Փաստ ինֆո

Այդ հայտարարությունը շատ ավելի քաղաքական էր։ Լրագրողների հետ զրույցում այս մասին ասաց ՊԵԿ նախագահ Դավիթ Անանյանը՝ անդրադառնալով կառավարության նիստի ժամանակ ՀՀ վարչապետ Նիկոլ Փաշինյանի հայտարարությանն այն մասին, որ 

«Դա կոնկրետ որևէ անձի նպատակաուղղված չէր։ Պետական համակարգը միշտ էլ գնահատվել է և գնահատվում է ցանկացած երկրում, այդ թվում նաև Հայաստանում, որ ինքը մի քիչ ավելի պահպանողական է, որովհետև պետական համակարգը շատ ավելի հեղափոխական քայլերով առաջ գնալու վարքագիծ չի դրսևորում և կարծում եմ՝ պարոն վարչապետի խոսքը դրան էր ուղղված, որ հեղափոխականությունը կամ հեղափոխական լինելը վերաբերում է նաև պետական համակարգին և բոլորը պետք է ջանք գործադրեն, որ կառտավարությունը ևս դառնա հեղափոխական»,-նշեց Դավիթ Անանյանը։

Հարցին՝ միջգերատեսչական համագործակցության ժամանակ որ գերատեսչությունների հետ է ունենում խնդիրներ, դիմադրություն, Դավիթ Անանյանն արձագանքեց. «Ինչու պետք է այդ հարցին պատասխանեմ։ Համարում եք, որ այդպիսի պարտականություն ունեմ՝ այդ հարցին պատասխանելու»,-ասաց Դավիթ Անանյանը՝ հավելելով, որ կառավարության ներսում առկա է առողջ համագործակցության մթնոլորտ և եթե կան նաև դիմադրություններ, դրանք խիստ պրոֆեսիոնալ մակարդակում են։

Անդրադառնալով նիստի ժամանակ Գյումրիի ավտոմաքսատան շինարարությունն ավարտելու համար ՊԵԿ-ին լրացուցիչ գումար տրամադրելու նախագծի շուրջ Ֆինանսների նախարար Ատոմ Ջանջուղազյանի տեսակետին, Դավիթ Անանյանն ասաց. «Ֆինանսների նախարարությունը ի դեմս ֆինանսների նախարարի ներկայացրել է իր տեսակետը, որը ոչ միայն իրավունք ունի գոյություն ունենալու, այլև ինչ-որ չափով լեգիտիմ է»։

Դիտարկմանը՝ արդյոք ֆիննախը գումար չի տրամադրելու նախագծի համար, ՊԵԿ նախագահն ասաց. «Ֆիննախն ո՞վ է, որ գումար տա կամ չտա։ Եկեք այսպես ասենք ֆիննախը չի որոշում գումար տա, թե չտա։ Կառավարություն են որոշումներ կայացվում, ֆիննախն ուղղակի այդ ոլորտում քաղաքականություն իրականացնողն է»,-հավելեց ՊԵԿ նախագահը։

Աղբյուր` Փաստինֆո