Փաստ ինֆո

Մահացու coronavirus 2019-nCoV- ի տարածման պատճառով արտասահմանյում չինացի մարմնավաճառուհիները բախվել են իրենց ծառայությունների պահանջարկի կտրուկ անկման հետ: Այդ մասին հայտնում է New York Post- ը:

Պարբերականի տվյալների համաձայն, Նոր Զելանդիայում հաճախորդները աշխատում են խուսափել Չինաստանից ժամանած մարմնավաճառների հետ շփումներից, ինչի պատճառով աղջիկները ստիպված են լինում զեղչեր անել, ինչպես նաև ձևացնել, թե կորեացի կամ ճապոնացի են:

«Ես արդեն դադարել եմ ասել, որ ես չինուհի եմ, հաճախորդներին առաջարկում եմ մեծ զեղչ, բայց նրանք միևնույն է խուսափում են մեզանից, կարծես մենք վիրուսի կրող ենք», - ասում է ոլորտի աշխատողներից մեկը:

Պարբերականի մեկ այլ զրուցակցուհին ասել է, որ կորոնավիրուսի մասին լուրերի տարածման ֆոնին նա ստիպված է եղել կիսով չափ զեղչել իր ծառայությունների գները: Ամբողջ արդյունաբերության անկումը, ըստ աղջկա, վերջին երկու շաբաթվա ընթացքում կազմել է 50 տոկոս: «Բիզնեսը անկում է ապրում, դեռևս երբեք այսքան վատ չի եղել», - ասել է նա:

Աղջկա խոսքերով՝ չնայած այն հանգամանքին, որ նա ութ տարի չի եղել Չինաստանում, հաճախորդները կարծում են, որ իրենից վարակվելու հավանականությունը նույնն է, ինչպես Վուհան քաղաքի կորոնավիրուսով վարակված բնակչից:

ՆորԶելանդացի ակտիվիստուհի Քեթրին Հիլին, որը պաշտպանում է տեղի սեքս-աշխատակիցների իրավունքները, ասում է, որ մարմնավաճառուհիների համար «տագնապալի ժամանակներ» են սկսվել: «Մենք անհանգստացած ենք, որ մարդիկ այս վիրուսի պատճառով կարող են չգոյատևել ֆինանսական առումով », - ասել էնա:

Աղբյուր` Փաստինֆո