Փաստ ինֆո

Մյուս շաբաթ երկու պաշտոնյայի ենք հրավիրելու հանձնաժողով, որոնք շատ կարևոր են։ Այս մասին լրագրողների հետ զրույցի ժամանակ ասաց ԱԺ ապրիլյան պատերազմի հանգամանքներն ուսումնասիրող քննիչ հանձնաժողովի նախագահ Անդրանիկ Քոչարյանը՝ չմանրամասնելով՝ ում նկատի ունի։

«Ինչ-որ թերթեր, կայքեր կան, որոնք հանձնաժողովի ներսում կամ հանձնաժողովից դուրս ինչ-որ ցայտաղբյուրներ ունեն, որոնք տարածում են ինֆորմացիա, որ բացարձակ կապ չունի դռան հետևում տեղի ունեցող պրոցեսներին։ Մի երկու հրապարակում կա, որը համարում եմ մտահոգություն՝ սպասված անձնավորությանը հրավիրելուց առաջ»,-ասաց Անդրանիկ Քոչարյանը։

Նա հավելեց, որ Պաշտպանության նախարարությունից լրացուցիչ կարևոր նյութեր են ստացել, որոնք հնարավորություն են տալիս ուսումնասիրության ծավալներն ավելի մեծացնել։

Լրագրողի այն դիտարկմանը, որ Պաշտպանության նախարարն ասում էր՝ քննիչ հանձնաժողովի ի հայտ բերած փաստերը նորություն չեն և Ապրիլյան քառօրյայի վերաբերյալ նախարարությանն ամեն ինչ հայտնի է, ապա այդ դեպքում որն է հանձնաժողովի ֆունկցիան, Անդրանիկ Քոչարյանն արձագանքեց.

«Չեմ ուզում պարոն Տոնոյանի ասածը մեկնաբանել, որովհետև պարոն Տոնոյանը հիմա շատ ինտենսիվ աշխատում ենք նախարարության հետ և թերությունները մեկս մյուսին օգնելով պետք է գտնենք, լուծենք»,-նշեց Անդրանիկ Քոչարյանը՝ հավելելով, որ բնական է շատ բաներ պաշտպանության նախարարությանը հասանելի են եղել, խնդիրն այն է հետո որոշումները ճիշտ են եղել. «Նյութերն ուսումնասիրելիս կհասկանանք բանակի կառավարելիությա մակարդակը։

Ինչպիսի՞ն է եղել և հասկանանք, թե ապրիլին ինչպիսի ծավալի գործողություններ են եղել և ինչ բնույթի»,-հավելեց Անդրանիկ Քոչարյանը։

Աղբյուր` Փաստինֆո