ԲՈԼՈՐ ՆՅՈՒԹԵՐԸ
Երկրի գլխավոր հրապարակը նախ՝ հարկ է վերադարձնել հանրությանը 01/11/2020 14:04 | Վերլուծություններ
«Այս տարի կսկսվեն Հին Երեւանի՝ Հանրապետության Հրապարակի տակ գտնվող պատմական շերտի բացման եւ այն թանգարանային հատվածի վերածելու աշխատանքները»՝ Նիկոլ Փաշինյանի երեկվա այս հայտարարությունը հանրության շրջանում միանգամից լայն արձագանք է գտավ: Այս հայտարարությանը նախորդել էր ԿԳՄՍ նախարարի ֆեյսբուքյան գրառումը, թե՝ «քաղաքը վերականգնելու հնարավորությունները քննարկում եմ մասնագետների հետ»: Թե կոնկրետ ինչ մասնագետներ են ներգրավված այս գործին, դեռևս հստակ չէ, սակայն, խնդրո առարկա տեղեկատվության վերաբերյալ մասնագիտական շրջանակների արձագանքը զուսպ եղավ թե՛ վարչապետի , թե՛ ԿԳՄՍ նախարարի ֆբ էջերում: Մասնավորաբար, արվեստի պատմության մասնագետ Արա Պետրոսյանն այս համատեքստում մեկնաբանություն թողեց.
« Վերջապես։ Վերականգնել պետք չի, որ «Հին երևան» չդառնա։ Պեղումներից հետո սա ավազով ծածկվել ա ու մնացել ասֆալտի տակ, պետք ա բացել, եթե պետք ա՝ ամրակայել ու ապակով ծածկել»: Նրա այս տեսակետը հավանությամբ էին ընդունել ճարտարապետներ Սարհատ Պետրոսյանը, Տիգրան Գալստյանը: Իսկ գեղանկարիչ Հաղթանակ Շահումյանը հիշեցրել էր. «Այդ շերտը բացվել է դեռևս 1980թվականին, հրապարակի ամբողջական վերանորոգման ժամանակ , «7֊ցայտաղբյուրի» դիմացի գազոնի հատվածում։ Բրեժնեւի նախատեսված այցի պատճառով շինաշխատանքները արագ ավարտին հասցվեց , բայց այդ հատվածը չսալապատվեց, որ հետագայում բացվի և ուսումնադիրվի....
Մնացած գրառումներն արտահայտում էին՝ հրճվանք, ուրախություն, զբոսաշրջության աննախադեպ առաջընթացի ու զարգացման կանխատեսումներ, այս ամենը շատ բնական էր և հասկանալի: Նաև՝ առաջարկներ Երևանյան և հայաստանյան ավելի վաղ շրջանի շերտերին անդրադառնալու, ներկայանալի դարձնելու համատեքստում: Ի դեպ, լրագրող, Ալ. Թամանյանի անվան ճարտարապետության թանգարան ինստիտուտի տնօրեն Մարկ Գրիգորյանի էջում ևս անդրադարձ կար այս թեմային, այստեղ թեպետ հղացումը ողջունում էին, սակայն ներհայաստանյան շրջանակում իրականացնողների առումով թերահավատ էին: Կային նաև վելիկոռուսական շրջանակներից միջազգային մրցույթի առաջարկներ՝ այն մտայնությամբ՝ թե՝ «ձերոնց հույսին պետք չէ թողնել»:
Բայց այս ամենը հարցի մի կողմն է:
Իսկ մյուս կողմը՝ ինչպես բոլոր նման դեպքերում, այս անգամ ևս ճակատագրորեն մեր հարևաններն էին. ադրբեջանցիները հանգիստ սրտով չէին կարողացել ընդունել պաշտոնական շրջանակից արված հայտարարությունը:
