաննիսյանը։
Վերջինս պնդում է՝ այդ հարաբերությունները պետք է դիտարկվեն որպես ընտանեկան բռնության հարաբերություն։ Եթե անգամ անձը չի ապրում նույն հարկի տակ, միևնույն է, ըստ իրավապաշտպանի՝ եթե ունի մտերիմ հարաբերություններ, ապա կարող է հայտնվել ընտանեկան բռնության իրավիճակում։
Զառա Հովհաննիսյանը կարծում է՝ նման դեպքերը կանխարգելելու նպատակով նախևառաջ պետք է օրենքը խստացվի և ընտանեկան բռնությունը քրեականացվի. «Այժմ ընտանեկան բռնությունը քրեականացված չէ։ Որպես այդպիսին քրեական հետապնդման են ենթարկվում ուղղակի ֆիզիկական, սեռական բռնության պարագայում և չի դիտարկվում որպես ծանրացուցիչ հանգամանք»,-նշեց իրավապաշտպանը՝ ընդգծելով, որ ընտանեկան բռնությունը որպես առանձին հանցատեսակ չդիտարկելը թույլ է տալիս, որ խնդրի շուրջ ստեղծվի ամենաթողության մթնոլորտ և ավելի թեթև վերաբերվեն։
Մասնագետի կարծիքով ունենք նաև հասարակության վերաբերմունքի փոփոխության անհրաժեշտություն, որպեսզի այս արատավոր երևույթն իսպառ վերանա կամ թվերը նվազեն. «Հասարակությունը հաճախ դիտարկում է դա ընտանեկան վեճ և մտածում է չխառնվել ու չփորձել միջամտել։ Այս դեպքը նույնպես ցույց է տալիս, որ 8 ժամ կինը գտնվել է ծեծված և սարսափելի վիճակում, սակայն որևէ մեկը չի արձագանքել, չի զանգահարել, չի ահազանգել, որպեսզի օգնություն ցուցաբերվի կնոջը։ Մինչ այդ էլ հստակորեն ձայներ են հնչել այդ բնակարանից»,-ընդգծեց Զառա Հովհաննիսյանը, ում կարծիքով պետք է վերափոխվի նաև ընտանեկան բռնության կանխարգելման օրենսդրությունը, դառնա ավելի գործուն։ Պետք է գործեն այնպիսի մեխանիզմներ, որոնք իսկապես կնպաստեն կանխարգելմանը և ոչ թե իրավապաշտպանի գնահատմամբ կունենան պարզապես արարողակարգային բնույթ։
Դիտարկմանը, որ հաճախ կանայք նաև լռում են, երբ ենթարկվում են ընտանեկան բռնության, Զառա Հովհաննիսյանը նկատեց՝ եթե նրանք վստահ լինեն, որ կանխարգելման մեխանիզմներն իսկապես կայուն են, գործուն են, ապա անպայման կբարձրաձայնեն. «Ունենում ենք մեկ-երկու անգամ ահազանգած կանանց պատմություններ, որոնք այլևս չեն ահազանգում, որովհետև մտածում են՝ այն մեխանիզմները, որոնք առկա են, իրենց խնդրին լուծում չեն տալիս։ Պետք է մեխանիզմներն իսկապես աշխատեն, փոխվի վերաբերմունքը։ Իրավակիրառ պրակտիկան նույնպես պետք է փոխվի, որովհետև եթե անգամ օրենքը գրված է որևէ տեղ և այն մարմինը, որը պետք է իրականացնի բավարար զգայուն չէ խնդրի նկատմամբ, ունենում ենք կրկնվող դեպքեր»,-հավելեց իրավապաշտպանը։
«Փաստինֆո»-ն նաև կապ հաստատեց Շիրակի մարզպետարան, որտեղից տեղեկացրեցին՝ 12-ամյա երեխան չի եղել որևէ հատուկ հաստատության սան։ Նա եղել է հանրակրթական դպրոցի սան. «Շիրակի մարզպետարանի ընտանիքի, կանանց, երեխաների իրավունքների պաշտպանության բաժնի, կրթության վարչության մասնագետները եղել են հանրակրթական դպրոցում, որտեղ ուսանել է երեխան։ Աշխատանքային քննարկում-հանդիպում է եղել մանկավարժների հետ՝ ընդհանուր իրավիճակին ծանոթանալու համար»,-«Փաստինֆո»-ի հետ զրույցում այս մասին ասաց Շիրակի մարզպետի լրատվության գծով օգնական Արաքսյա Կիրակոսյանը։ Վերջինս նաև տեղեկացրեց, որ տվյալ ընտանիքը մարզպետարանի տեսադաշտում որևէ խնդրով չի եղել։
