Հայաստանի հանրային հեռուստաընկերությամբ Հրայր Թովմասյանի մասին հեռարձակված հաղորդմամբ խախտվել է անմեղության կանխավարկածը. հանձնաժողովի արձանագրումը

ԲՈԼՈՐ ՆՅՈՒԹԵՐԸ

Բոլորը

08/14/2022 17:18 Թուրքի տուն եմ վառում. Աղավնոյում այրեցին առաջին տունը 08/15/2022 00:22 Անհետ կորածներից 6- ը ողջ են գտնվել. ԱԻՆ 08/14/2022 22:04 Կանգնեցրեք այս զվարճանքը, ձեր հայերի ոսկորների վրա եք պարում, Հայաստանում ողբերգություն է, ինչո՞ւ եք այստեղ․ Երիտասարդ աղջիկը փորձում է ամոթանք տալ համերգի մասնակիցներին (տեսանյութ) 08/14/2022 21:15 ԱՄՆ դեսպանատան զգուշացումը, Փաշինյանի հանձնարարությունն ու ահաբեկչությունների մասին ահազանգերը 08/14/2022 20:46 Եթե պարզվի, որ իշխանական օլիգարխներից մեկը անհավանական ցածր գնով սեփականատերերից խլել է «Սուրմալու» առեւտրի կենտրոնի տարածքը, չկարծեք` Նոստրադամուսն եմ. Ղազարյան 08/14/2022 14:01 Սոցցանցերում օգտատերերը «Սուրմալու» առևտրի կենտրոնի հրդեհվող շենքի տեսանյութեր են տեղադրում 08/14/2022 14:37 Իշխանավերադարձման պրոցեսն սկսված է. Նիկոլը իշխանությունը կհանձնի Սերժ Սարգսյանին.Գասպարյան (տեսանյութ) 08/13/2022 07:18 Արցախում նոր հույսեր են արթնացել․ «Հրապարակ» 08/13/2022 13:15 Կարին Տոնոյանը բարձրացել է Մասիս լեռան գագաթը 08/14/2022 14:56 «Սուրմալու»–ում մինչ այս պահը շարունակվող փոքրիկ պայթյունները շատ նման են հրավառությունների ժամանակ օգտագործվող պայթուցիկների պայթյուններին․ Արսեն Թորոսյան 08/14/2022 20:33 Զորամասում պայմանագրային զինծառայող է մահացել. ՊՆ 08/14/2022 23:02 «Սուրմալու» առևտրի կենտրոնի տարածքում անհետ կորած կարող են համարվել հետևյալ քաղաքացիները․ ԱԻՆ-ը հրապարակել է անունները 08/14/2022 13:40 Պայթյուն «Սուրմալու» առևտրի կենտրոնում. դեպքի վայր է ժամանել 8 մարտական հաշվարկ.կան տուժածներ 08/14/2022 14:24 Սուրմալու շուկայում պայթել է հրավառությունների նյութերի համար նախատեսված պահեստը 08/14/2022 19:16 Պայթյունի կադրերը տարածվել են համացանցում (տեսանյութ) 08/14/2022 15:07 «Սուրմալու» առևտրի կենտրոնում գերլարված իրավիճակը պահպանվում է.ԱԺ նախագահ Ալեն Սիմոնյանը և ԱԱԾ ՊՊԾ պետ Սարգիս Հովհաննիսյանը գտնվում են արտակարգ դեպքի վայրում 08/14/2022 22:57 Այս պահի դրությամբ, Սուրմալու տոնավաճառում տեղի ունեցած պայթյունի հետևանքով կա 3 զոհ, 61 վիրավոր, 27 անհետ կորած. Սարդարյան 08/14/2022 15:29 Ոչ մի հայ ոչ մի տեղ ապահով ու անվտանգ չէ, նույնիսկ Երևանի կենտրոնում. Արթուր Ղազինյան 08/13/2022 17:03 Ալիեւը հրահանգել է հանձնվելիք Բերձորը, Աղավնոն ու Սուսը կարճ ժամկետում բնակեցնել ադրբեջանցիներով 08/14/2022 19:25 «Ավելի քան վստահ եմ, որ իր տունն այրած մեր հայրենակիցը ուշ թե շուտ փոխհատուցում ստանալու է»․ Մելիք-Շահնազարյան

Հայաստանի հանրային հեռուստաընկերությամբ Հրայր Թովմասյանի մասին հեռարձակված հաղորդմամբ խախտվել է անմեղության կանխավարկածը. հանձնաժողովի արձանագրումը 02/03/2020 15:33 | ԼՐԱՀՈՍ

Ս.թ. հունվարի 29-ին Հայաստանի հանրային հեռուստաընկերության «1-ին ալիք» հեռուստածրագրի «Լուրեր»-ով եթեր հեռարձակվեց «ՀՔԾ-ն մանրամասներ է ներկայացրել Հրայր Թովմասյանի մեղադրանքից» վերտառությամբ տեսանյութը, որին հետևեցին տարատեսակ մեկնաբանություններ ու շահարկումներ, և որն առիթ դարձավ Հեռուստատեսության և ռադիոյի հանձնաժողովի հասցեին մեղադրանքներ հնչեցնելու համար:

Հանձնաժողովը, ուսումնասիրելով վերը նշված տեսանյութը, նպատակահարմար է համարում ներկայացնել հետևյալ պարզաբանումները.

