Փաստ ինֆո

«Վաչագանի Այբբենարանը  ազգային մտածողությամբ, երեխաների հոգեկան  զարգացման տվյալ փուլն ամբողջությամբ հաշվի առած եւ հոգեբանական տեսակետից ընդունելի  դասագիրք է, որը միայն գնահատանքի խոսքերի է արժանի, բայց ովքեր են տալիս գնահատականները: Նրանք առաջին հերթին պատվեր կատարող մարդիկ են, մարդիկ, ովքեր խնդիր ունեն լուծելու եւ հետեւողական ձեւով ամեն մեկն իր մասով իր առաջադրանքը կատարում է»,-«Փաստինֆո»-ի հետ զրույցում նման կարծիք հայտնեց հոգեբան Կարինե Նալչաջյանը՝ անդրադառնալով Վաչագան Սարգսյանի հեղինակած Այբբենարանի շուրջստեղծված աղմուկին:

Հիշեցնենք, նախօրեին, խորհրդարանում «Կրթության ոլորտի բարեփոխումներն ու առաջիկառազմավարական մարտահրավերները» թեմայով քննարկման ժամանակ իշխող խմբակցության պատգամավոր Սոնա Ղազարյանը հայտարարեց, որ  վերջերս բախտ է ունեցել բացելԱյբբենարանը, որը հեղինակել է Վաչագան Սարգսյանը և ապշել է դասագրքի լուսանկարներից: Պատգամավորը հայտարարել է, որ « կինը մշտապես ներկայացված է որպես տնայինտնտեսուհի, իսկ տղամարդը՝ որպես հիմնական աշխատուժ։ Կներե՛ք, բայց ես կարծում եմ, որայդ այբբենարանի տեղն աղբամանում է»:
Դասագրքի հեղինակ Վաչագան Սարգսյանը պատասխանել է այս հայտարարությանը ՝ նշելով. «Սոնա Ղազարյան, Ազգային ժողովի պատգամավոր, ձեզ ասում եմ, որ դուք սուտ եք խոսում, կեղծարար եք ու տգետ»:

Հոգեբան Կարինե Նալչաջյանը տարակուսում է՝ գոնե պետք է պատկերացնել այն ոլորտը,  որի մասին խոսում է պատգամավորը: Ըստ նրա, ստեղծվել է մի իրավիճակ, երբ տարբեր մարդիկ տարբեր կողմերից փորձում են այսպես ասած կարծրատիպեր ջարդել. «Մի դեպքում անունը դնում են ստերեոտիպ՝ ցանկացած ավանդական արժեք են ջարդում, այստեղ  էլ Այբբենարանն են քննադատում, որը հրաշալի մշակված դասագիրք է, բայց մարդը գենդերային,  ամենավատ իմաստով, անհավասարություն է փորձում  գտնել այնտեղ, որտեղ այն ընդհանրապես չկա: Մենք հպարտությամբ կարող ենք ներկայանալ աշխարհին, որովհետեւ  մեր մշակույթում կինը, մայրը հարգված է, բայց բանից անտեղյակ մարդիկ նման հայտարարություններ են անում: Ես ուղղակի շատ վատ տպավորություն ստացա, այդ թերուս ու վաճառված մարդիկ Այբբենարան են գցում աղբանոց, իրենց իրավունք են վերապահում մեր արժեքների մասին  խոսել»:

Կարինե Նալչաջյանը համոզված է այն, ինչ այսօր կատարվում է ավանդական արժեհամակարգի, հայոց լեզվի հետ մի մեծ պատվեր է: Հոգեբանը հիշեցնում է, որ իշխանության գալու հենց սկզբից ԿԳՄՍ նախարար Արայիկ Հարությունյանը նախ թիրախավորեց ռազմահայրենասիրական դաստիրակությունը, ազգ-բանակ կոնցեպտը, միանգամից անցան եկեղեցուն, ինչը ըստ հոգեբանի, վկայում է, որ ազգային հիմնասյուներին են դիպում:
«Շատ լուրջ թիրախավորված են երեխաները: Այդ ուժերը շատ մտածված գործ են անում, չէ՞ որ երեխաները մեր ապագան են ու եթե այսօր մենք խեղաթյուրենք երեխաների աշխարհը, մեր ապագան լուծված կլինի, շատ բան չի մնա անելու եւ  սա է պատճառը, որ երեխաների թիրախավորումը կարմիր թելի նման գնում է»,-ասաց Կարինե Նալչաջյանը:

