Թիրախավորվում է Արմեն Թավադյանի ոչ միայն հասարակական-քաղաքական, այլև՝ մեդիագործունեությունը. Խուզարկության ժամանակ առգրավվել են դրամական միջոցներ

ԲՈԼՈՐ ՆՅՈՒԹԵՐԸ

Բոլորը

10/01/2023 23:05 Արցախում մնացել է մի քանի տասնյակ հայ. նրանք այսօր Սուրբ Հովանի մայր տաճարում աղոթք են բարձրացրել 10/02/2023 16:22 Հայկական կողմն ունի տուժածներ 10/02/2023 11:57 Երկրորդ փուլ չի լինելու, ես չեմ գնալու երկրորդ փուլի. Հայկ Մարությանի դուդուկի տակ չեմ պարելու. Վարդան Ղուկասյան 10/01/2023 11:50 Ես արդեն Երևանում եմ, առաջինը եկա Եռաբլուր․ Արտակ Բեգլարյան 10/02/2023 16:18 Ինչ է լինելու արցախցիների վարկերի հետ. Բանկերը գույքագրում են սկսել 10/02/2023 13:56 Երկու ավտոբուս հիվանդ էին ու մենք․ ճանապարհին մեկը մահացավ՝ աղջկա ձեռքերի մեջ․․․ վկայություններ՝ բռնագաղթից 09/30/2023 21:24 Մարտակերտում 9 ամիս սոված էինք, հիմա էստեղ էլի սոված ենք. արցախցի ընտանիքը 3 հիվանդ երեխաների հետ փողոցում մնալու խնդրի առջև է 10/02/2023 12:20 Մոսկվայի երեք օդանավակայաններում շուրջ 20 չվերթ է հետաձգել 10/01/2023 18:29 Միայն Ադրբեջանը կարող էր մեկ օր տևած պատերազմում ոչնչացնել ավելի քան 400 ադրբեջանցի երիտասարդի միայն մի բանի համար. Դեմոյան 09/30/2023 21:05 Ուշադրություն. հոկտեմբերի 1-ից մեկնարկում է բռնի տեղահանված արցախցիների բնակության ծախսերի աջակցության ծրագիրը 10/02/2023 11:09 Նկուղում սկսված նորածնի կյանքը շարունակվում է հիվանդանոցում․ արցախցի ընտանիքը չգիտի՝ հիվանդանոցից դուրս գրվելուց հետո ուր է գնալու․․․ 10/01/2023 16:12 Նրանց վերջին շնչառությունն է. Էրդողանը մեկնաբանել է Անկարայում տեղի ունեցած ահաբեկչության փորձը 10/01/2023 21:38 Սա վերջը չէ, կա «Զանգեզուրի հարցը», որտեղ նախատեսվում են նոր ջարդեր, որից հետո Ադրբեջանը կմիաձուլվի Թուրքիային. Բաց մի թողեք միջազգային հետաքրքիր լուրերը (տեսանյութ) 10/02/2023 11:55 Բաքվում ավարտվել է Վագիֆ Խաչատրյանի դեմ հարուցված քրեական գործի նախաքննությունը 10/01/2023 11:03 Արցախից տեղահանված ընտանիքում երկվորյակ է ծնվել 10/01/2023 10:49 Ռուբեն Վարդանյանը շատերի համար հայի արժանապատվության վերականգնման խորհրդանիշ կդառնա, զորակցություն եմ հայտնում Լեւոն Մնացականյանին, Դավիթ Մանուկյանին, Դավիթ Բաբայանին․ Տոնոյան 10/02/2023 09:31 Արցախի նախկին նախագահներնն ու կառավարության անդամները երեկ եկել են Հայաստան 10/01/2023 16:39 Աննա Հակոբյանը Իջևանում ծնունդի է մասնակցում. «Հրապարակ» 10/02/2023 12:01 Հայտնի են դպրոցականների արձակուրդների օրերը 10/01/2023 17:07 Արմեն Գրիգորյանը Թեհրանում է

Թիրախավորվում է Արմեն Թավադյանի ոչ միայն հասարակական-քաղաքական, այլև՝ մեդիագործունեությունը. Խուզարկության ժամանակ առգրավվել են դրամական միջոցներ 01/08/2020 18:32 | ԼՐԱՀՈՍ

Դեռևս դեկտեմբերի 27-ին պարզ էր, որ դատախազությունը մերժելու է «5-րդ ալիք» ՀԸ սեփականատեր Արմեն Թավադյանի նկատմամբ ընտրված խափանման միջոցը կալանավորումն անձնական երաշխավորությամբ փոխարինելու վերաբերյալ միջնորդությունը։ Այս մասին լրագրողների հետ զրույցում ասաց Արմեն Թավադյանի փաստաբան Հովհաննես Խուդոյանը։

Նրա խոսքով՝ որևէ ակնկալիք Դատախազությունից չի եղել, այլ սա պարզապես հնարավորություն էր, որ Դատախազությունն ուղի իր սխալն՝ առանց մեծ աղմուկի։ Նրա խոսքով՝ ի սկզբանե պարզ էր, որովհետև նման գործերն առանց քննչական մարմնի և դատախազության նախնական համաձայնության սովորաբար չեն կատարվում։