İsmayıl Tanrıverdi անվամբ ադրբեջանցի ֆբ օգտատերն, օրինակ, ԿԳՄՍ նախարարի էջում քոմենթ էր գրել, թե՝ իբր «բոլոր հայերը շատ լավ գիտեն, որ հին Էրիվանը կառույցվել է ադրբեջանցի խաների կողմից դրա համար էլ իշխանությունը այս իրական և հին պատմական նշանակություն ունեցող կառույցների վրան ծածկելու հրաման է տրվել»: Նախ, ուշագրավն այն է, որ տվյալ օգտատերը միանգամից իր հայրենակիցներին նույնացրել է թուրքերի հետ, քանի որ սովետական կարգերի հաստատմամբ՝ «ադրբեջանցի» կոչվող ազգի ծննդյան շրջանում խանական տիտղոսներ չէին կարող լինել ավելին, նոր ձևավորված Ադրբեջանական ՍՍՀ-ում, հեղափոխությունը «արխադաշներ» էր բերել: Իրականում՝ թուրքը մնում է թուրք, լինի քեմալական, թե՝ բոլշևիկացած: Ինչևէ:
Տարիներ առաջ, 2012-ին, երբ հերթական անգամ /2004-ից ակսած/ Երևանում քննարկվում էր «Հին Երևան» նախագիծը, Ադրբեջանի նախագահի աշխատակազմից ոմն Ֆուադ Ախունդով էլ նույն հանգով փորձել էր կասկածի ենթարկել Երևանի հազարամյակների պատմությունը, թե՝ այդ ո՞նց է Երևանը հավակնում հնամենի քաղաքի կոչման, ու՞ր են ձեր հազարամյակների պատմության մասին փաստող հուշարձանները, եթե այսօր քաղաքի 19-20-րդ դարերի շենքերն եք վերակառուցում որպես «Հին Երևան»:
Սրանց ի՞նչ ասես: Ասես, որ Երևանի մասին առաջին գրավոր հիշատակությունը Խորենացին է արել իր պատմության մեջ. Ըստ այդմ, նրա ընկերներից եկել Երևանում իջևանել էին: Մատենադարանում պահվում են 7-րդ դարի ձեռագրեր, որ փաստում են` Երևանից երկու հոգևորականներ գնացել են մասնակցելու Դվինի եկեղեցական ժողովին:
Ասես, որ Երևանի մասին հստակ վավերագրեր և փաստեր է տրամադրել աշխարհին Ֆրանսիացի ճանապարհորդ Ժան Բատիստ Տավերնիեն /1632-1668/: Նա 6 անգամ լինելով Հայաստանում, նկարագրելով քաղաքը, կազմելով Երևանի հատակագիծը, որևէ հիշատակություն չի թողել ճակատագրորեն մեր հարևան ադրբեջանցիների կամ թուրքերի «ժառանգության» մասին: Մեկ այլ օտարազգի ճանապարհորդ` Ժան Շարդենը 1673 թ, Պարսկաստան գնալիս որոշ ժամանակ իջևանել է Երևանում, կազմել քաղաքի քարտեզը, և դարձյալ ոչ մի վկայություն Ախունդովի կամ Թանրիվերդիի նախապապերի մասին:
Իսկ Երևանի հազարամյակների պատմության մասին փաստում են ոչ միայն Երևանի ճարտարապետական հուշարձանները, որոնց մի զգալի հատվածը խորհրդային անաստվածության և աթեիզմի զոհը դարձան, ավելի ուշ շրջանի հուշարձանների մի հատված էլ, ցավոք, ապամոնտաժվեց հետխորհրդային շրջանում և այսօր դեռ պահոցներում նիրհում են, բայցև` մի հատվածն այսօր էլ պահպանվում է, ընդ որում ավելի խոր շերտերում պահպանելով ավելի հին շրջանի հայկական ճարտարապետությանը բնորոշ նմուշներ:
Երևանի հնամյա պատմության մասին փաստող ճարտարապետական հուշարձա՞ն եք ուզում, խնդրեմ, Պողոս-Պետրոսը` ամենահին եկեղեցին, ճիշտ է, այն զոհ գնաց անաստվածության տարիներին, բայց վերջինիս մասին փաստող վավերագրերը, լուսանկարները, հայ և օտար հեղինակների հիշատակություններն անհամար են: Երևանի կենտրոնում կենդանի վկաներ են միջնադարյան Սբ. Զորավար եկեղեցին, Սբ. Կաթողիկեն, Ավանի Սբ. Կաթողիկե եկեղեցին` 591-602 թթ. դարի փառահեղ նմուշ : Նաև՝ երկու եկեղեցիներ Ավանում` Սբ Աստվածածինը` 4-6-րդ դար, Սբ Հովհաննես` 5-6-րդ դար…
