«Ձեր ասածը մի երկրում, որտեղ վարչապետին ու ԱԱԾ տնօրենին գաղտնալսում են փիլիսոփայորեն է հնչում». Փաշինյանը՝ փոխվարչապետին (տեսանյութ) - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

09/19/2019 16:24 Մանվել Գրիգորյանի ունեցվածքը խի՞ չեք վաճառում. Փաշինյանը «խռովեց» գնաց (տեսանյութ) 09/18/2019 18:11 Գագիկ Ջհանգիրյանը քիչ առաջ արդարացվեց. վճռաբեկ դատարանը հրապարակեց որոշումը. լրացված (տեսանյութ) 09/18/2019 11:15 Ձերբակալվել է «Կոշ» քրեակատարողական հիմնարկի պետ Լյովա Բաղդասարյանը 09/18/2019 15:48 «Սեքյուրիթի դրիմ»-ի տնօրենի եղբորը մեղադրանք է առաջադրվել 09/18/2019 09:48 Ինչ զրույց է նախորդել Օսիպյանի հրաժարականին. «Հրապարակ» 09/18/2019 16:12 Վանեցյանը ունի մի ռեսուրս, որը չունի Փաշինյանը. քաղտեխնոլոգ 09/19/2019 10:16 Հրաժարական կտա նաև Լենա Նազարյանը. Ովքեր են գործադիր-օրենսդիրում համալրելու «շքերթը». «Ժողովուրդ» 09/18/2019 09:37 «Նավակ ճոճողը»՝ ոստիկանապե՞տ. «Ժողովուրդ» 09/18/2019 22:06 Ժողովուրդ. -Ոստիկանը մե՜րն ա, ոստիկանը մե՜րն ա. Նիկոլ. -Էլ ձե՜րը չի, իմն ա… 09/19/2019 09:51 Ինչ է «հայտնաբերվել» Հրայր Թովմասյանի դեմ կոմպրոմատների զինանոցում. «Ժողովուրդ» 09/19/2019 09:56 Քողարկված պահա՞նջ. Ո՞վ է կանգնած Օսիպյանի հրաժարականի հետևում. «168 ժամ» 09/19/2019 00:13 Որոշ կոռուպցիոներներ մտածել են, թե ԱԱԾ-ում խառն են եւ իրենք կարող են այս ընթացքում իրենց մութ գործերը կարգավորել. Փաշինյան 09/19/2019 18:45 Արթուր Վանեցյանը լուսանկար է հրապարակել Թբիլիսիից 09/18/2019 14:28 Դրանք խախտումների տրցակ են, որը հետագայում դրվելու է ՀՀ-ի դեմ կայացվելիք դատական ակտերի հիմքում. Գոհար Մելոյան 09/19/2019 09:29 Հրաժարականների շղթան շարունակվելու է. հինգ պաշտոնյայի անուն է նշվում. «Հրապարակ» 09/18/2019 22:54 Քրեական գործերը հասնում են Գագիկ Ծառուկյանի շրջապատին 09/18/2019 22:40 ՀՔԾ-ն կարճել է ՀՀ նախկին ոստիկանապետ Ալիկ Սարգսյանին եւ Արարատի նախկին մարզպետ Վարդգես Հովակիմյանին առնչվող քրեական գործը 09/18/2019 19:05 Շուտով կգործարկվի դատավորների սեփական ավտոմեքենաներին պետհամարանիշեր տրամադրելու ծրագիրը. ԲԴԽ նախագահ 09/18/2019 17:57 Կերել-խմել են նախորդ իշխանությունների հետ եւ հիմա նրանց բռնելու հետ կապված բարդույթներ ունեն. Էդմոն Մարուքյանը խոսել է աղմկահարույց նախագծի մասին ու մեղադրել ՀՀԿ-ականներին (տեսանյութ) 09/19/2019 15:11 Փաշինյանը սեւազգեստ մայրերից պահանջեց՝ հնարավորություն տալ խնդիրները հերթով լուծել

«Ձեր ասածը մի երկրում, որտեղ վարչապետին ու ԱԱԾ տնօրենին գաղտնալսում են փիլիսոփայորեն է հնչում». Փաշինյանը՝ փոխվարչապետին (տեսանյութ) 09/12/2019 13:42 | ԼՐԱՀՈՍ

Կառավարության այսօրվա նիստում հետաքրքիր քննարկում ծավալվեց «Հայաստանի Հանրապետության քրեական դատավարության օրենսգրքում լրացում կատարելու մասին» և «Բանկային գաղտնիքի մասին» Հայաստանի Հանրապետության օրենքում լրացում կատարելու մասին» Հայաստանի Հանրապետության օրենքների նախագծերի փաթեթի քննարկման ժամանակ: Այն ներկայացնում էր ՀՀ արդարադատության փոխնախարար Ռաֆիկ Գրիգորյանը։

«Մասնավորապես, քրեական դատավարության օրենսդրության հիման վրա ներկայումս հնարավոր է ստանալ միայն կասկածյալ ու մեղադրյալ հանդիսացող անձանց առնչվող բանկային տվյալներ, ինչը բազմիցս միջազգային կառույցների կողմից քննադատվել է», - ասաց Ռաֆիկ Գրիգորյանը:

