ԲՈԼՈՐ ՆՅՈՒԹԵՐԸ
14 տարի առաջ կատարված զինծառայողի սպանության գործով փաստաբանը հանցագործության մասին հաղորդում է ներկայացրել, բայց գործին ընթացք չի տրվում 09/23/2019 18:18 | ԼՐԱՀՈՍ
Գորիսի զորամասում շուրջ 14 տարի առաջ սպանված շարքային զինծառայող Նաիրի Իսախանյանի գործով տուժողի շահերի ներկայացուցիչ, փաստաբան Վահան Հովհաննիսյանը հանցագործության մասին հաղորդում է ներկայացրել ՀՀ գլխավոր դատախազին, ՀՔԾ պետին եւ ՔԿ ղեկավարին ՝ խնդրելով ՀՀ քրեական օրենսգրքի 351-րդ հոդվածով (քրեական պատասխանատվությունից ապօրինի ազատելը) քրեական գործ հարուցել գործը քննող քննիչի նկատմամբ, սակայն քրեական գործ չի հարուցվել:
Հաղորդումները մակագրվել են վարույթն իրականացնող մարմնին՝ քննիչին, որը, փաստաբանի խոսքով, շահագրգիռ կողմ է։ «Բոլոր հաղորդումները հիշյալ մարմինները ուղարկել են վարույթն իրականացնող մարմին՝ քննիչին, որպեսզի քննիչը լուծի՝ քննիչ գործողություններում առկա՞ են հանցագործության հատկանիշներ, թե ոչ։ Բոլոր դիմումներն ուղարկում են քննիչին, որը հանդիսանալով շահագրգիռ անձ՝ ընթացք չի տալիս գործին»,-«Փաստինֆո»-ի հետ զրույցում ասում է փաստաբան Վահան Հովհաննիսյանը։
Հաղորդումներին ընթացք չտալը փաստաբան Հովհաննիսյանը պայմանավորում է նաեւ նախկին զինդատախազ Գագիկ Ջհանգիրյանի գործոնով, որն այսօր սերտ առնչություններ ունի գործող իշխանությունների հետ։
Փաստաբանի խոսքով, մամուլում բազմաթիվ հրապարակումներ կան առ այն, թե տվյալ ժամանակահատվածում զինդատախազ Գագիկ Ջհանգիրյանը մտերիմ հարաբերություններ է ունեցել Մանվել Գրիգորյանի հետ, որի կնոջ՝ Նազիկ Ամիրյանի հորեղբոր թոռանը՝ Վաղինակ Ամիրյանին այս գործով մեղադրանք էր առաջադրվել։ «Վաղինակ Ամիրյանին քրեական պատասխանատվությունից ազատելու միակ հիմքը հանդիսացել է նրանց մտերմությունը, որովհետեւ իրավական հիմք գործում առկա չէ։ Ես կարծում եմ, որ Գագիկ Ջհանգիրյանի գործոնը այսօր էլ նշանակություն ունի, քանի որ նրա քաղաքական ակտիվությունը մեզ հուշում է, որ Գագիկ Ջհանգիրյանը իշխանություններին հաճո մարդ է։ Այսօր մեր դիմումներին ընթացք չտալը մենք կապում ենք դրա հետ»,-ասում է փաստաբանը։
Հիշեցնենք, որ 2005 թվականի ապրիլի 11-ին, ժամը 02։40-ի սահմաններում հայտնաբերվել է շարքային Նաիրի Իսախանյանի դիակը՝ գլխի ճակատային շրջանում հրազենային վիրավորումով։ Հարուցվել է քրեական գործ, նշանակվել դիակի դատաբժշկական փորձաքննություն։ Ստացված եզրակացության մեջ նշվել է, որ Նաիրի Իսախանյանի մահը վրա է ստացել գլխի ճակատային շրջանում ինքնաձիգից արձակված կրակոցների հետեանքով։
