Փաստ ինֆո

Ազգային ժողովի «Իմ քայլը» խմբակցությունը փակ նիստ է հրավիրել։ Լրագրողների հետ ճեպազրույցում ԱԺ «Իմ քայլը» խմբակցության պատգամավոր Հովհաննես Իգիթյանն ասել է, որ նիստը նվիրված է եղել ԱԺ-ի սպասվող աշխատանքներին։

Նա բացասական պատասխան է տվել այն հարցին, թե արդյո՞ք նիստին քննարկվել են ԱԱԾ նախկին տնօրեն Արթուր Վանեցյանի հայտարարությունները։
Անդրադառնալով Փաշինյաններ-Վանեցյան վերջին օրերի բանավեճին, Հովհաննես Իգիթյանն ասել է.«Ցանկացած մարդ, ես կամ որեւէ մեկը, եթե դուրս է գալիս մի բանից, փնտրում է իր համար դաշտ։ Դաշտ փնտրելու ժամանակ ամեն ինչ կարող է լինել եւ պետք է հաշվի առնել այդ հանգամանքը» Իգիթյանն ասել է, որ այլ տեղեկությունների չի տիրապետում։ Դիտարկմանը, թե Արթուր Վանեցյանը նշել է, որ կարող է խոսել, իմքայլական պատգամավորն ասել է.

«Այն, ինչ խոսում է ինքը, եթե համապատասխանում է իրականությանը, ուրեմն համապատասխանում է, եթե չի համապատասխանում, ուրեմն այլ օրակարգ ունի, ես ավել բան չեմ կարող ասել, այդ հարցը այսօր իմ օրակարգում, մեր հանձնաժողովի օրակարգում , վստահ եմ՝ մեր քաղաքական ուժի օրակարգում, գոյություն չունի»։

Ինչ վերաբերում է հայտնի գաղտնալսման գործով ՀՀ վարչապետ Փաշինյանի ՝ ՔԿ-ում հարցաքննությանը եւ հանգամանքին, Իգիթյանն ասել է , որ այդ հարցին կարող է պատասխանել ՝ ելնելով Փաշինյանի գրառումից .«Որ դրա մասին տեղեկություններ տալու է»։

Աղբյուր` Փաստինֆո