ԲՈԼՈՐ ՆՅՈՒԹԵՐԸ
Առաջ նայելը խիզախություն է պահանջում, մեզ ավելի հեշտ է մաքրել հաշիվներն անցյալի հետ. Ռուբեն Բաբայան 09/30/2019 21:15 | Հարցազրույց
«Փաստինֆո»-ի զրուցակիցն է Տիկնիկային թատրոնի գեղարվեստական ղեկավար Ռուբեն Բաբայանը։ Ռուբեն Բաբայանի հետ զրուցել ենք մշակույթի, արժեհամակարգի, վերջին 1.5 տարվա ընթացքում ունեցած ձեռքբերումների ու խնդիրների մասին։ Ամենակարեւորը, Ռուբեն Բաբայանի խոսքով, այն է, որ հանրությունն սկսել է իրեն առավել ինքնիշխան զգալ, ավելի մեծ պատասխանատվություն վերցնել իր վրա եւ իրեն երկրի տերը զգալ։
«Շատ հարցերում հանրությունը սկսում է ավելի պահանջատեր դառնալ եւ սա բնական է, որովհետեւ հանրությունը այսօր գործ ունի իշխանության հետ, որին ինքն է ընտրել։ կարծում եմ, սա ամենամեծ նվաճումն է ու հետագայի դրական քայլերի գրավականն է։ Եվս մեծ ձեռքբերում է այն, որ տարբեր պետական օղակներում զգալիորեն նվազել է կոռուպցիան եւ դա միանշանակ զգացվում է։ Այ, հիմա ես Ձեզ հետ խոսում եմ Ալավերդիից, դժվար է չնկատել, որոշակի ձեւով ճանապարհաշինություն է գնում, որը եւս շատ կարեւոր է երկրի համար, ինչ վերաբերում է ինձ առավել հարազատ մշակույթի ոլորտին, այստեղ հիմնական խնդիրը համակարգային է, որովհետեւ իրականում, մշակույթի կառավարման տեսանկյունից, սովետական տարիներից ի վեր, շատ քիչ փոփոխություն է տեղի ունեցել, շատ կարծրացած համակարգ է եւ վերաբերմունքը մշակույթի եւ արվեստի հանդեպ ներկա իշխանությունը ժառանգել է Կարեն Կարապետյանի վարչապետությունից, երբ բացեիբաց հայտարարված էր կապիտալիզացիա, երբ միմիայն վաստակած գումարի չափով էր չափվում մշակույթի նշանակություն»։ ՀԻմա սա չի հայտարարվում, բայց, ցավոք, որեւէ այլ մեխանիզմ չի առաջարկվում Համակարգն ահավոր բյուրոկրատացված է, ազատ չէ իր կազմակերպչական ձեւերի մեջ եւ դա չի նպաստում արվեստի նոր անուններ ու տեսակներ առաջ բերելուն։ Այստեղ մի մեծ համակարգային սխալ կա՝ մշակույթը, ցավոք, շարունակում ենք ընկալել որպես ժամանց՝ չհասկանալով, թե ինչ կիրառական նշանակություն ունի այն։ Երբ մենք խոսում ենք մշակույթի մեջ ներդրումների մասին, պետք է հասկանանք, որ այդ ներդրումը չի նշանակում, որ փողը որոշ ժամանակ անց պետք է վերադառնա։ Ներդրումը մշակույթի մեջ դա հանրության քաղաքակիրթ լինելն է»,-ասում է Ռուբեն Բաբայանը։
-Պարոն Բաբայան, մենք տեսնում ենք վարչապետի լուսանկարներն ու լայվերը տարբեր մշակութային միջոցառումներից՝ համերգներ, տոնակատարություններ։ Նա այսկերպ իր հոգածությո՞ւնն է ցուցաբերում մշակույթի նկատմամբ ։
-Երբ ինքը մասնակցում է դա շատ լավ, սեփական օրինակը հոյակապ է, բայց ես խոսում եմ կառուցվածքի մասին ։ Ես բարձր եմ գնահատում այն, որ մշակույթը եւ ընդհանրապես տոնակատարությունները դուրս են եկել Երեւանի սահմաններից։ Ինձ համար ողջունելի էր այս տարի Գյումրու ներգրավվածությունը համապետական միջոցառումներին։ Այն, որ եւ Անկախության տոնը նշվեց Գյումրիում, եւ բազմաթիվ փառատոններ անցկացվեցին, այնտեղ նշվեց Կոմիտասի 150- ամյակը, դա շատ կարեւոր է։ Համոզված եմ, որ մյուս տարի կընտրվի այլ քաղաք եւ կամաց-կամաց ամբողջ հանրապետությունը կսկսի իրեն ուշադրության կենտրոնում զգալ, որովհետեւ Երեւանից բացի , մնացած շրջաններն անտեսված են։ Այո, սեփական օրինակը կարեւոր է, բայց այն դեռ կառուցվածքային փոփոխություն չէ։ Շատ լավ է, որ պաշտոնյաները տեսնում են, որ վարչապետը մասնակցում է տարբեր միջոցառումների, բայց գիտեք, բուրգը ներքեւից է կառուցվում։
