Փաստ ինֆո

Փաստաբան Հրանտ Անանյան  միջնորդեց Տարոն Ավետիսյանի, Գևորգ Խաչատրյանի և Սամվել Ադյանի վերաբերյալ մեղադրանքն անջատել Դավիթ Սանասարյանի վերաբերյալ քրեական գործից։

«Գտնում եմ, որ գործի քննության լրիվության և սուբյեկտիվության վրա որևէ կերպ չի կարող անդրադառնալ, եթե այս երեքին հնարավորություն ընձեռնվի օգտվել դատավարության արագացված քննության կարգից»,-ասաց պաշտպանը։
Դավիթ Սանասարյանի պաշտպան Արսեն Սարդարյանն էլ ընդգծեց, որ այս միջնորդության բավարարումը բխում է նաև իրենց շահերից. «Մյուս երեք մեղադրյալների շահերը ներկայացվեց, ինչը նաև բխում է մեղադրյալ Սանասարյանի շահերից, քանի որ գործը ողջամիտ ժամկետներում քննելու առումով, երեք իրենց մեղավոր ճանաչած մեղադրյալների իրավունքները դատավարական ընդհանուր կարգով պաշտպանելը երկար ժամանակ է տանելու և մեր մասով գործը նույնպես ձգձգվելու է»,-ասաց Արսեն Սարդարյանը։

Դատավոր Դավիթ Բալայանի կարծիքով, սակայն միջնորդությունը ժամանակավրեպ է. «Չկա որևէ երաշխիք, որ դատարանն այս պահին գործի քննությունն անջատեց, մյուս ամբաստանյալների նկատմամբ կիրառելու է նման կարգ։ ՀՀ քրեական դատավարության օրենսգրքի 375.1 հոդվածի 2-րդ և 3-րդ կետերն ուղղակի արգելում են կատարել դատաքննության արագացված կարգ, եթե գործով առնվազն մեկ ամբաստանյալ առարկում է այդ կարգին»,-ասաց դատավորը։

Հեղինակ` Հասմիկ Կոշկարյան