ԲՈԼՈՐ ՆՅՈՒԹԵՐԸ
Oտարերկրյա կապիտալը փախչում է Հայաստանից. Գագիկ Մինասյանը՝ հակադարձում է Փաշինյանին 02/03/2020 13:32 | ԼՐԱՀՈՍ
Որևէ երկրի այդ թվում Հայաստանի տնտեսության ու կառավարության տնտեսական քաղաքականության նկատմամբ վստահության հիմնական ցուցանիշը օտարերկրյա ուղղակի ներդրումների փոփոխման դինամիկան է։
«Փաստինֆո»-ի հետ զրույցում նման կարծիք հայտնեց, տնտեսագետ, ԱԺ ֆինանսական և բյուջետային հարցերի մշտական հանձնաժողովի նախկին նախագահ Գագիկ Մինասյանը՝ անդրադառնալով այն պնդմանը, թե դոլարային ներհոսքը վկայում է Հայաստանի տնտեսության ու կառավարության տնտեսական քաղաքականության նկատմամբ վստահության աճի մասին։
Հիշեցնենք՝ վարչապետ Նիկոլ Փաշինյանն է այդ պնդման հեղինակը։ Փետրվարի 1-ին նա իր ֆեյսբուքյան էջում գրել էր. «Հունվարի գնումների ծավալը այսպիսով դարձավ 37.8 միլիոն դոլար: Դոլարային այս առատությունը, ըստ էության, կապիտալի ներհոսքի նշան է և վկայում է Հայաստանի տնտեսության ու կառավարության տնտեսական քաղաքականության նկատմամբ վստահության աճի մասին»:
Գագիկ Մինասյանը պաշտոնական վիճակագրությանն է հղում անում՝ խոսելով ներդրումների մասին. «Ըստ պաշտոնական տվյալների Հայաստանում 2019թ.-ի հունվար-սեպտեմբերին զուտ ուղղակի ներդրումները կազմել են մոտ 67 մլն ԱՄՆ դոլար, ինչը 47%-ով քիչ է 2018թ.-ի ցուցանիշի նկատմամբ: Սա խայտառակ վատ, բայց կանխատեսելի դինամիկա է և պայմանավորված է Հայաստանում հաստատած անձիշխանությամբ։ Նիկոլ Փաշինյանի կողմից դատական իշխանությունները իրեն ենթարկեցնելու անթաքույց ու հակասահմանադրական գործողությունները, կառավարության նիստում տնտեսվարողներին ապօրինի սննկացմամբ սպառնալը, «Լիդիան»-ի ու «Սպայկա»-ի հետ տեղի ունեցած ապօրինի գործողությունները անհետևանք մնալ չէին կարող»։
Ըստ մասնագետի, այսօր օտարերկրյա ներդրողները ոչ միայն նոր ներդրումներ չեն բերում այլ նույնիսկ նախորդ տարիների իրենց ներդրումների արդյունքում ստացված շահույթը չեն վերաներդնում Հայաստանում։ «Օտարերկրյա կապիտալը փախչում է Հայաստանից, մասնավորապես, հեռահաղորդակցության ոլորտի հզոր Բիլայն ընկերությունն է լքում Հայաստանը։ Ներդնողները սիրում են կայունություն, կանխատեսելիություն և օրենքի գերակայություն։ Սրանցից ոչ մեկը այսօր չկա Հայաստանում, և կարծում եմ այս իշխանության օրոք չի էլ լինի։ Այս վտանգավոր իրողությունների մասին միայն վերջերս ահազանգեցին աշխարհահռչակ տնտեսագետ Դարոն Աջեմողլուն, Կենտրոնամետ դեմոկրատների միջազգային միության վեհաժողովը, ԵԽԽՎ Հայաստանի հարցով մոնիտորինգի համազեկուցողները»,-շեշտում է Գագիկ Մինասյանը։
Ինչ վերաբերում է նման պայմաններում վարչապետ Փաշինյանի նշած դոլարային առատ ներհոսքին, ըստ մասնագետի, իրականում դա որևէ կապ չունի գործող կառավարության տնտեսական քաղաքականության հետ։ Մինասյանի խոսքով, սրանում համոզվելու համար բավարար է նշել, որ անցյալ տարի Հայաստան ապրանքների ներմուծումը երկու անգամ գերազանցել է արտահանումը՝ նպաստելով երկրից դոլարային արտահոսքին։ «Այս դոլարային ներհոսքի պատճառը բացառապես Եվրասիական տնտեսական միությանը Հայաստանի անդամակցումն է, ինչն ի դեպ այսօրվա իշխանության ներկայացուցիչների համառորեն դիմադրում էին։ ԵԱՏՄ-ին անդամակցելու համաձայնագրով մինչև 2020թ Հայաստնը արտոնյալ պայմաններ ուներ ավտոմեքենաների ներկրման համար։ Անցյալ տարվա ընթացքում այդպիսի պայմաններով Հայաստան են ներկրվել շուրջ 200 հազար ավտոմեքենա, դրանց ճնշող մեծամասնության համար ներկրվել են նաև պահեստամասեր, այստեղ այդ մեքենաները վերանորոգվել են և շուրջ 140 հազար ավտոմեքենա արտահանվել է ԵԱՏՄ այլ երկրներ (հիմնականում Ղազախստան)։ Այսինքն, գործել է մի հզոր տնտեսական շղթա, որը ապահովել է աշխատանք ու եկամուտ մեր հազարավոր քաղաքացիների համար, հարկային եկամուտներ պետական բյուջեի համար, էապես բարելավել է 2019 թվականի հիմնական տնտեսական ցուցանիշները և երկիր է բերել զգալի ծավալի արտարժույթ»,-բացատրում է մասնագետը։