-Պարոն Բաբայան, այս 1.5 տարվա ընթացքում, շատերի գնահատմամբ, մենք, եթե չասեմ ձեւավորեցինք, ապա ամրապնդեցինք ու խորացրեցինք նաեւ ատելության մշակույթը։ Ինչո՞ւ այդպես եղավ։
-Սա, ցավոք, օրինաչափություն է։ Յուրաքանչյուր հեղափոխությունից հետո, անկախ նրանից, թե ինչ գաղափարներ է նա առաջ բերում, միեւնույնն է հասարակության լայն շրջանակների մոտ նաեւ ամենաբացասական զգացմունքներն են բարձրանում, այդ թվում Ձեր նշած ատելությունը։ Ես կարծում եմ, որ այստեղ կա մի շատ կարեւոր բան՝ ի՞նչ արժեքային համակարգ ենք մենք հաստատում, ի՞նչն է կենտրոնում գտնվում, եթե մարդը, ապա առաջին հերթին մենք պետք է ոչ թե սեր մարդու հանդեպ կամ խոնարհում հաստատենք, այլ՝ հարգանք, անկախ նրանից, մեզ դուր են գալիս նրա հայացքները, թե՝ ոչ։ Չէ՞ որ մենք ազատ երկիր ենք, որտեղ մարդիկ սեփական կարծիք ունենալու եւ այն առաջ տանելու իրավունք ունեն։ Մենք կարող ենք չհամաձայնել այդ կարծիքի հետ , բայց ի՞նչ է պետք անել, որպեսզի մենք կարողանանք, վերջապես, կազմակերպել քաղաքացիական հասարակություն։ Այստեղ ամենակարեւորը հարգանքն է, հարգանք մարդու հանդեպ՝ ուզած պարագայում։ Չխառնվել մարդու անձնական կյանքի մեջ, հարգել նրա տեսակետը, մոտեցումները՝ նույնիսկ չընդունելով դրանք։ Սա, ցավոք , երկար ճանապարհ է։
-Պարոն Բաբայան, տեսնում ենք, որ այլախոհների նկատմամբ անհանդուրժողականությունը շատ դեպքերում հենց Ձեր նշած բուրգի վերեւից է գալիս ։ Մենք լսում ենք, թե ինչ բառապաշար է օգտագործում անձամբ վարչապետը եւ չենք զարմանում, որ նրան հետեւում է երիտասարդ աղջնակը՝ ընդհուպ մինչեւ ականջներ ծամելու սպառնալիք հնչեցնում։ Ինչո՞ւ է վերեւից այդ մեսիջը հղվում ։
-Գիտեք, ես կարծում եմ, որ հաճախակի վերեւից ասվում է այն, ինչ ներքեւից որոշակի շրջանակներ ուզում են լսել։ Ուզում եմ համաձայնել Ձեզ հետ ՝ այստեղ շատ կարեւոր է, որպեսզի եւ առաջին դեմքը եւ բոլոր նրանք, ովքեր կանգնած են պետության ղեկին, չմոռանան, որ մենք հինավուրց մշակութային ազգ ենք, իսկ մշակութային ազգը նշանակում է նաեւ օգտագործել շփման մեջ որոշակի մշակույթ, որովհետեւ այնպես կարող է ստացվել, որ մարդիկ, որոնք գտնվում են ուրիշ մշակութային դաշտում եւ նույնիսկ կիսում են քո տեսակետը, կարող են հեռանալ քեզնից՝ չընդունելով այդ ձեւը։ Դա շատ կարեւոր է։ Առավել եւս, ես չեմ կարծում, որ վիրավորանքը կամ սպառնալիքը համոզիչ են։ Ի վերջո, օրինականություն հաստատելը չպետք է սպառնալիք լինի, սպառնալիքի լեզվով օրինականություն հաստատելու մասին չեն խոսում։
-Բայց մենք հենց սպառնալիքների տեղատարափ ենք տեսնում։
- Ամենամեծ սխալը դա է. սպառնալիքը ենթադրում է կամայականություն։ Ի՞նչ է նշանակում սպառնալիքը, որ եթե լավ պահես, չեմ կիրառի, վատ պահես՝ կկիրառեմ։ Դա սպառնալիք է եւ օրինականության հետ կապ չունի։ Օրինականությունն այն է, որ անկախ նրանից՝քեզ լավ կպահես, թե վատ, միեւնույնն է, խախտել ես օրենք, պատասխանատվության կենթարկվես օրենքի առաջ։ Օրինականություն հաստատելու համար սպառնալիքի կարիք չկա, օրինական ապրելու համար վախի մթնոլորտի կարիք չկա։ Այդ մթնոլորտը հաստատվում է այն ժամանակ, երբ օրենքին ենթարկվում են բոլորը։