Մասնավորապես՝ խնդիրը կայանում է նրանում, որ հաճախ բանկային տվյալները, որոնք էական նշանակություն ունեն ֆինանսական հանցագործություններով գործի քննության ժամանակ, կարող են առնչվել ոչ թե կասկածյալին կամ մեղադրյալին, այլ, օրինակ, վերջինիս հետ փոխկապակցված անձին:
«Հաճախ այն ապացույցները, որոնք թույլ կտային անձին ներգրավվել որպես մեղադրյալ, հասանելի չեն իրավապահ մարմիններին», - ասաց նա:

Փոխնախարարը նշեց, թե Հայաստանը պետք է ապահովի, որ անհրաժեշտության դեպքում իրավապահ մարմինների համար մատչելի լինեն ֆինանսական տվյալները` կոռուպցիոն հանցագործությունները բացահայտելու ու քննելու նպատակով: Նախագծով առաջարկվում է առանձին դեպքերում հնարավորություն ստեղծել ստանալ բանկային գաղտնիք կազմող տեղեկություններ առանց սուբյեկտային սահմանափակման:

«Մենք կամ պայքարում ենք կոռուպցիայի դեմ, կամ չենք պայքարում, որովհետև կիսապայքարը ընդունելի չէ», - ասաց վարչապետ Նիկոլ Փաշինյանը՝ ընդգծելով, իրենց քաղաքական որոշումը հստակ է՝ կոռուպցիայի դեմ կիսապայքար չեն անելու: «Սա մեր ամենակարեւոր ինստիտուցիոնալ բարեփոխումներից է եւ սա մեր կարեւոր որոշումներից է»,- նշեց վարչապետը։
Նրա խոսքերով՝ ունեցել ենք դեպք, երբ իմացել են, որ X բարձրաստիճան պաշտոնյան կամ նրա փեսան ապօրինի ձևով ձեռքբերված գույքը վաճառքի են հանել և այդ գույքը ֆորմալ ձևակերպված է եղել ուրիշի անունով: «Ըստ էության, մենք իմացել ենք, որ այ, հիմա էդ բանը տեղի է ունենում, բայց էնպիսի սահմանափակումներ են եղել օրենսդրությամբ, որ մենք պետք է կամ կոպիտ ապօրինի միջամտություն անեինք, կամ լուռ հետևեինք, թե ոնց են թալանվածը թաքցնում», - հայտարարեց Նիկոլ Փաշինյանը:

ՀՀ փոխվարչապետ Մհեր Գրիգորյանը մտահոգություն հայտնեց, որ օրինագիծը կարող է նպաստել կանխիկ գործարքներին, ինչին հակադարձեց վարչապետ Փաշինյանը՝ նշելով, որ կանի»խիկ գումարը կարող են գտնել խուզարկությամբ»։ «Եթե մենք օրենքով իրավասու ենք դոշակի տակ պահած փողը գտնել, ուրեմն պետք է համարժեք իրավասություն ունենանք նաեւ հաշվեհամարին պահած գումարը գտնենք»,- հայտարարեց վարչապետը։

«Այս ընթացակարգով մշակում ենք մի հատ ալգորիթմ, որով կարողանում ենք այդ բանկային գաղտնիքն ստանալ ոչ կասկածյալի կամ մեղադրյալի դեպքում։ Հիմա մենք կարող ենք խուզարկել ոչ կասկածյալին կամ մեղադրյալին՝ տեսնենք այդ գումարը կա, թե ոչ»,- եղավ փոխվարչապետի արձագանքը՝ նշելով, որ շատ նուրբ հարց է։

Հարցին միջամտեց նաեւ ՄԻՊ-ը՝ զուգահեռ անցկացնելով գաղտնալսման հետ։ ՄԻՊ-ը նշեց, որ փաստաբանները բարձրացրել էին հակասահմանադրականության հարց, երբ հեռախոսազրույցները գաղտնալսելիս մեխանիկորեն լսում ես նաև զրուցակցին։ «Չի կարող լինել խնդիր այդտեղ, որովհետև դու չես կարող կանխատեսել, թե այդ անձն օրվա մեջ ում հետ կխոսի »,- շեշտեց Թաթոյանը։ Նա միայն հավելեց, որ դա չի կարող վերածվել ինքնուրույն վերահսկողության այդ անձի հեռախոսային խոսակցությունների նկատմամբ, որովհետև այդ դեպքում կա պարտավորություն՝ լրացուցիչ դատական սանկցիա ստանալու և դա պետք է բարեխիղճ կատարվի։

«Գաղտնալսումը պետք է լինի ծայրահեղ բարդ պրոցեսուալ գործընթաց»,- ասաց փոխվարչապետը, ինչին վարչապետի արձագանքը կարճ էր՝ «Ձեր ասածը մի երկրում, որտեղ վարչապետին ու ԱԱԾ տնօրենին գաղտնալսում են փիլիսոփայորեն է հնչում»։
Իզաբել Սահակյան

Մանրամասները՝ Տեսանյութում