Փաստ ինֆո

«Մեր փաստաբաններն ու մի շարք այլ հեղինակավոր փաստաբաններ, իրավական ոլորտի հեղինակավոր մարդիկ, նույնիսկ այնպիսի փաստաբաններ, ովքեր ժամանակին դատարաններում պաշտպանել են այսօրվա իշխանավորներին, կարծիք են հայտնում՝ միանշանակ Քոչարյանը պետք է ազատ արձակվի»,-այս մասին այսօր լրագրողների հետ ճեպազրույցւոմ ասաց ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը։

Անդրադառանալով դատախազության հայտարարությանը, թե ՍԴ որոշումը չի ենթադրում, որ Քոչարյանը պետք է ազատ արձակվի, Լևոն Քոչարյանն ասաց. «Տպավորություն է, թե կիսատ են ընթերցել, այդպես չի կարելի, մի պարբերություն են վերցրել ու դրանից են խոսում, այն դեպքում, երբ շարունակությունը ցույց է տալիս, որ այդպես չէ»։

Լևոն Քոչարյանի խոսքով, դատախազության կողմից որդեգրած կոնկրետ ուղղություն կա, թե՛ նախաքննության փուլում և թե՛ դրանից հետո դատախազությունն իր պարտականությունը չի կատարել ու վերահսկողություն չի իրականացրել։

«Կարծես իրենց համար ինքնասիրության հարց է ամեն գնով կախված պահել մի մեղադրանք, որն ընդհանապես դատարկ է, ջուր է, ինչպես շատերը նույնիսկ վարչապետին էին ասում»,-ասաց Ռ. Քոչարյանի որդին։

Հեղինակ` Սոնա Գեւորգյան