-Կարծում եք այսօր օրենքը հավասա՞ր է գործում։ Թարմ օրինակը նշեմ, երկու երիտասարդներին կալանավորեցին դատավոր Աննա Դանիբեկյանին հարց ուղղելու համար, երբ նրանք փաստացի ցիտում էին վարչապետին, բայց այլ դատավորների նկատմամբ անհարգալից վերաբերմունք դրսեւորածների գործողություններին իրավական գնահատական չտրվեց։
- Շատ հեշտ է պատասխանել այդ հարցին։ Ես ժամանակին շատ վատ եմ վերաբերվել այդ երեւույթներին։ Նաեւ այս դեպքն եմ համարում շատ բացասական եւ չեմ համարում, որ հարցը սրվում է միայն այն պարագայում, երբ խոսքը վերաբերվում է միայն դատավորներին։ Կարող էր նաեւ դատավոր չլինել, ընդհանրապես, չի կարելի այդպես ե՛ւ խոսել , ե՛ւ վարվել յուրաքանչյուր քաղաքացու հետ։ Եվ, վերջիվերջո, չի կարելի ընդհանրապես, անկախ նրանից, դա դուր է գալիս իշխանություններին, թե ոչ։ Այսօր մենք տեսնում ենք բումերանգի էֆեկտը՝ դու ցանում ես քամի եւ հնձում ես փոթորիկ։ Անկախ հայացքներից, մարդու անձնական կյանքը անձեռնմխելի է, չի կարելի ներխուժել մարդու անձնական կյանքի մեջ, ավելին ասեմ՝ չի կարելի արդարանալ նրանով, որ քո ընդդիմախոսները դա արել են, որովհետեւ, եթե դու արդարանում ես դրանով, որ այ, իշխանությունն այդպես վարվել է, դու դրանով արդարացնում ես հենց իշխանությանը։
-Իսկ օրենք, պարոն Բաբայան, օրենքը հավասա՞ր է գործում, ինչո՞ւ մյուս դեպքերում էլ պատասխանատվության խնդիր չառաջացավ։
-Իհարկե, հավասար չի գործում։ Նախ, կարծում եմ , որ կալանավորումն այն պատիժը չէր, որ պետք է կիրառվեր, կան եւ ավելի գործնական պատիժներ։ Ինձ համար տարակուսելի բան չկա, օրենքը բոլորի համար պետք է հավասար լինի՝ անկախ նրանից, երբ է գործողությունն արվել , ինչո՞ւ է արվել, արդյո՞ք հանրության մեծամասնության ցանկությունով է արվել, թե ոչ։ Օրենքը հաճախ դուրս է գալիս հանրության մեծամասնության ցանկություններից դուրս։ Կրկնում եմ՝ բառապաշարին պետք է հետեւել, առավել եւս, որ մենք մշտապես ասում ենք, որ մենք մշակույթ կրող ազգ ենք։ Վերջերս մի հարցազրույցում ասել էի՝ ես չեմ հավատում համընդհանուր սիրուն , որովհետեւ սերը շատ անձնականացված է, շատ դժվար է սիրել կոնկրետ մարդուն եւ շատ հեշտ է սիրել բոլորին, բայց ես հավատում եմ հարգանքին։ Հարգանքի արժանի են նույնիսկ հանցագործները։ Սա է քաղաքակիրթ աշխարհի մոտեցումը եւ, եթե մենք ուզում ենք, որ պետական ինստիտուտները մեզ մոտ աշխատեն, մենք պետք է այդ պետական ինստիտուտները եւս հարգանքով մաքրենք նրանցից, ովքեր այդ ինստիտուտները վարկաբեկում են, բայց ոչ վարկաբեկենք հենց պետական ինստիտուտը՝ որպես այդպիսին։
-Եվ, վերջին հարցը, պարոն Բաբայան, ինչո՞ւ իշխանությունը չի կարողանում առաջ նայել, ինչո՞ւ է իշխանությունը շարունակ հետ նայում ու թշնամիներ փնտրում անցյալում։ Այդ շրջանից չի՞ կարողանում, թե՞ չի ուզում դուրս գալ։
