ԲՈԼՈՐ ՆՅՈՒԹԵՐԸ
ԱԳՆ-ում տեղի ունեցավ Դիվանագիտական դպրոցի հիմնադրման 10-ամյակին նվիրված միջոցառումը (տեսանյութ) 11/08/2019 00:00 | ԼՐԱՀՈՍ
Նոյեմբերի 8-ին տեղի ունեցավ Հայաստանի Դիվանագիտական դպրոցի հիմնադրման 10-ամյակին նվիրված միջոցառումը, որին շնորհավորական ելույթներով հանդես եկան ՀՀ վարչապետ Նիկոլ Փաշինյանը, ԱԳ նախարար Զոհրաբ Մնացականյանը և Դիվանագիտական դպրոցի տնօրեն Վահե Գաբրիելյանը։
Ներկաներին ուղղված ողջույնի խոսքում նախարար Մնացականյանը նշեց․ «Այսօր լրանում է Հայաստանի ԱԳՆ դիվանագիտական դպրոցի տասնամյակը: Սա մի նշանակալի իրադարձություն է մեր պետականակերտման պատմության մեջ, քանի որ անհատների ջանքերն ի վերջո միս ու արյուն են ստանում ու ամրապնդվում հենց պետական հաստատությունների կայացման և ամրապնդման միջոցով: Հաստատություններն են ապահովում պետականության ամրությունը:
2009 թ. ԵՄ աջակցությամբ հիմնադրվեց Հայաստանի դիվանագիտական դպրոցը, որ հասցրել է իր ուրույն տեղը զբաղեցնել Հայաստանի նորանկախ պետության կադրերի պատրաստման գործում ու, առանց չափազանցության, ծառայում է որպես դիվանագետների, ինչպես նաև պետական այլ գերատեսչությունների կադրերի պատրաստման և մասնագիտական կարողությունների բարձրացման դարբնոց:
Անցած տաս տարիների ընթացքում Դիվանագիտական դպրոցը ունեցել է ավելի քան երկու հարյուր շրջանավարտ, որոնցից ավելի քան հարյուր քսանը այժմ ծառայում են պետությանը՝ որպես դիվանագետ: Սակայն սա Դիվանագիտական դպրոցի պատմության միակ էջը չէ. այն վերապատրաստման դասընթացներով մշտապես բարձացնում է Հայաստանի դիվանագետների և պետական այլ հաստատությունների աշխատակիցների որակավորումը:
Ավելին, Դպրոցի շրջանավարտներն այսօր աշխատում են գրեթե բոլոր պետական հաստատություններում՝ Կառավարությունում, տարբեր նախարարություններում: Նրանցից ոմանք զբաղեցնում են փոխնախարարի պաշտոններ, ինչպես նաև ներկայացված են երկրի Խորհրդարանում՝ որպես պատգամավոր: Կարծում եմ մեր այս միջոցառման հյուրերը կվկայեն դրա մասին:
Դիվանագիտական դպրոցի հաջողության գաղտնիքներից մեկը աշխարհի առաջատար կրթական հաստատություններից հրավիրված դասախոսական կազմն է. շուրջ հինգ տասնյակ պետությունների մոտ հինգ տասնյակ դասախոսներ աշխարհի ամենաառաջատար ու նորարարական միտքն են փոխանցել ՀՀ ԱԳՆ դիվանագիտության կադրերին:
Կցանկանայի առանձնահատուկ ընդգծել Դիվանագիտական դպրոցի, իմ կարծիքով, ամենամեծ ներդրման մասին. վերջինիս գործունեության շնորհիվ Արտաքին գործերի նախարարությունում տեղի է ունեցել սերնդափոխություն: ԱԳՆ համակարգում աշխատում է մի ամբողջ սերունդ, որն առավել հավակնոտ է իր ամենօրյա գործունեությամբ՝ ապացուցելու Հայաստանի արտաքին քաղաքականության երեք հիմնարար սյուների արդիականությունը և հանձնառությունը դրանց՝ ինքնիշխանություն, համահայկականություն և փոխգործակցություն:
Այս գործում կցանկանայի նշել Դպրոցի երկարամյա տնօրեն, դեսպան Վահե Գաբրիելյանի ավանդը:
Դիվանագիտական դպրոցը ծառայում է որպես կարևոր օրինակ Հայաստան-Եվրամիություն համագործակցության և ՀՀ հաստատությունների զարգացման գործում ԵՄ ներդրման, ինչի համար մեր շնորհակալությունն ենք հայտնում Եվրամիությանը։
Հարգելի հյուրեր,
ԱԳՆ հաստատության կայացումը շարունակական գործընթաց է: Մեր երկրում տեղի ունեցող ժողովրդավարության, ինստիտուտների կարողությունների զարգացման օրինակ է նաև այս տարվա օգոստոս-սեպտեմբերին ԱԳՆ կազմակերպած դեսպանահավաքը: Մեր պետականության պատմության մեջ առաջին անգամ ԱԳՆ արտերկրյա ու կենտրոնական ապարատի դիվանագետները պանելային քննարկումներով նոր մակարդակի բարձրացրին հայրենի դիվանագիտության կազմակերպման մակարդակը: Արցախում և առաջին անգամ՝ Գյումրիում կազմակերպված հանդիպումները մարզերի ղեկավարների հետ հստակ ընդգծեցին դիվանագիտության գործառույթը՝ երկրի զարգացման օրակարգի համատեքստում։
