Փաստ ինֆո

Ռուսաստանի գլխավոր մաֆիոզի Օլեգ Շիշկանովի (ավելի հայտնի է Շիշկան մականունով) ձերբակալման կապակցությամբ կազմվել է «գողերի թագավոր» կոչման թեկնածուների ցանկը: Այն ներառում է օրենքով հինգ գողերի:

Life պարբերականը նրանց թվում ներկայացրել է  Վաժա Բիգանիիշվիլուն (Թբիլիսեցի Վաժա), որը ներկայացնում է վրացական քրեական աշխարհը: Նա 16 տարի նստել է գողության և ավազակային հարձակման համար: Հաջորդը Ռամազ Ձնելաձեն է (Քութաիսցի Ռամազ), որը նստել է մոտ 18 տարի՝ գողության, զենքի, թմրամիջոցների և կեղծ փաստաթղթերի համար: Ձնելաձեն հայտնի էր 2000 թթ-ներից, երբ նա վերահսկում էր «բնակարանահատներին» և գրպանահատներին:

Գահի երրորդ թեկնածուն Նադիր Սալիֆովն է (Լոտու Գուլի) ` հեղինակավոր «օրենքով գողերից» մեկը, Եկատերինբուրգի և Չելյաբինսկի շուկաների կուրատորը: Ընդհանուր առմամբ նա բանտերում անցկացրել է մոտ 22 տարի: Նա դատապարտվել է մարդկանց առևանգման, ավազակության, կողոպուտի և շորթման համար: Ներկա պահին «օրենքով գողը» գտնվում է հետախուզման մեջ:

Մյուս թեկնածուն է «սլավոնական հատվածի» ղեկավար Վասիլի Խրիստոֆորովը (Վոսկրես): Ըստ քննիչների, նա Շիշկանի օգնականն էր, որը վերահսկում էր «խմբավորումը»:  Ընդհանուր առմամբ նա նստել է ինը տարի՝ հափշտակման և խուլիգանության համար: Իր քրեական գործունեությունը մաֆիոզին  սկսել է 17 տարեկանում: Բաց չի թողնում թագադրվելու իր հնարավորությունը նաև չեչենական խմբակցության ղեկավար Ահմեդ Դոմբաևը (Ահմեդ Շալինսկին), որը ազատվելու է դեռևս 2019 թվականի աշնանը: Շալինսկու ազատազրկման ընդհանուր ժամկետը՝ կողոպուտի  և խարդախության համար, 10 տարի է:

Աղբյուր` Փաստինֆո