«Սա այն շարքային գործը չէր, որի շրջանակներում քննչականը կարող է ինչ-որ սխալ անել, հետագայում դատախազությունը հետևի և ուղղի սխալը»,-նշեց փաստաբանը՝ շեշտելով, որ հանդիպում է ունեցել հսկողություն իրականացնող դատախազի հետ, որից տպավորություն էր ստեղծվել, որ շաբլոն ձևակերպումներով միջնորդությունը մերժվելու է։ Խուդոյանը նշեց, որ այսօր բողոք կներկայացվի Վերաքննիչ դատարան՝ խափանման միջոցի կիրառման դեմ։ «Եթե արհեստական խոչընդոտներ չստեղծվեն, ակնկալում ենք, որ եկող շաբաթ արդեն դատական նիստ կհրավիրվի»,- ասաց Խուդոյանը։ Ինչ վերաբերում է Թավադյանի գույքի վրա կալանք դնելու մասին, Խուդոյանը նշեց, որ նման տեղեկություն այս պահին չկա, բայց փորձը հուշում է, որ այդ քայլին ևս կգնան։ «Որովհետև Արմեն Թավադյանի հասցեում խուզարկությունների ժամանակ առգրավվել են դրամական միջոցներ, որը որևէ կերպ տրամաբանություն չի կարող ունենալ և չի կարող կապվել կոնկրետ գործի հանգամանքների հետ»,- ընդգծեց Խուդոյանը՝ հավելելով, որ դրանք եղել են այն միջոցները, որոնք Թավադյանը ներդնում էր մեդիագործունեության մեջ, ինչից տպավորություն է ստեղծվում, որ թիրախավորվում է ոչ միայն Արմեն Թավադյանի հասարակական-քաղաքական գործունեությունը, այլև՝ մեդիագործունեությունը։ Նրա խոսքով՝ պատրաստվում են դիմել նաև նշված միջոցները վերադարձնելու համար։

Ավելի վաղ «Փաստինֆո»-ն տեղեկացրել է, որ Դատախազությունը մերժել է «5-րդ ալիք» ՀԸ սեփականատեր Արմեն Թավադյանի նկատմամբ ընտրված խափանման միջոցը կալանավորումն անձնական երաշխավորությամբ փոխարինելու վերաբերյալ փաստաբանի միջնորդությունը։ Հիշեցնենք, որ դեկտեմբերի 27-ին Հովհաննես Խուդոյանը հայտարարել է, որ ԶԼՄ ներկայացուցիչները՝ որպես հարգանքի դրսևորում իրենց գործընկերոջ նկատմամբ, պատրաստակամություն են հայտնել երաշխավորելու, որ պարոն Թավադյանը, գտնվելով ազատության մեջ, որևէ խոչընդոտ չի հանդիսանա քրեական գործի համար եւ համապատասխան միջնորդությունը նույն օրն առձեռն փոխանցել դատախազություն։

Հիշեցնենք, որ Թավադյանին մեղադրանք է առաջադրվել «Մարտի 1»-ի գործով տուժողին ենթադրաբար կաշառելու մեջ։
Դեկտեմբերի 19-ին ոստիկանությունը տեսանյութ էր տարածել, ըստ որի Ռոբերտ Քոչարյանի աջակիցներից մեկը Քանաքեռում գտնվող իր գրասենյակ է հրավիրել մարտի 1-ի դեպքերից տուժած անձանցից մեկին ու առաջարկել հրաժարվել տուժողի կարգավիճակից, տված ցուցմունքից և չներկայանալ դատական նիստերին՝ հայտնելով, որ պատրաստ է վճարել այն գումարը, որը պետք է պետությունը տրամադրի որպես դրամական աջակցություն։ Բացի այդ խոստացել է, որ իշխանափոխությունից հետո տուժողին կնշանակեն բարձր պաշտոնի։ Դեպքի առթիվ ոստիկանությունում քրեական գործ է հարուցվել, որով նախաքննությունը կատարվում է ՀՔԾ-ում։

«Փաստինֆո»-ն հայտնել էր, որ նախաքննական մարմինը ոստիկանության կողմից ներկայացված արարքը որակել է սուտ ցուցմունք տալու համար տուժողին կաշառելը, որ կատարվել է կազմակերպված խմբի կողմից եւ մեղադրանք առաջադրել ՀՀ երկրորդ նախագահ Ռոբերտ Քոչարյանի ենթադրյալ աջակից՝ ավելի վաղ ձերբակալված Վ.Մկրտչյանին՝ ՀՀ քրեական օրենսգրքի 340-րդ հոդվածի 4-րդ մասի 1-ին կետով, եւ նրան ազատել արգելանքից։ Փոխարենը նույն օրը ձերբակալվել է հեռուստաընկերության սեփականատեր Արմեն Թավադյանը, ապա նաեւ կալանավորվել՝ նույն մեղադրանքով։ Տարածված տեղեկատվությանն արձագանքել էր նաև «Հայաստան» համահայկական հիմնադրամի նախկին գործադիր տնօրեն Արա Վարդանյանը` նշելով, որ ոստիկանական այս «օպերացիային» կարող են հաջորդել նոր ձերբակալություններ` չբացառելով նաեւ Ռ.Քոչարյանի որդիներից մեկի ձերբակալությունը: Լևոն Քոչարյանը հայտարարել է, որ երկու տարի շարունակ պնդել են, որ նպատակ չունեն գործի քննությանը խոչընդոտելու և ոչ էլ ցուցմունք կա, որը ցանկություն են ունեցել փոխելու։

Անդրադառնալով ոստիկանության տարածած տեսանյութին՝ նա նշել է երկու տարբերակ՝ կամ աջակիցն է երեք ամիս առաջ հայտնվել հատուկ նպատակով կամ էլ նրա մուտ ուղարկված մարդը։ Այսինքն՝ երկու դեպքում էլ նա նշել էր, որ դա կազմակերպված է եղել իշխանությունների կողմից։ «Աբսուրդ է, որ նման բան անի մի մարդ, ում ճանաչում ենք երեք ամիս»,- հայտարարել է Լեւոն Քոչարյանը։

Հեղինակ՝ Իզաբել Սահակյան