Փաստ ինֆո

Կոլումբիան երկրում արտակարգ իրավիճակ է հայտարարել այն բանից հետո, երբ հողի մեջ հայտնաբերել են բանան սպանող բորբոսը: Այդ մասին հայտնում է The Mirror- ը:

Կոլումբիայի բնահողում գտել են Fusarium type 4 մարմինը, որը վնասել է Ասիայում ցանքերը: Եթե սնկերը չհաջողվի վերացնել, բանանի դեֆիցիտը կսպառնա ամբողջ աշխարհին, քանի որ Լատինական Ամերիկայում է գտնվում երկրագնդի վրա բանանի խոշորագույն մատակարարներից մեկը:

Կոլումբիայի գյուղատնտեսական ինստիտուտը հայտնել է, որ արդեն ոչնչացրել է բոլոր վարակված բույսերը, ինչպես նաև խոստացել է ուժեղացնել սանիտարական հսկողությունը օդանավակայաններում և սահմանային անցակետերում, որպեսզի բորբոսասնկերը չտարածվեն:

Ինստիտուտի գլխավոր մենեջեր Դեհանիրա Բարրերո Լեոնը պնդում է, որ ոստիկանությունն ու զինված ուժերը միացել են խնդրի դեմ պայքարին: Կինը նաև նշել է, որ Կոլումբիային օգնում են Ավստրալիայից, Նիդեռլանդներից, Բրազիլայից և Մեքսիկայից փորձագետները:

Cavendish բանանի տեսակը հատկապես խոցելի է համարվում սնկերի առումով`գենետիկ բազմազանության բացակայության պատճառով: Սա այս մրգի ամենատարածված տեսակներից մեկն է մոլորակի վրա:

2018-ին Կոլումբիան արտահանել է  866,2 միլիոն դոլար արժողությամբ բանան:

Աղբյուր` Փաստինֆո