ԲՈԼՈՐ ՆՅՈՒԹԵՐԸ
Վստահ չեմ, որ ՀՀ իշխանությունները Արցախի օժանդակության հետ կապված ինչ-որ բան ասում են ԱՄՆ իշխանություններին. Կիրո Մանոյան 08/02/2019 12:34 | Քաղաքական
«Հատկապես այս Սպիտակ տունը առաջին անգամը չէ, որ փորձում է Արցախին տրամադրվող օժանդակությունը ոչ միայն կրճատել, այլեւ ընդհանրապես դադարեցնել: Թեեւ նախորդ վարչակազմի օրոք էլ այնպես չէր, որ ուղղակի բյուջեի մեջ գրվում էր հատկացման մասին, բայց ինչ-որ տեղ արձանագրվում էր: Այս իշխանությունների համար մի քանի խնդիր կա, որոնցից գլխավորը Ադրբեջանի ազդեցության հարցն է»,-‹‹Փաստինֆո››-ի հետ զրույցում ասաց ՀՅԴ Բյուրոյի անդամ, Հայ դատի և քաղաքական հարցերի գրասենյակի պատասխանատու Կիրո Մանոյանը:
Հիշեցնենք՝ նախօրեին Հայ Դատի հանձնախումբն ահազանգել էր, որ Ամերիկյան վարչակազմը մտադիր է երկու ամսվա ընթացքում դադարեցնել Արցախին տրամադրվող ֆինանսական օգնությունը, որը նախնական հաստատման էր արժանացել 2020 թվականի ֆինանսական ծրագրով:
Կիրո Մանոյանի խոսքով, առհասարակ, Միացյալ Նահանգների գործող իշխանությունը նվազեցրել է մարդասիրական օժանդակությունները: Սպիտակ տունը, ինչպես նշեց Կիրո Մանոյանը, պատճառաբանություններ են ներկայացնում, որոնք սակայն, ըստ մեր զրուցակցի, զուտ պատրվակ են: «Իրական նպատակն այն է, որ իրենք Ադրբեջանին չանհանգստացնեն, քանի որ ԱՄՆ-ը աշխարհում միակ պետությունն է, որը այսպես ուղղակի մարդասիրական օժանդակություն է տրամադրում Արցախին»,-համոզված է Կիրո Մանոյանը:
Նշենք, որ Միացյալ Նահանգներն Արցախին մարդասիրական օժանդակություն է տրամադրում 1998 թվականից ի վեր: Կիրո Մանոյանը վստահ չէ, որ Հայաստանի իշխանությունները Արցախին տրամադրվող օժանդակության հնարավոր դադարեցման հարցը բարձրացրել են ամերիկյան կողմի մոտ:
«Վստահ չեմ , որ ՀՀ իշխանությունները Արցախի օժանդակության հետ կապված խնդրով ինչ-որ բան ասում են ԱՄՆ իշխանություններին: Եթե համեմատենք, օրինակ` Ֆրանսիայում առկա խնդրի հետ, երբ Ֆրանսիայի իշխանությունները ադրբեջանական ճնշումների ազդեցության տակ սկսեցին դատական գործերով Արցախի քույր քաղաքների հետ կապված որոշումները չեղարկել, ՀՀ իշխանությունը՝ մեր ԱԳՆ-ն ասաց, որ դա Արցախի խնդիրն է, Արցախն է զբաղվում, մենք անելիք չունենք: Այս դեպքում էլ շատ վստահ չեմ, որ ՀՀ իշխանությունները դժգոհություն կամ մտահոգություն արտահայտած լինեն»,-ասաց Կիրո Մանոյանը:
Նշենք, որ բոլորովին վերջերս ՝հուլիսի 14-26-ը աշխատանքային այցով ԱՄՆ էր մեկնել ՀՀ ԱԺ նախագահ Արարատ Միրզոյանի գլխավորած պատվիրակությունը: Մոտավորապես նույն օրերին Միացյալ Նահանգներում էին նաեւ ՀՀ փոխվարչապետ Տիգրան Ավինյանն ու արտգործնախարար Զոհրաբ Մնացականյանը:
Հարցին, պատահակա՞ն է արդյոք, որ Արցախին տրամադրվող օժանդակության վերաբերյալ տեղեկատվութունն ստացվել է հայ բարձրաստիճան պաշտոնյաների ամերիկյան այցերից հետո, Կիրո Մանոյանն արձագանքեց. «Արարատ Միրզոյանը ԱՄՆ Կոնգրեսի Ներկայացուցիչների պալատի ղեկավարությունը միջոցառմանը մասնակցելու համար էր մեկնել, նույն օրերին փոխվարչապետ Ավինյանն էր այնտեղ եւ արտգործնախարար Մնացականյանը, բայց ամենակարեւոր հարցն այն է՝ նրանք այս խնդրով խոսե՞լ են, թե չեն խոսել: Այդ հարցը պարզ չէ: Այնպես չէ, որ հայ-ամերիկյան հարաբերությունները վատանում են, այս ամենը վկայում է, որ ԱՄՆ իշխանությունները Արցախի հարցով Ադրբեջանին բավարարելու համար ինչ-որ կեցվածք են որդեգրել: Եթե Հայաստանի իշխանությունը նույն կերպ է առաջնորդվում, ինչ Ֆրանսիայի հարցում, նշանակում է, որ ոչ թե չեն կարողացել որեւէ բան անել, այլ պարզապես քայլեր չեն արել, չեն զբաղվել այդ հարցով, ինչը սխալ է»:
