Փաստ ինֆո

Փորձելով օգնել իրեն և նմանատիպ խնդիր ունեցող բոլոր մնացածներին՝  Լորենը Facebook- յան իր էջում տեղադրել է անկեղծ լուսանկար և զարմացել է դրական մեկնաբանությունների քանակությունից: Այս մասին գրում է Daily Star- ը: Աղջիկը պատմել է, որ երկար ժամանակ փորձում է նիհարել, բայց  կոմպուլսիվ գերսնումը (սնման խանգարում, հոգեկան խանգարում, որը բնորոշվում է սնման ոչ նորմալ սովորույթներով, որոնք բացասաբար են ազդում անհատի ֆիզիկական կամ հոգեկան առողջության վրա), դեպրեսիան և լիմֆոստազը խանգարում են ամեն ինչին:

Լորենը երկար ժամանակ է, ինչ աշխատում է հոգեթերապևտի հետ և զբաղվում է մարզադահլիճում, բայց առայժմ արդյունքները շատ տեսանելի չեն: Այնուամենայնիվ, աղջիկն արդեն ճիշտ ուղու վրա է, չնայած նրան դա հեշտ չի տրվում: Լորենը փորձում է մնալ պոզիտիվ, և այդ պատճառով նա տեղադրել է իր լուսանկարները՝ հուսալով, որ հաղորդագրությունը պարզ կլինի՝ սիրեք ինքներդ ձեզ, անկախ ամեն ինչից և ցանկացած քաշով:

«Կարճամիտ մարդիկ կարծում են, թե այս ձևով ես քարոզում եմ անառողջ ապրելակերպը: Ո՛չ մի դեպքում: Ավելորդ քաշով ապրելը անտանելի և ցավոտ է, և ես ուզում եմ արագ նիհարել, բայց դա չի նշանակում, որ ես պետք է տխրեմ և ինքս ինձ ատեմ այդ գործընթացում»:

Աղջիկը պարզաբանել է, որ շատերը կարծում են, որ նիհարելը շատ հեշտ է. պարզապես դադարեք ուտել և մարզվեք մարզադահլիճում: Բայց ճարպակալում ունեցող մարդկանց մեծ մասը քաշ է հավաքում տարբեր հոգեբանական խնդիրների պատճառով: Եվ հենց դրանք է պետք առաջին հերթին լուծել, սա էլ քաշը կորցնելու ամենադժվար փուլն է:

Աղբյուր` Փաստինֆո