Փաստ ինֆո

Թուրքիան այս փուլում կարիք չունի սրելու հարաբերությունները Ռուսաստանի հետ: Այս մասին հայտարարել է Թուրքիայի նախագահ Ռեջեփ Թայիփ Էրդողանը, հայտնում է Anadolu գործակալությունը Twitter- ում:

«Թուրքիան և Ռուսաստանը լուրջ ռազմավարական նախաձեռնություններ են ձեռնարկում», - պատճառաբանել է հանրապետության ղեկավարը՝  Մոսկվայի հետ հարաբերությունները սրելուց հրաժարվելը, երբ խոսում էր սիրիական Իդլիբ նահանգում տիրող իրավիճակի մասին, որտեղ փետրվարի 2- 3-ը տեղի ունեցած փոխադարձ հրետակոծության արդյունքում զոհվել են ինչպես թուրքական, այնպես էլ սիրիական զինծառայողներ:

Միևնույն ժամանակ, Անկարան ռուսական կողմին տեղեկացրել է՝ Իդլիբում հակամարտության էսկալացիան անտեսելու անհնարինության մասին:

Հունվարի վերջին Էրդողանը մեղադրել է նաև Ռուսաստանին՝ Իդլիբում իրավիճակի կարգավորման վերաբերյալ պայմանավորվածությունները չկատարելու մեջ: Այդ մասին նա հայտարարել է տարածաշրջանում ծանր մարտերի ֆոնին: Փետրվարի 3-ին, այն բանից հետո, երբ հայտնի դարձավ սիրիական բանակի կողմից հրետակոծության հետևանքով թուրքական զինծառայողների մահվան մասին, թուրքերը պատասխան հակահարված են կատարել՝ հայտարարելով, որ այդ ընթացքում վնասազերծվել է 76 սիրիացի զինվոր:

«Վեդոմոստի» դիվանագիտական աղբյուրը նշել է, որ Անկարան իրականում ունի լծակներ զինյալների նկատմամբ, բայց չի շտապում դրանք կիրառել՝ իր քաղաքական շահերից ելնելով: Դա, իր հերթին, Մոսկվայի համար ձեռնտու չէ, սակայն, պարբերականի զրուցակցի կարծիքով, հնարավոր է ինչ-որ կերպ փոխել իրավիճակը միայն Էրդողանի անմիջական շփման միջոցով՝ Ռուսաստանի նախագահ Վլադիմիր Պուտինի հետ: Փետրուարի 4-ին Թուրքիայի ղեկավարն ասել է, որ հնարավոր է կզանգահարի Պուտինին՝ Իդլիբում տեղի ունեցածի կապակցությամբ:

Աղբյուր` Փաստինֆո