Փաստ ինֆո

Քաղաքագետ Հրանտ Մելիք-Շահնազարյանը ֆեյսբուքյան իր էջում գրում է.

«Ռուսաստանում՝ մեր ուշադրությունից դուրս մնացած հետաքրքիր գործընթացներ կան։ Մի քանի օր առաջ ադրբեջանցի պրոֆեսոր Հասան Հուսեյնովը, ով դասավանդում է Մոսկվայի Էկոնոմիկայի բարձրագույն դպրոցում, խիստ տգեղ և արհամարհական տոնով է արտահայտվել ռուսերեն լեզվի, մշակույթի և ընդհանրապես Ռուսաստանի մասին։ Բնականաբար շատերին դա դուր չի եկել, մարդիկ սկսել են քննադատել նրա գռեհիկ վարքագիծը, բայց, ի ուրախություն Հուսեյնովի, տեղի սորոսականները սկսել են պաշտպանել նրան։ Նորից շրջանառության մեջ են դրվել մտքի, խղճի, խոսքի ազատության և տարատեսակ այլ իրավունքների մասին չարչրկված թեզերը… Մի խոսքով, ամեն ինչ այնպես է, ինչպես դա հաճախ լինում է նաև Հայաստանում՝ հրամանը իջնում է, ցանցերը ակտիվացվում են ու ամեն տեղից սկսում է կեղտ լցվել ազգային արժեքների վրա։

Քիչ առաջ այդ թեմայով Պրիլեպինի հերթական՝ չափազանց հերթական և ճիշտ շեշտադրումներով հաղորդումը նայեցի։ Ու մտքիս երկու բան եկավ, որ ուզում եմ անպայման կիսվել։ Նախ այն, թե որքան հաժախ է թիրախների խոցումը սինխրոնացվում տարբեր՝ սորոսական ցանցերի կողմից թշնամաբար (ցավոք հենց թշնամաբար) ընկալվող երկրներում։ Մենք ստեղ հայերենի ու հայոց պատմության համար ենք կռիվ տալիս, պարզվում է Ռուսաստանում էլ ռուսերենի պաշտպանության խնդիր կա։ Սա ծավալուն թեմա է, որին մի օր անպայման կանդրադառնամ։ Բայց մինչ այդ երկրորդ դիտարկումս։

Պատկերացնու՞մ եք ադրբեջանցիները քարոզչական ինչ աշխատանք կանեին, եթե Հասան Հուսեյնովի փոխարեն ազգությամբ հայ պրոֆեսոր լիներ։ Պատկերացնու՞մ եք հայատյացության ինչ ալիք կբարձրացնեին նրանք Ռուսաստանում այդ դեպքում։ Իսկ մեր պետական քարոզչությունը սկի տեղյակ էլ չէ այդ խնդրի մասին։ Բոլոր ճակատներն անտերության են մատնված։ Ախր այդպես չի կարելի։ Ախր դա հանցագործություն է։

P.S. Telegram-ի իմ ալիքում կգտնեք նաև Պրիլեպինի հաղորդման հղումը։ Շատ հետաքրքիր է, անպայման դիտեք»:

Աղբյուր` Փաստինֆո