1. Հանձնաժողովը ևս մեկ անգամ հիշեցնում է, որ իրավասու չէ միջամտել հանրային հեռարձակողի, ինչպես նաև այլ` մասնավոր հեռարձակողների բովանդակային քաղաքականությանը, և գործում է` ղեկավարվելով բացառապես հեռարձակողների ոլորտը կարգավորող օրենսդրությամբ և Հանձնաժողովի կողմից ընդունված կարգերով:

2. Հանձնաժողովը կիսում է Մարդու իրավունքների պաշտպանի տեսակետն առ այն, որ տեսանյութում խախտվել է անմեղության կանխավարկածի սկզբունքը, որի պահպանման պահանջը վերաբերում է բոլորին, այդ թվում՝ լրատվամիջոցներին: Սակայն, անհրաժեշտ ենք գտնում արձանագրել, որ տվյալ դեպքում վերը նշված սկզբունքի խախտման պատասխանատուն առաջին հերթին ՀՔԾ-ն է:

3. Անմեղության կանխավարկածի սկզբունքի խախտումը չի կարգավորվում «Հեռուստատեսության և ռադիոյի մասին» օրենքով և չի նախատեսում տուգանքի կամ այլ պատժի կիրառում: Ցանկանում ենք հիշեցնել, որ Հանձնաժողովը բազմիցս հրավիրել է գործադիր և օրենսդիր մարմինների ու հանրության ուշադրությունն այն հանգամանքի վրա, որ այս և նմանատիպ օրենսդրական բացերը (բազմաթիվ այլ երկրներում այս խնդիրները օրենսդրորեն կարգավորված են) նվազեցնում են Հանձնաժողովի կարգավորման հնարավորությունները և սահմանափակում են ՀՀ քաղաքացիների իրավունքը` ստանալու օբյեկտիվ, անկողմնակալ, ատելության խոսքից և մանիպուլյացիաներից զուրկ տեղեկատվություն: Ցանկանում ենք նաև նշել, որ ժողովրդավարական երկրներում նման խնդիրները լուծվում են լրագրողական ինքնակարգավորվող մարմինների կողմից:

4. Հանձնաժողովն ափսոսանքով նշում է, որ անմեղության կանխավարկածի, ինչպես նաև տեղեկատվության անաչառության, տեսակետների բազմազանության, պատասխանի իրավունքի սկզբունքների, ինչպես նաև լրագրողական վարքագծի խախտումները ավելի հաճախ են տեղ գտնում մի շարք մասնավոր հեռուստաընկերությունների հաղորդումներում, սակայն այդպիսի խախտումները չեն արժանանում հանրության, քաղաքական ուժերի, հասարակական և ժուռնալիստական կազմակերպությունների ուշադրությանը:

Հանձնաժողովն իր տարակուսանքն է հայտնում առ այն, որ Հանրային հեռուստառադիոընկերության խորհուրդը հրաժարվեց իր պարզաբանումները ներկայացնել հանրությանը վերը նշված տեսանյութի կապակցությամբ: Համաձայն «Հեռուստատեսության և ռադիոյի մասին» օրենքի հոդված 31-ի՝ Խորհուրդը պատասխանատու է հանրային հեռուստառադիոծրագրերի ծրագրային քաղաքականության, լրագրողների մասնագիտական վարքագծի կանոնների պահպանման համար և պարտավոր է բողոքների հիման վրա, կամ իր նախաձեռնությամբ ուսումնասիրել լրագրողների մասնագիտական վարքագծի կանոնների խախտման դեպքերը: Հետևաբար, հանրային հնչեղություն ունեցող դեպքերի վերաբերյալ (անկախ նրանից, թե ինչքանով են հիմնավոր ներկայացրած մեղադրանքները) խորհուրդը պարտավոր է արձագանքել, մշտական երկխոսության մեջ լինել հասարակության հետ:

Հանձնաժողովի հասցեին որոշ անձանց, այդ թվում՝ ՀՀ Սահմանադրական դատարանի նախագահի խորհրդականի կողմից հնչեցրած մեղադրանքների կապակցությամբ, Հանձնաժողովը հայտնում է հետևալը. ՀՌՀ-ն ՀՀ Սահմանադրությամբ ստեղծված անկախ պետական մարմին է, և ՍԴ նախագահի խորհրդականը պարտավոր է իմանալ, որ «Հանձնաժողովը էականորեն թերանում է իր գործառույթներում» արտահայտությունը հանրայնորեն հնչեցնելուց առաջ անհրաժեշտ էր համեմատել Հանձնաժովի կատարած ներկա աշխատանքն ավելի վաղ ժամանակների հետ, կամ հստակ նշել օրենսդրությամբ սանմանված այն նորմերը, որոնց համաձայն Հանձնաժողովը պարտավոր էր պատասխանատվության ենթարկել Հանրային հեռուստաընկերության «1-ին ալիք» հեռուստածրագիրը: Ավելին, խորհրդականը, հանդիսանալով հանրային ծառայող, պարտավոր էր պահպանել հանրային ծառայողի վարքագծի կանոնները, որոնք սահմանված են «Հանրային ծառայության մասին» օրենքով։

Հանձնաժողովը կոչ է անում բոլոր վերգետնյա հեռարձակողներին պահպանել լրագրության մեջ միջազգայնորեն ընդունված կանոններն ու նորմերը, չօգտվել գործող օրենսդրության անկատարությունից և չօգտագործել լրատվամիջոցները որպես նեղ քաղաքական և անձնական շահերի սպասարկման գործիք, գիտակցել սոցիալական պատասխանատվությունը, չխախտել քաղաքացիների իրավունքը՝ ստանալու ճշգրիտ, բազմակողմանի տեղեկատվություն:

Աղբյուր` Փաստինֆո