Դիակի դատաբժշկական փորձաքննության եւ գործով ձեռք բերված այլ ապացույցների հիման վրա մեղադրանք է առաջադրվել նույն զորամասի զինծառայող շարքային Վաղինակ Ամիրյանին, որը փաստաբանի փոխանցմամբ, գեներալ Մանվել Գրիգորյանի կնոջ՝ Նազիկ Ամիրյանի հորեղբոր թոռն է։ Քրեական գործի նախաքննության ընթացքում, սակայն, Նաիրի Իսախանյանի մայրը՝ Գյուլվարդ Աղաջանյանը, գտնվելով հուզական վիճակում, անստորագիր դիմում է հասցեագրել զինդատախազ Գագիկ Ջհանգիրյանին առ այն, որ իրեն հասած տեղեկություններով, որդին ոչ թե մահացել է կրակոցների արդյունքում, այլ իր որդուն նախապես ծեծել են զինծառայողները, ինչի հետեւանքով որդին մահացել է, որից հետո միայն Վաղինակ Ամիրյանը ինքնաձիգով կրակել է նրա ճակատին եւ վնասվածք պատճառել։
«Քննիչը, ունենալով դատաբժշկական փորձաքննության եզրակացությունը, ունենալով բազմաթիվ ապացույցներ, համադրում է միայն տուժողի մոր հուզական, խռովային վիճակում գրված անստորագիր դիմումը եւ գտնում,որ այն ճիշտ է եւ դրա հիման վրա անհրաժեշտ է Վաղինակ Ամիրյանին առաջադրված սպանության մեղադրանքը վերացնել։ Դատավարական որոշման համար միակ հիմքը , կրկնում եմ, տուժողի մոր անստորագիր դիմումն է, որը որեւէ այլ ապացույցով չի հաստատվել»,-շեշտում է փաստաբանը։
Արդյունքում, Վաղինակ Ամիրյանը այլ հոդվածով 2 տարով պայմանական ազատազրկվել, ապա դատարանի դահլիճից ազատ է արձակվել։
«Քրեական դատավարությամբ նշվում է, որ կան որոշակի հանգամանքներ, որոնք կարող են ապացուցվել միայն որոշակի ապացույցներով։ Դրանք են մահված պատճառը եւ մարմնական վնասվածքների բնույթը։ Այսինքն, եթե կա այդ մասին դիակի դատաբժշկական փորձաքննություն, դա առաջնային ապացույց է, որը կարող է վկայել մահվան պատճառը։ Մնացած բոլոր ապացույցներն ածանցյալ են»,-շեշտում է փաստաբանը։
Նրա խոսքով, 12 հատորանոց քրեական գործի գրեթե կեսը իր վստահորդի կողմից տարբեր ժամանակներում ուղարկված դիմումներն ու բողոքներն են, որոնք տարիներ շարունակ անտեսվել են. «Այն աստիճանի են հասցրել, որ այդ կինը հիմա չգիտեմ ինչ վիճակում է գտնվում։ Մամուլում անգամ հրապարակում կա այն մասին, որ քննիչը սեռական բնույթի հայհոյանքներ է թույլ տվել տուժողի մոր հասցեին»
Փաստաբանի խոսքով, տուժողի շահերի ներկայացուցչի պարտականություններն ստանձնելիս տուժողի մայրը թերահավատ է եղել, որ գործով հնարավոր կլինի որեւէ առաջընթաց գրանցել։ «Ես , ճիշտն ասած, չէի հավատում, բայց այն, ինչ ես տեսա այս գործով, վկայում է, որ իսկապես, տուժողի մայրը ճշմարտությունն է ասում՝ այստեղ կա կամք , որ գործը չբացահայտվի եւ Վաղինակ Ամիրյանը չդատապարտվի՝ անգամ այսքան փաստական հանգամանքների առկայության պայմաններում։ Գյուլվարդ Աղաջանյանը նշել էր, որ գործով առաջընթաց չի լինի այնքան ժամանակ, քանի դեռ գործով որոշման հիմքում կանգնած է Գագիկ Ջհանգիրյանը»,-ընդգծում է փաստաբանը։
