Փաստ ինֆո

Անքուն գիշերները ոչ միայն զրկում են մարդուն ուժերից, այլև կապված են առողջության համար բազմաթիվ անբարենպաստ հետևանքների, ներառյալ՝ սրտի հետ կապված խնդիրների, հոգեկան խանգարումների և նույնիսկ քաղցկեղի հետ:

Աշխատանքին մասնակցել է 785 մարդ, որոնց միջին տարիքը 64 տարեկան է: 5164 օրվա և գիշերվա ընթացքում կամավորները ժամացույցի պես սարք ենն կրել, որն արձանագրել է նրանց քնի և արթնության ռեժիմները:

Բացի այդ, մասնակիցները վարել ենօրագրեր, որտեղ նշել են, թե որքան կոֆեին, նիկոտին և ալկոհոլ են սպառում քնելուց չորս ժամ առաջ: Հետազոտողներին հետաքրքրում էր այդ նյութերի կապը քնի որակի և տևողության հետ, ինչպես նաև առավոտյան արթնանալու ժամի:

Սուրճի սիրահարների համար արդյունքները շատ լավատեսական են. Երեկոյան այս ըմպելիքը խմելը, ըստ երևույթին, չի ազդում քնի որակի և տևողության վրա:

Այնուամենայնիվ, հետազոտողները նախազգուշացնում են, որ կոֆեինի նկատմամբ զգայունությունը և դրա «կրիտիկական քանակությունը» անհատապես հնարավոր չէ չափվել: Սա նշանակում է, որ որոշ մարդկանց համար սուրճը քնելուց առաջ կարող է առհասարակ հակացուցված լինել:

Ծխողների և նրանց համար, ովքեր սիրում են խմել ընթրիքի ժամանակ, ամեն ինչ ավելի բարդ էր: Նրանց մոտ քնի տևողությունը այն օրերին, երբ չարաշահել են ծխախոտը և ալկոհոլը, ավելի քիչ էր:

Ի դեպ, էլեկտրոնային սիգարետներն այս առումով ոչնչով չեն զիջում. դրանք կարող են ունենալ նույնիսկ ավելի մեծ խթանող ազդեցություն, քան ծխախոտը, և ավելի շատ խանգարել քունը:

Աղբյուր` Փաստինֆո