Փաստ ինֆո

Համակարգային կոռուպցին պահանջում է շատ լուրջ ուսումնասիրություն,- «Փաստինֆո»-ի եթերում ասել է «Թրանսփարենսի ինթերնեշնլ հակակոռուպցիոն կենտրոնի» ծրագրերի ղեկավար Վարուժան Հոկտանյանը:

Նրա խոսքով՝ եթե կան կոռուպցիոն դեպքեր, դա դեռ չի նշանակում, որ կա համակարգային կոռուպցիա:

«Այն, ինչ որ ես տեսնում եմ, լսում եմ, կարդում եմ, ինձ չի ստիպում ասել, որ Հայաստանում այժմ կա այն կոռուպցիոն համակարգը, որը գոյություն ուներ նախկինում: Դա չի նշանակում, որ դա իսկապես չկա: Դա կարող է լինել ավելի քողարկված, ավելի այլ դրսևորումներ ունեցող, բայց այն, ինչ տեսնում էինք նախորդ իշխանության օրոք, այս իշխանության օրոք ես չեմ տեսնում»,- ասաց Հոկտանյանը:

Ըստ նրա՝ կոռուպցիան շարունակում է մնալ լուրջ խնդիր Հայաստանում, բայց, երբ խոսքը գնում է համակարգային կոռուպցիայի մասին, ապա այն համակարգը, որը կար, փոփոխությունների չի ենթարկվել և միակ բանը, որը թույլ չի տալիս գեներացնել համակարգային կոռուպցիա՝ ամենավերևում կանգնած անձի քաղաքական կամքն է:

«Ես չեմ կարող ասել, որ վերևները ցուցում են տալիս՝ ամսվա վերջում ինձ կբերեք այսքան հարկ՝ ճամպրուկներով, թե ինչպես, ձեր գործն է: Դուք այս ամնն իրականացնելու համար բյուջեից այսքան գումար դուրս կգրեք, այսքանը կտաք ինձ և այլն »,- ասաց Հոկտանյանը:

Դիտարկմանը, թե Փաշինյանից վախենում են և այդ պատճառով չի տարածվում կոռուպցիան, Հոկտանյանն ասաց, որ դա կա, բայց կա նաև այլ հանգամանք:

«Հին կադրերը, որոնք մնացել են կամ նոր կադրերը, դեռևս չի ինստիտուցիոնալիզացվել: Այդ կոռուպցիոն դրսևորումները չեն դարձել համակարգ՝ տաարբեր պատճառներից ելնելով, տա Աստված՝ չդառնան: «Այստեղ հենց ջրբաժանն է: Եթե դուք փորձում եք կոռուպցիոն այդ տարբեր դրսևորումները բերել համակարգի, պետք է ստանաք վերևների համաձայնությունը, որը չկա:Իսկ վերևները միայն Փաշինյանը չէ»,- ասաց Հոկտանյանը՝ նշելով, որ կան տարբեր նախապայմաններ՝ համակարգային կոռուպցիայի համար:

Նրա խոսքով՝ պետք է լինի տնտեսության մոնոպոլիզացիայի խորացում, ինչը փաստող տվյալներ Հոկտանյանը չունի:

Մանրամասները` հարցազրույցում:

Աղբյուր` Փաստինֆո