ԳԱԱ գրականության ինստիտուտի տնօրեն Վարդան Դեւրիկյանը կարծում է, որ պատգամավորը պետք է չափավոր խոսի, էթիկայի սահմանը չպետք է անցնի: «Ես Վաչագան Սարգսյանին ճանաչում եմ որպես իմ կողմից հարգված  մտավորականի, ես գիտեմ, որ նա շատ կուռ մտածողություն ունի եւ նման պրիմիտիվ բան չէր կարող անել՝ կնոջը խոհանոցում ներկայացնել: Ես կարծում եմ, որ պատգամավոր անձնավորությունը պետք է չափավոր խոսի, նա «այբենարան» եւ «աղբաման» բառերը իրար չեն պատշաճում , էթիկետի աստիճան կա, որից իրավունք չունի իջնելու  պատգամավորը, առավել եւս , երբ Վաչագան Սարգսյանի վաստակի 10 տոկոսը չունի: Այս ոճը, այս անհանդուրժողականությունը մեր երկրի համար կործանարար է»,-«Փաստինֆո»-ի հետ զրույցում նշեց Վարդան Դեւրիկյանը:

Նա շեշտեց՝  աշխարհի շատ երկրներում ընտանիքի նյութական բարեկեցության պատասխանատվությունը տղամարդն է կրում , իսկ հավասարությունը կնոջ եւ տղամարդու միջեւ չի  նշանակում, որ տարբեր հարաբերություններում պետք է բոլոր տարբերությունները ջնջվեն:

«Դա հակաբնական կլինի, երբեմն հավասարության մեջ մենք նվաստացնում ենք կնոջը՝ իր բարձունից իջեցնում ենք»,-շեշտեց գրականագետը` առաջարկելով լուրջ սոցիոլոգիական հետազոտություն անցկացնել եւ պարզել, թե Հայաստանի կանանց որ տոկոսը կցանկանար նման հավասարություն: Ըստ Դեւրիկյանի, այդպիսի ուսումնասիրությունը նաեւ Ստամբուլյան կոնվենցիայի հետ կապված շատ հարցերի պատասխաններ կտա:

Որպես Նոր Տարվա  մաղթանք Վարդան Դեւրիկյանն ասաց. «Մաղթում եմ, որ մարդիկ, որոնք առանձնապես որեւէ արժեք իրենց կյանքում չեն  ստեղծել եւ դեպքերի բերումով որոշակի դիրքի են հասել, հետադարձ հայացքով փորձեն  նայել իրենց անցած ճանապարհին ու փորձեն արժեւորել ու իմաստավորել : Ես այդ պատգամավորին սեր ու հանդուրժողականություն կմաղթեմ , իսկ Վաչագան Սարգսյանին՝ որ անվհատ շարունակի իր գործունեությունը»:

Նշենք, որ  Սոնա Ղազարյանն այն պատգամավորն է, որը, ըստ մամուլի,  պատգամավոր է դարձել արտասվելու համար, երբ քարոզարշավին վարչապետ Նիկոլ Փաշինյանը Համո Սահյան էր ասմունքում: Ըստ հրապարակումների, Սոնա Ղազարյանը հուզվել է ու արտասվել, ինչն էլ չի վրիպել Փաշինյանի ուշադրությունից եւ նա հայտնվել է  «Իմ քայլը»-ի  նախընտրական ցուցակի անցողիկ տեղերում:

Աղբյուր` Փաստինֆո