Վահան Հովհաննիսյանի փոխանցմամբ, քննիչի անգործության վերաբերյալ նաեւ դատարան են դիմել։ Դատական նիստը կայանա հոկտեմբերին։ Գործը մակագրվել է դատավոր Վարդան Գրիգորյանին, որի վերաբերյալ փաստաբանների շրջանում բարձր վստահություն կա։ Փաստաբանն ակնկալում է, որ այս անգամ գործն ընթացք կստանա, թեեւ շեշտում է՝ առկա է Գագիկ Ջհանգիրյանի գործոնը։
Տեսանյութեր
03/29/2024 11:55 Աննկարագրելի քաոս էր,երեխաներին ասել ենք՝ չխոսեք,վերև չնայեք, թուրքերի միջով ենք գնում.գաղթը՝ ՇոշիցՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 03/29/2024 08:17 Ոսկեպարցիներն անհամբեր սպասում են․ «Հրապարակ»
- 03/29/2024 08:13 Սաղաթելյանները՝ իշխանության թիրախում․ «Հրապարակ»
- 03/29/2024 08:08 Դիանա Գալոյանը նոր պաշտոն կստանա՞․ «Հրապարակ»
- 03/29/2024 08:04 Փաշինյանը ոչինչ չի խնայում անձնական պաշտպանության համար․«Հրապարակ»
- 03/29/2024 07:57 Գյումրիում Նիկոլ Փաշինյանին շատ «ջերմ» ընդունելություն են ցույց տվել. «Ժողովուրդ»
- 03/29/2024 07:48 Նոր դիվանագիտական սկանդալ է հասունանում արտգործնախարարությունում . «Ժողովուրդ»
- 03/29/2024 07:46 Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
- 02/13/2024 21:42 Ադրբեջանը խուսափելու է իրական բանակցային գործընթացից. որոշակի հանձնառություններ է ստանձնել՝ Իրանի դեմ կատարելու, որոնք իրականացնելու ցանկություն այս պահին չունի. Ձյունիկ Աղաջանյան
Մեկնաբանություն
- 03/28/2024 18:41 Հայ ժողովրդին վախեցնում է ադրբեջանի պատերազմով, իսկ ինքը վախենում է Արցախի նախագահից․ և ոչ միայն․․․
- 03/26/2024 13:03 Ադրբեջանի հերթական պահանջը. Արթուր Խաչատրյան
- 03/25/2024 18:12 ԱԺԲ-ն ներկայացրել է, թե ինչ պահանջներ են ներկայացվել Նոր Նորքի ոստիկանության բաժնի մոտ
- 03/25/2024 16:19 Մեկնարկում է «Արցախի երիտասարդության որոշիչ ձայնը» ծրագիրը. Մետաքսե Հակոբյան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 03/28/2024 23:41 Վեց ծառայակիցների հետ սեռական հարաբերություն ունեցած ոստիկանը 500 հազար դոլար կստանա
- 03/28/2024 18:28 Կինը բռնել է ամուսնուն դավաճանելիս՝ առողջ ապրելակերպի հանդեպ ունեցած սիրո շնորհիվ
- 03/27/2024 23:52 Նույն քաղաքի երեք ուսուցչուհիների ձերբակալել են աշակերտների հետ սեռական հարաբերություններ ունենալու համար
- 03/27/2024 16:30 «Տիտանիկ»-ի հերոսուհու կյանքը փրկած դուռը աճուրդում վաճառվել է 718 հազար դոլարով
Հետաքրքիր է իմանալ
- 03/25/2024 18:55 Գիշերը Լուսնի խավարում է եղել. ինչ ազդեցություն ունի այն մարդու վրա
- 03/25/2024 16:49 Խաբարովսկի երկնքում անհայտ օբյեկտ են նկատել. (տեսանյութ)
- 03/25/2024 13:21 Արեգակնային բռնկումից հետո Երկիրը ծածկվել է հզոր մագնիսական փոթորիկով. սրանից ավելի ուժեղը գրանցվել է շուրջ 20 տարի առաջ
- 03/22/2024 17:29 Իլոն Մասկը ազդարարել է նոր ուղեղային իմպլանտի մասին, որը կույրերին թույլ կտա տեսնել