Կիրո Մանոյանի խոսքով, Հայաստան-Արցախ ռազմավարական համագործակցության պայմանագիրը, որի կնքման անհրաժեշտության մասին բարձրաձայնում է Դաշնակցությունը, հենց նման իրավիճակների համար էական նշանակություն կարող է ունենալ: Այդ փաստաթղթում, ըստ Մանոյանի, հստակ կդրվի հարցը, որ Հայաստանի թե արտգործնախարարությունը, թե խորհրդարանական դիվանագիտությունն ու պետական այլ կառույցներ պետք է Արցախին օժանդակեն միջազգային հարաբերությունները պատշաճ իրականացնելու համար: ՀՅԴ Հայ դատի հանձնախմբերը, նրա խոսքով, այս ուղղությամբ քայլեր իհարկե, իրականացնում են, բայց ՀՀ-ն իր բոլոր հնարավորություններով պետք է աջակցի այդ քայլերին:
Մեր դիտարկմանը, թե այսօր Հայաստանն իր արտաքին քաղաքականությունը կառուցում է, այսպես ասած, «թավշյա հեղափոխություն» բրենդի վրա, արդյոք ս՞ա արդյունավետ կարող է լինել նույն ԱՄՆ-ի հետ հարաբերություններում, Կիրո Մանոյանը պատասխանեց.«Այդ բրենդը մեր իշխանություններն օգտագործում են, բայց, ըստ էության, արտաքին քաղաքականության մեջ որեւէ փոփոխություն չեն մտցրել, նույն Արցախի Հանրապետության ճանաչմանն աջակցելու մասով այս իշխանությունները շարունակում են նախորդ իշխանությունների կեցվածքը: Մենք երկուսի մեջ էլ եղել ենք ինչ-որ ժամանակ, բայց չենք կարողացել մեր գործընկերներին համոզել, որ անհրաժեշտ է, որ ՀՀ արտաքին քաղաքականության մաս կազմի նաեւ Արցախի հանրապետության միջազգային ճանաչմանն աջակցելը: Այս իշխանությունները նույնն են անում: Մեծ փոփոխություններ ընդհանրապես չեն բերել հակառակը, եթե ինչ-որ բան արվում է, դա ավելի շատ քաղաքականության ոչ հաջող կիրառումն է, քան քաղաքականության մեջ փոփոխություններ մտցնելը, որովհետեւ այսօր նաեւ տարբեր խնդիրներ ունենք»:
Կիրո Մանոյանը չբացառեց նաեւ, որ ԱՄՆ գործադիր իշխանության կեցվածքը Արցախին տրամադրվող օժանդակության մասով կարող է պայմանավորված լինել ՀՀ իշխանություններին Արցախի հարցով, այսպես ասած, լռեցնելու ԱՄՆ-ի փորձով: «Երբ օրինակ պատրաստվում են ՀՀ-ին տրամադրվող օժանդակությունը բարձրացնել, որը, հավանաբար, պետք է տրամադրվի դատական համակարգի փոփոխություններին, հենց դա կարող է լինել պատճառներից մեկը, որ Արցախին տրամադրվող կես միլիոնը իրենք փորձում են հանել հատկացվող գումարներից»,-ասաց Կիրրո Մանոյանը:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/19/2024 08:26 Ինչպես են այս տարի նշելու Քաղաքացու օրը․ «Հրապարակ»
- 04/19/2024 08:18 Ինչո՞ւ ուղղաթիռով․ «Հրապարակ»
- 04/19/2024 08:15 Հայաստանում դպրոցներ են փակվում. Փաշինյանը խաբել է մաս 202. «Ժողովուրդ»
- 04/19/2024 08:13 ՊԵԿ նախկին փոխնախագահը հրավիրվել է դատախազություն․ «Հրապարակ»
- 04/19/2024 08:10 Մասնակցե՞լ, թե՞ չմասնակցել «պառադին»․ «Հրապարակ»
- 04/19/2024 08:02 Ի՞նչ է փոխվել․ ինչո՞ւ Փաշինյանը հետողորմյա արեց․«Հրապարակ»
- 04/19/2024 07:55 Հիվանդանոցներում պետպատվերով բուժումները կասեցվել են. քաոս. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
Մեկնաբանություն
- 04/19/2024 13:36 Խոշտանգման հետևանքները՝ Շենգավիթի քննչական բաժնում․ փաստաբանն ահազանգում է
- 04/18/2024 16:43 Ֆրանկ Փելոնն ԱՄՆ-ին կոչ է արել ռազմական օգնություն ցուցաբերել Հայաստանին
- 04/18/2024 15:26 Ալիևը ասել է քայլերի հաջորդականությունը՝ սկզբում կպահանջեն ոչ անկլավային տարածքները, հետո անկլավայինը, հետո ճանապարհներ կուզեն դեպի անկլավներ. սա ՀՀ օկուպացիայի ու խեղդելու ծրագիր է.Հայրապետյան
- 04/18/2024 11:52 Վաղը Սամվել Վարդանյանին հրավիրում են հարցաքննության․խոշտանգման գործով սայլը տեղից շարժվում է․ փաստաբան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
- 04/19/2024 22:52 Ծնողները դստեր ննջասենյակում հայտնաբերել են մանկապիղծի թաքնված տեսախցիկը
- 04/18/2024 23:54 Սուրճի ևս մեկ օգտակար հատկություն է հայտնաբերվել
- 04/18/2024 23:38 Կինը բժշկի այցի շնորհիվ բացահայտել է ամուսնու դավաճանությունը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