Որպեսզի պարզ լինի թե ինչ հզոր տնտեսական շրջանառություն է դա եղել, Գագիկ Մինասյանը մի քանի տվյալ է նշում՝ շեշտելով, որ այդ գործունեության արդյունքում ամենահամեստ հաշվարկներով վճարվել է շուրջ 115 մլրդ դրամ հարկային եկամուտներ, որը կազմում է պետության անցյալ տարվա հարկային եկամուտների 8% և 2 անգամ գերազանցում է անցյալ տարվա թիվ մեկ հարկատուի՝ «Գրանտ Տոբակո»-ի մուծած հարկերը։
«Շուրջ 140 հազար ավտոմեքենաների արտասահմանում իրացման արդյունքում Հայաստանում մնացել է մոտ 400 մլն դոլար։ Ահա այս 400 միլիոն դոլարն է, որ կենտրոնական բանկը պարբերաբար գնում է շուկայից, լրացնելով երկրի արտարժութային պահուստներ։ Մեկ անգամ ևս ցանկանում եմ շեշտել, որ այս դրական տնտեսական երևույթները ոչ մի կապ չունեն այսօրվա կառավարության հետ, այլ նախորդ իշխանությունների ներդրած ջանքերի արդյունք են»,-ասում է Մինասյանը։
Հարցին, թե արդյո՞ք ավտոմեքենաների բիզնեսի ոլորտում ունենք միայն դրական արդյունքներ, Գագիկ Մինասյանը, արձագանքեց. «Ոչ, այսօր արդեն ակնհայտ են լրջագույն խնդիրներ այդ ոլորտում։ Քանի որ ավտոմեքենաների ներկրումն իրականացվեց հախուռն ձևով, այսօր Հայաստանում մնացել են հազարավոր չիրացված ավտոմեքենաներ, որոնց գինը օրեցօր նվազում է՝ մեծ վնասներ բերելով ավտոներկրողներին և կասկածի տակ դնելով այդ գործունեության համար բանկերից ստացած վարկերի մարումը»։
Տնտեսագետն ակնկալում է, որ կառավարությունը գոնե այս խնդրի լուծումը պետք է վերցնի իր վրա՝ ապահովելով այս ավտոմեքենաների իրացումը ԵԱՏՄ գործընկեր Ղազախստանում։
«Համոզված չեմ , որ կառավարությունը դա կկարողանա անել, քանի որ Նիկոլ Փաշինյանն է կառավարության նիստում հայտարարել, որ այսօր Հայաստանում չկա ռազմավարական ծրագիր մշակելու և իրականացնելու ունակ կառավարություն»,-«Փաստինֆո»-ի հետ զրույցում եզրափակեց Գագիկ Մինասյանը։
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/24/2024 08:18 Փաշինյանը տավուշցիներին երաշխիքներ չի տվել, որ Ադրբեջանին այլ տարածքներ չեն հանձնվելու․«Հրապարակ»
- 04/24/2024 08:12 Սա դեռ թատրոնի առաջին արարն է․ «Հրապարակ»
- 04/24/2024 08:08 Ամաչում են մարդամեջ դուրս գան․ «Հրապարակ»
- 04/24/2024 08:04 Հաջորդ քայլը լինելու է ապրիլի 24-ի հիշատակի օրվանից հրաժարվելը․«Հրապարակ»
- 04/23/2024 08:20 Տավուշը պայքարում է, համայնքապետն ԱՄՆ-ում է․ «Հրապարակ»
- 04/23/2024 08:17 Ծիծեռնակաբերդ այցը պաշտոնական այցերի պրոտոկոլային մաս չէ․ ԱԳՆ-ն՝ Ղազախստանի նախագահի այցի մասին․ «Ժողովուրդ»
- 04/23/2024 08:14 Համերգն առանց տեղական «իշխանիկների»․ «Հրապարակ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/24/2024 18:54 Հրդեհ Կամո գյուղում
- 04/24/2024 17:33 Նոր Գեղիում բախվել են «Mercedes»-ը, «06»-ն ու տրակտորը. պապը, տատը, նրանց դուստրն ու 2 անչափահաս թոռները տեղափոխվել են հիվանդանոց
- 04/24/2024 13:15 Եղանակը առաջիկա 5 օրերին
- 04/24/2024 10:18 Քաղաքացին նախկին ճոպանուղու շենքի 2-րդ հարկից ընկել է զրոյական հարկ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
- 04/21/2024 22:49 Կինը հոր օգնությամբ վրեժ է լուծել դավաճան զուգընկերոջից
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