Եվ կամ` հենց օպերայի շենքի տեղում գտնվող Գեթսեմանի մատուռը, որ նաև հեթանոսական շերտ ունի: Երևանյան հուշարձանները հիմնականում հայերեն արձանագրություններ ունեն: Իհարկե, կան նաև պարսկական տիրապետության շրջանից եկած պարսկական հուշարձաններ , այսօր էլ Երևանում կենդանի վկա ունենք` պարսկական Կապույտ մզկիթը: Իսկ ադրբեջանցիների մասին փաստող և ոչ մի գրություն:
…Ինչ խոսք, այս խմորը դեռ շատ ջուր կվերցնի և բնականաբար, եթե ընթացք ունենա, տարիներ կտևի, քանզի մինչև հրապարակում թանգարանային հատված կյանքի կոչելը այն դեռ պետք է նախապատրաստել դրան:
Եվ, դատելով վարչապետի՝ մրցույթների վերաբերյալ երեկվա «ինքնախոստովանական ցուցմունքից», այս թեման ոչ թե՝ մեկ աղբյուրից գնումով, այլ՝ մրցութային է լինելու:
Սակայն հնարավոր մրցույթից առաջ երկրի գլխավոր հրապարակը նախ՝ հարկ է վերադարձնել հանրությանը՝ տրանսպորտային հանգույցից ու ավտոկայանատեղիից այն վերածելով իրական հանրային տարածքի՝ ջուր, կանաչ, նստարաններ, աղավնիներ…
Հեղինակ՝ Ա. Ե.
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/19/2024 08:26 Ինչպես են այս տարի նշելու Քաղաքացու օրը․ «Հրապարակ»
- 04/19/2024 08:18 Ինչո՞ւ ուղղաթիռով․ «Հրապարակ»
- 04/19/2024 08:15 Հայաստանում դպրոցներ են փակվում. Փաշինյանը խաբել է մաս 202. «Ժողովուրդ»
- 04/19/2024 08:13 ՊԵԿ նախկին փոխնախագահը հրավիրվել է դատախազություն․ «Հրապարակ»
- 04/19/2024 08:10 Մասնակցե՞լ, թե՞ չմասնակցել «պառադին»․ «Հրապարակ»
- 04/19/2024 08:02 Ի՞նչ է փոխվել․ ինչո՞ւ Փաշինյանը հետողորմյա արեց․«Հրապարակ»
- 04/19/2024 07:55 Հիվանդանոցներում պետպատվերով բուժումները կասեցվել են. քաոս. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
Մեկնաբանություն
- 04/19/2024 13:36 Խոշտանգման հետևանքները՝ Շենգավիթի քննչական բաժնում․ փաստաբանն ահազանգում է
- 04/18/2024 16:43 Ֆրանկ Փելոնն ԱՄՆ-ին կոչ է արել ռազմական օգնություն ցուցաբերել Հայաստանին
- 04/18/2024 15:26 Ալիևը ասել է քայլերի հաջորդականությունը՝ սկզբում կպահանջեն ոչ անկլավային տարածքները, հետո անկլավայինը, հետո ճանապարհներ կուզեն դեպի անկլավներ. սա ՀՀ օկուպացիայի ու խեղդելու ծրագիր է.Հայրապետյան
- 04/18/2024 11:52 Վաղը Սամվել Վարդանյանին հրավիրում են հարցաքննության․խոշտանգման գործով սայլը տեղից շարժվում է․ փաստաբան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
- 04/19/2024 22:52 Ծնողները դստեր ննջասենյակում հայտնաբերել են մանկապիղծի թաքնված տեսախցիկը
- 04/18/2024 23:54 Սուրճի ևս մեկ օգտակար հատկություն է հայտնաբերվել
- 04/18/2024 23:38 Կինը բժշկի այցի շնորհիվ բացահայտել է ամուսնու դավաճանությունը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