Փաստ ինֆո

Եթե նայեք իմ հրապարակած 100 փաստերն, ապա այնտեղ չեք գտնի որևէ փաստ, որ ուղիղ կապված չէ մարդու հետ։ Մեր խնդիրը մարդակենտրոն է՝ պաշտպանել մարդուն, աջակցել մարդուն և ամեն ինչ անել նրա կյանքի բարելավման համար։ Այս մասին այսօր ԱԺ-Կառավարություն հարց ու պատասխանի ժամանակ ասաց ՀՀ վարչապետ Նիկոլ Փաշինյանը։

Նա նշեց, որ ինքը վարչապետի կարգավիճակում լինելով ԱԺ-ի ամբիոնից պաշտպանել է այնպիսի մարդկանց, որոնց պաշտպանելն այդքան էլ ընդունված չի եղել։

«Հայաստանում ձախողված ուժերի թրենդ է սկսել, ովքեր ուզում են մարդուն հակադրել ժողովրդին, մարդուն հակադրել ազգին։ Մենք մարդուն դնում ենք հանրույթի միջև ասում, որ ազգն ու ժողովուրդը գոյություն ունի, բաղկացած է անհատներից, և ինչքան պաշտպանված է անհատը, այնքան պաշտպանված է ժողովուրդը, հանրությունը, ինչքան պաշտպանված է հանրությունը, դրա արդյունքում պետք է պաշտպանված լինի մարդը»,-ասաց Փաշինյանը։

Վարչապետը շեշտեց, որ հաճախ խոսվում է մարդկանց աշխատավարձի և կենսամարդակի մասին. «Այո, աշխատավարձերը բարձրացել են, թոշակները 10%, 5%, շատ-քիչ, բայց ուզում եմ ասել, որ աշխատավարձի բարձրացումը միայն իր աշխատավարձը 1000 կամ 5000 դրամով բարձրանալը չէ։ Եթե մարդը կարող է 50 եվրոյով գնալ Հռոմ և հետ գալ, դա էլ է աշխատավարձի անուղղակի բարձրացում։ Եթե ամբողջ աշխարհում սննդամթերքը թանկանում է, Հայաստանում անկում է ապրում, ապա դա էլ է աշխատավարձի բարձրացում։ Աշխատավարձի բարձրացումը էական չէ, էականը կյանքի որակի բարձրացումն է»։

Աղբյուր` Փաստինֆո