Ընտանեկան բռնության կամ ինչ-որ խնդրի վերաբերյալ որևէ մեկը չի դիմել։
Նշենք, որ 12-ամյա երեխայի վիճակը շարունակում է մնալ ծայրահեղ ծանր։ Երեխային միացված է արհեստական շնչառության սարք։ Երեխան ունի համակցված վնասվածքներ, գլխուղեղի սալջարդ, կրծքավանդակի սալջարդ, որովայնի սալջարդ, աջ ամրակի կոտրվածք։
Նշենք, որ դեպքի առթիվ հարուցվել է քրեական գործ ՀՀ ՔՕ 112-րդ հոդվածի 2-րդ մասի 1-ին և 14-րդ կետերով։ Հանցագործությունը կատարելու կասկածանքով ձերբակալվել է Գյումրի քաղաքի 28-ամյա բնակիչը , ով խոստովանել է՝ ինքն է ծեծի ենթարկել 42-ամյա կնոջը և նրա դստերը։
Հեղինակ՝ Հասմիկ Կոշկարյան
Տեսանյութեր
03/29/2024 11:55 Աննկարագրելի քաոս էր,երեխաներին ասել ենք՝ չխոսեք,վերև չնայեք, թուրքերի միջով ենք գնում.գաղթը՝ ՇոշիցՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 03/29/2024 08:17 Ոսկեպարցիներն անհամբեր սպասում են․ «Հրապարակ»
- 03/29/2024 08:13 Սաղաթելյանները՝ իշխանության թիրախում․ «Հրապարակ»
- 03/29/2024 08:08 Դիանա Գալոյանը նոր պաշտոն կստանա՞․ «Հրապարակ»
- 03/29/2024 08:04 Փաշինյանը ոչինչ չի խնայում անձնական պաշտպանության համար․«Հրապարակ»
- 03/29/2024 07:57 Գյումրիում Նիկոլ Փաշինյանին շատ «ջերմ» ընդունելություն են ցույց տվել. «Ժողովուրդ»
- 03/29/2024 07:48 Նոր դիվանագիտական սկանդալ է հասունանում արտգործնախարարությունում . «Ժողովուրդ»
- 03/29/2024 07:46 Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
- 02/13/2024 21:42 Ադրբեջանը խուսափելու է իրական բանակցային գործընթացից. որոշակի հանձնառություններ է ստանձնել՝ Իրանի դեմ կատարելու, որոնք իրականացնելու ցանկություն այս պահին չունի. Ձյունիկ Աղաջանյան
Մեկնաբանություն
- 03/28/2024 18:41 Հայ ժողովրդին վախեցնում է ադրբեջանի պատերազմով, իսկ ինքը վախենում է Արցախի նախագահից․ և ոչ միայն․․․
- 03/26/2024 13:03 Ադրբեջանի հերթական պահանջը. Արթուր Խաչատրյան
- 03/25/2024 18:12 ԱԺԲ-ն ներկայացրել է, թե ինչ պահանջներ են ներկայացվել Նոր Նորքի ոստիկանության բաժնի մոտ
- 03/25/2024 16:19 Մեկնարկում է «Արցախի երիտասարդության որոշիչ ձայնը» ծրագիրը. Մետաքսե Հակոբյան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 03/28/2024 23:41 Վեց ծառայակիցների հետ սեռական հարաբերություն ունեցած ոստիկանը 500 հազար դոլար կստանա
- 03/28/2024 18:28 Կինը բռնել է ամուսնուն դավաճանելիս՝ առողջ ապրելակերպի հանդեպ ունեցած սիրո շնորհիվ
- 03/27/2024 23:52 Նույն քաղաքի երեք ուսուցչուհիների ձերբակալել են աշակերտների հետ սեռական հարաբերություններ ունենալու համար
- 03/27/2024 16:30 «Տիտանիկ»-ի հերոսուհու կյանքը փրկած դուռը աճուրդում վաճառվել է 718 հազար դոլարով
Հետաքրքիր է իմանալ
- 03/25/2024 18:55 Գիշերը Լուսնի խավարում է եղել. ինչ ազդեցություն ունի այն մարդու վրա
- 03/25/2024 16:49 Խաբարովսկի երկնքում անհայտ օբյեկտ են նկատել. (տեսանյութ)
- 03/25/2024 13:21 Արեգակնային բռնկումից հետո Երկիրը ծածկվել է հզոր մագնիսական փոթորիկով. սրանից ավելի ուժեղը գրանցվել է շուրջ 20 տարի առաջ
- 03/22/2024 17:29 Իլոն Մասկը ազդարարել է նոր ուղեղային իմպլանտի մասին, որը կույրերին թույլ կտա տեսնել