Քննիչ Միքայել Զադոյանի գործով դատավոր Արսեն Նիկողոսյանն ինքնաբացարկ է հայտնել

ԲՈԼՈՐ ՆՅՈՒԹԵՐԸ

Բոլորը

01/16/2020 10:34 Հղին՝ ծանր փորով, փոսերը հաղթահարելով ի վիճակի՞ է այդքան կիլոմետր հաղթահարել. Թագուհի Թովմասյան 01/16/2020 18:49 Նարեկ Մալյանին հարցաքննել են սպանության սպառնալիքի կասկածանքի շուրջ 01/17/2020 15:47 Կրակոցների հետքեր Կուտոյանի տան պատերին. ԱԱԾ նախկին տնօրենի մահվան հետքերով 01/17/2020 16:49 Մարիուս Յուզբաշյանը՝ Լեւոն Տեր-Պետրոսյանի պաշտոնավարման տարիներին, Գեորգի Կուտոյանը՝ «Նոր Հայաստանում» 01/17/2020 17:45 Սա արդեն երկրորդ դեպքն է, երբ սպանվում է ԱԱԾ նախկին ղեկավար. Գ.Համբարյան 01/17/2020 09:19 «Խելքի եկեք». Սասուն Միքայելյանի խոսքի ժամանակ «իմքայլականները» սասարփած նայել են վարչապետի կողմը. «Հրապարակ» 01/17/2020 17:20 Հրայր Թովմասյանը դեպքի վայր է գնացել 01/17/2020 18:17 Հանրային խորհրդի նախագահը Գեորգի Կուտոյանի մահվան վարկած է առաջ քաշել 01/17/2020 19:48 Դաժան ու մահաբեր 90-ականները վերադարձել են … 01/17/2020 16:03 Նա ԱԱԾ տնօրեն էր, որի պաշտոնավարման օրոք տեղի ունեցավ այս իշխանափոխությունը. քաղտեխնոլոգ 01/16/2020 16:35 Ոստիկանապետի տեղակալ Վարդան Մովսիսյանը հրավիրվել է ՀՔԾ 01/17/2020 17:24 Արթուր Վանեցյանն այցելել է Գեորգի Կուտոյանի մահվան դեպքի վայր. 168.am 01/16/2020 15:36 Ծննդատները երեխաների ապօրինի որդեգրման հետ ոչ մի առնչություն չունեն. Ռազմիկ Աբրահամյան 01/17/2020 16:22 Գեորգին շատ բան գիտեր Սերժ Սարգսյանի և ԱԱԾ-ի մասին. Դանիել Իոաննիսյան 01/17/2020 17:08 Գեորգի Կուտոյանը կարճ պաշտոնավարման ընթացքում տեղի ունեցավ ՊՊԾ գնդի վրա ահաբեկչական հարձակումը եւ ապրիլյան իշխանափոխությունը. Նարեկ Մալյան 01/17/2020 17:24 «Գեորգի Կուտոյանը մեր հարևանն էր, համեստ մարդ էր երևում, զուսպ ու համեստ ընտանիք ուներ». Զարուհի Բաթոյան 01/17/2020 12:56 Նաիրի Հունանյանը նամակ է հղել Նիկոլ Փաշինյանին 01/17/2020 15:15 Հայտնաբերվել է ԱԱԾ նախկին պետ Գեորգի Կուտոյանի դին 01/17/2020 20:18 Մենք ունենք ուժային կառույցների նախկին ղեկավարների 3-րդ մահը. Դա պետք է բոլորին անհանգստացնի՝ թե «սեւերին», թե «սպիտակներին». Լարիսա Ալավերդյան 01/16/2020 17:52 Ես էլ լինեի` Վլադիմիր Կարապետյանին աշխատանքից կհանեի. Կարեն Քոչարյան

Քննիչ Միքայել Զադոյանի գործով դատավոր Արսեն Նիկողոսյանն ինքնաբացարկ է հայտնել 10/09/2019 16:18 | Դատական ռեպորտաժներ

7 տարի ժամկետով ազատազրկման դատապարտված Էրեբունի և Նուբարաշեն վարչական շրջանների քննչական բաժնի ավագ քննիչ Միքայել Զադոյանի գործով Վերաքննիչ քրեական դատարանի դատավոր Արսեն Նիկողոսյանն ինքնաբացարկ է հայտնել: Քննիչ Զադոյանի պաշտպան Հրանտ Անանյանը ինքնաբացարկի վերաբերյալ միջնորդությամբ հանդես գալիս որպես հիմնավորումներ նշել է՝ դատավոր Նիկողոսյանն իր մասնակցությամբ բոլոր գործերով կայացրել է իր համար ոչ բարենպաստ դատական ակտեր: Ի թիվս այլ հիմքերի՝ պաշտպանը նաև հայտնել է, որ իր կինն աշխատել է դատավորի աշխատակազմում, ու թեև առկա է եղել փոխադարձ հարգանք և դրական վերաբերմունք, այնուամենայնիվ կարող է առկա լինել որոշակի կաշկանդվածություն:

Միաժամանակ պաշտպանն անդրադարձել է նաև այն հանգամանքին, որ Զադոյանի վերաբերյալ գործով նախաքննության ընթացքում, Նիկողոսյանն առաջին ատյանի դատարանի դատավոր է եղել և հենց նրա որոշմամբ է Զադոյանի նկատմամբ որպես խափանման միջոց կիրառվել կալանավորումը: Առկա հիմքերի և պատճառաբանությունների պարագայում դատավոր Նիկողոսյանը ինքնաբացարկ է հայտնել: Այս պահին դեռևս հայտնի չէ թե ում նախագահությամբ է քննվելու գործը:

Նշենք, որ Հրանտ Անանյանը վերաքննիչ բողոք է ներկայացրել ՝ պահանջելով մասնակիորեն բեկանել, փոփոխել Երևան քաղաքի ընդհանուր իրավասության դատարանի՝ Միքայել Զադոյանի վերաբերյալ առանց գույքի բռնագրավման 7 տարի ժամկետով ազատազրկման դատապարտելու վերաբերյալ դատական ակտը` (թողնվել է կրելու՝ 5 տարի 8 ամիս) Ճանաչել և հռչակել Մ.Զադոյանի անմեղությունը:

Հիշեցնենք, որ այս գործով անցնում են 3 անձինք՝ Միքայել Զադոյանը, փաստաբան Գայանե Գալոյանը և Բաբկեն Գասպարյանը:

Ըստ մեղադրանքի՝ Բաբկեն Գասպարյանը ՀՀ քննչական կոմիտեի Էրեբունի և Նուբարաշեն վարչական շրջանների քննչական բաժնում ՀՀ քրեական օրենսգրքի 112-րդ հոդվածի հատկանիշներով հարուցված և քննվող քրեական գործով որդու՝ Սոս Գասպարյանի օգտին իրենց լիազորությունների շրջանակում գործողություններ կատարելու դիմաց, նշված քննչական բաժնի ավագ քննիչ Միքայել Զադոյանին և բաժնի պետի տեղակալ Բունիաթ Եղիազարյանին՝ ՀՀ Փաստաբանների պալատի փաստաբան Գայանե Գալոյանի օժանդակությամբ և միջոցով տվել է առանձնապես խոշոր չափերով կաշառք:

Ըստ Գայանե Գալոյանին առաջադրված մեղադրանքի՝ նա օժանդակել է Սոս Գասպարյանի օգտին իրենց լիազորությունների շրջանակում գործողություններ կատարելու դիմաց նախնական համաձայնությամբ առանձնապես խոշոր չափերով կաշառք ստացող վերը նշված քննչական բաժնի ավագ քննիչ Միքայել Զադոյանին և նույն բաժնի պետի տեղակալ Բունիաթ Եղիազարյանին: Միքայել Զադոյանին էլ մեղադրանք է առաջադրվել իր վարույթում քննվող քրեական գործով նույն բաժնի պետի տեղակալ Բունիաթ Եղիազարյանի հետ նախնական համաձայնությամբ Բաբկեն Գասպարյանի որդու՝ Սոս Գասպարյանի օգտին իրենց լիազորությունների շրջանակում գործողություններ կատարելու դիմաց ՀՀ Փաստաբանների պալատի փաստաբան Գայանե Գալոյանի օժանդակությամբ և միջոցով Բաբկեն Գասպարյանից ստացել են առանձնապես խոշոր չափերով կաշառք:

Խոսքը գնում է 3000 ԱՄՆ դոլար կաշառքի մասին: Միքայել Զադոյանին մեղադրանք է առաջադրվել 311-րդ հոդվածի 4-րդ մասի 2-րդ կետով, Գայանե Գալոյանին՝ 38-311-րդ հոդվածի 4-րդ մասի 2-րդ կետով, իսկ Բաբկեն Գասպարյանին՝ 312-րդ հոդվածի 3-րդ մասի 1ին կետով: Առաջին ատյանի դատարանի դատավճռով Միքայել Զադոյանը դատապարտվել է 7 տարի ժամկետով ազատազրկման և քանի որ նախաքննության և գրեթե դատաքննության ողջ ընթացքում գտնվել է կալանքի տակ՝ ուստի թողնվել է պատիժը կրելու 5 տարի 8 ամիս: Գայանե Գալոյանին՝ ՀՀ Քրեական օրենսգրքի 38-311-րդ հոդվածի 4-րդ մասի 2-րդ կետով առաջադրված մեղադրանքը վերաորակվել է Քրեական օրենսգրքի 313-րդ հոդվածի 1-ին մասով և համաներման կիրառմամբ քրեական հետապնդումը դադարեցվել է։ Բաբկեն Գասպարյանը դատապարտվել է 3 տարի 6 ամիս ժամկետով ազատազրկման, սակայն համաներման կիրառմամբ ազատվել է պատժի կրումից:

Հեղինակ` էլեն Առաքելյան