Սակայն նորի կառուցումը մենք, որպես հաստատություն, իրականացնում ենք այն ավանդի վրա, որ ավագ սերնդի դիվանագետներն ունեն մեր պետության առջև: Այս առումով, նոր սերնդի դիվանագետները շուտով կաշխատեն ԱԳՆ-ում իրենց ավագ գործընկերների հիշատակին անվանակոչված աշխատասենյակներում, ինչպիսիք են լեգենդար Ջոն Կիրակոսյանը, դեսպաններ Աշոտ Մելիք-Շահնազարյանը, Բադալյանը, Ջիվան Թաբիբյանը: Մենք կվերաբացենք նաև Ասո Տավիտյան գրադարանը:
Ինձ համար անձնապես մեծ պատիվ է, թեև այս փոքր քայլով, նպաստել գալիք սերունդների համար նրանց հիշատակը և ավանդը վառ պահելու գործին, և պատահական չէ ընտրված հենց այս օրը, քանի որ իրապես անգնահատելի է մեր գործընկերների ավանդը մերօրյա դիվանագիտության կայացման գործում:
Մեկ անգամ ևս շնորհավորում եմ բոլորիս մեր դիվանագիտության համար կարևոր այս հոբելյանի կապակցությամբ:
Մեծարգո պարոն վարչապետ,
Ուզում եմ իմ խորին երախտագիտությունը հայտնել Ձեզ՝ Ձեր շարունակական աջակցության համար, պետության այս հաստատության, այս ինստիտուտի կայացման և ամրապնդման գործում։ Սա բավական մեծ ներդրում է, բավական մեծ ոգևորություն է և մեծ նշանակություն ունի, բավական մեխ աջակցության է մեզ համար»։
Շնորհավորական ելույթով հանդես եկավ նաև Վահե Գաբրիելյանը, ով, մասնավորապես, նշեց․ «2009 թվականի Սեպտեմբերի 23-ին ՀՀ կառավարությունը ընդունեց շատ պատմական և կարևոր որոշում՝ 1111-րդ որոշումը, որով հիմնվեց ՀՀ դիվանագիտական դպրոցը: Կառավարության վերաբերմունքը մեր նկատմամբ եղել է դրական աճողական դինամիկայով, և մենք լիահույս ենք, որ այս վերաբերմունքը կշարունակվի: Ես իհարկե ցանկանում եմ նշել, որ մեր աշխատանքի հիմնական արդյունքը մեր շրջանավարտներն են և ինձ զգալի ջերմացնում է այն փաստը, որ մեր շրջանավարտների զգալի մասը հիմա այստեղ են և մեր ծրագրերի հիմնական մասնակիցներն են»։
Միջոցառման շրջանակներում տեղի ունեցավ նաև Դիվանագիտական դպրոցի 2017-2018թթ. շրջանավարտների երդման հանդիսավոր արարողություն:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/19/2024 08:26 Ինչպես են այս տարի նշելու Քաղաքացու օրը․ «Հրապարակ»
- 04/19/2024 08:18 Ինչո՞ւ ուղղաթիռով․ «Հրապարակ»
- 04/19/2024 08:15 Հայաստանում դպրոցներ են փակվում. Փաշինյանը խաբել է մաս 202. «Ժողովուրդ»
- 04/19/2024 08:13 ՊԵԿ նախկին փոխնախագահը հրավիրվել է դատախազություն․ «Հրապարակ»
- 04/19/2024 08:10 Մասնակցե՞լ, թե՞ չմասնակցել «պառադին»․ «Հրապարակ»
- 04/19/2024 08:02 Ի՞նչ է փոխվել․ ինչո՞ւ Փաշինյանը հետողորմյա արեց․«Հրապարակ»
- 04/19/2024 07:55 Հիվանդանոցներում պետպատվերով բուժումները կասեցվել են. քաոս. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
Մեկնաբանություն
- 04/19/2024 13:36 Խոշտանգման հետևանքները՝ Շենգավիթի քննչական բաժնում․ փաստաբանն ահազանգում է
- 04/18/2024 16:43 Ֆրանկ Փելոնն ԱՄՆ-ին կոչ է արել ռազմական օգնություն ցուցաբերել Հայաստանին
- 04/18/2024 15:26 Ալիևը ասել է քայլերի հաջորդականությունը՝ սկզբում կպահանջեն ոչ անկլավային տարածքները, հետո անկլավայինը, հետո ճանապարհներ կուզեն դեպի անկլավներ. սա ՀՀ օկուպացիայի ու խեղդելու ծրագիր է.Հայրապետյան
- 04/18/2024 11:52 Վաղը Սամվել Վարդանյանին հրավիրում են հարցաքննության․խոշտանգման գործով սայլը տեղից շարժվում է․ փաստաբան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
- 04/19/2024 22:52 Ծնողները դստեր ննջասենյակում հայտնաբերել են մանկապիղծի թաքնված տեսախցիկը
- 04/18/2024 23:54 Սուրճի ևս մեկ օգտակար հատկություն է հայտնաբերվել
- 04/18/2024 23:38 Կինը բժշկի այցի շնորհիվ բացահայտել է ամուսնու դավաճանությունը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