Փաստ ինֆո

Վիճակագրական կոմիտեի հրապարակած օպերատիվ տվյալներով, տնտեսական ակտիվությունը Հայաստանում տարեսկզբի երեք եռամսյակներին կազմել է 6,5 տոկոս։ Ակտիվության տեմպը ոչ մեծ չափով, բայց շարունակել է բարձրանալ։ 

Հիշեցնենք, որ առաջին եռամսյակում արձանագրվեց 7,1 տոկոս տնտեսական ակտիվության աճ։ Կիսամյակի արդյունքներով այն նվազեց մինչև 6,5 տոկոսի, իսկ արդեն ինը ամիսներին վերադարձել է 7,1 տոկոսի։
Ինը ամսվա տվյալներով, անկում է արձանագրվել երկու ոլորտում` գյուղատնտեսության մեջ և էներգետիկայում։ Գյուղոլորտի արտադրության ծավալները կրճատվել են 4,8,, էլեկտրաէներգիայինը` 2,2 տոկոսով։

Մյուս բոլոր ոլորտներում վիճակագրական կոմիտեն աճեր է գրանցել։

Արդյունաբերության ոլորտի աճը հասել է 9,7 տոկոսի` բարելավելով ևս 0,2 տոկոսային կետով։ Ըստ էության, դրա վրա վերստին ազդել է հանքարդյունաբերությունը, որը վերջին շրջանում վերսկսել է ակտիվ առաջ գնալ։
Առևտուրը ավելացել է 8,8, ծառայությունները` 15,5 տոկոսով։ Աշխուժությունը շարունակում է համեմատաբար ցածր լինել շինարարության մեջ։ Այն կազմել է 4,4 տոկոս։

Արտաքին առևտրի ոլորտում ևս ցուցանիշները բարելավվել են։ Սեպտեմբերին գրանցվել է արտահանման բարձր աճ։ Այն կազմել է 33 տոկոս` պայմանավորված հատկապես նախորդ տարվա նույն ամսվա ցածր բազայով։ Հիշեցնենք, որ 2018թ. սեպտմբերին արտահանումը կրճատվել էր 15 տոկոսով։

Ինը ամսվա տվյալներով, արտահանման աճը այլևս հասել է 7,9 տոկոսի։ Ներմուծումը ավելացել է 4,7 տոկոսով։

Աղբյուր` Փաստինֆո