- Սա, ցավոք, նաեւ ազգային խնդիր է, մենք, ընդհանրապես, դժվարությամբ ենք առաջ նայում։ Մեզ ավելի հեշտ է մաքրել հաշիվներն անցյալի հետ , քան նայել առաջ։ Գուցե առաջ նայելը մի քիչ ավելի դժվար է, բայց անցյալում ինչ եղել է՝ եղել է, կարելի տալ որոշակի գնահատական, բայց պետք է առաջ նայել։ Առաջ նայելը նաեւ որոշակի խիզախություն է պահանջում։ Չմերժելով մեղավորներին պատժելու անհրաժեշտությունը, ես ուզում եմ ասել մի բան՝ անցյալին պետք է նայել որպես լավ դասագրքի եւ փորձել մերժել ոչ թե անցյալում գործող մարդկանց, չնայած ամեն մեկը պետք է իր պատիժը կրի, այլ՝ մերժել համակարգը, որովհետեւ համակարգն այդպիսին էր ու հաճախակի ստիպում էր մարդուն դառնալ հանցագործ , գողական բարքեր էին գործում եւ մեկը մյուսից կախված էին։ Մենք չենք կարողանում դուրս գալ համակարգից։ Կարճ ասած՝ համակարգի վրա խաչ ենք քաշում եւ փոխում ենք նրա էությունը ու առողջ համակարգում մարդկանցից ազնվություն ենք պահանջում։ Կարծում եմ՝ խնդիրը սա է։ Ո՞րն արժեքային համակարգը, եթե կենտրոնում մարդը չէ, այդ ժամանակ կպտտվենք, կպտտվենք, էլի կհայտնվենք նույն տեղում։ Երկրորդ տարբերակ չկա։
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/20/2024 08:23 Արամ Սարգսյանի մտերիմին 1 բուլդոզերի համար 700 հազար դոլար են տվել․«Հրապարակ»
- 04/20/2024 08:18 Արցախի վերնախավը հավաքվել էր․ «Հրապարակ»
- 04/20/2024 08:13 Փաշինյանի հերթական նվերը՝ Ադրբեջանի․ «Հրապարակ»
- 04/20/2024 08:10 Տավուշում սահմանազատման և սահմանագծման գործընթացը բխում է նոյեմբերի 9-ի փաստաթղթից. «Ժողովուրդ»
- 04/20/2024 08:07 Վահագն Հովակիմյանն ու ՄԻՊ-ը կգնան ԱԺ․ «Հրապարակ»
- 04/20/2024 08:05 Մինչ Տավուշի հողերի հանձնման հարցն էր լուծվում , Փաշինյանը բեմականացում էր վայելում․«Հրապարակ»
- 04/20/2024 07:41 Կոռուպցիայի կանխարգելման հանձնաժողով հանձնված գրությունների մեծ մասը ՀՀԽ անդամների այլ վճարովի աշխատանքի անհամատեղելիության վերաբերյալ են. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
Մեկնաբանություն
- 04/20/2024 12:22 Վերջ չկա. Հաջորդ «կայարանը» Ազատամուտ և Կայան գյուղերն են, հետո՝ Տիգրանաշենը. Էդգար Էլբակյան
- 04/20/2024 11:49 Մի՜ հավատացեք բանսարկուներին. Հայաստանի գյուղերից, տարածքներից զիջելու մասին ցանկացած խոսակցություն լկտի սուտ է. ԱԺ փոխխոսնակ
- 04/20/2024 11:44 Ու բանակը հավի նման լքելո՞ւ է դիրքերը. քաղաքագետ
- 04/20/2024 11:25 Ներուժի լարումով համախմբվել է պետք, չկարողացա՞նք, ուրեմն սաղս էլ նույն «զիբիլն» ենք. Շարմազանով
Արխիվ
Արտակարգ պատահարներ
- 04/20/2024 13:17 Անհետ կորած տղամարդու դին գտել են Ջրվեժի ձորում՝ նեխած ու հոշոտված. shamshyan.com
- 04/20/2024 11:03 Էրեբունիում 8-րդ դասարանցին պնևմատիկ ատրճանակից կրակել է 9-դ դասարանի երկու երեխաների վրա. shamshyan.com
- 04/20/2024 10:55 Երեկվա քամին ծառեր է շրջել, տանիքներ պոկել
- 04/20/2024 10:25 Արմավիրի մարզում 38-ամյա տղան դանակի մի քանի հարվածով սպանել է հորը. shamshyan.com
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
- 04/19/2024 22:52 Ծնողները դստեր ննջասենյակում հայտնաբերել են մանկապիղծի թաքնված տեսախցիկը
- 04/18/2024 23:54 Սուրճի ևս մեկ օգտակար հատկություն է հայտնաբերվել
- 04/18/2024 23:38 Կինը բժշկի այցի շնորհիվ բացահայտել է ամուսնու դավաճանությունը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