Ավագ Ավանեսյանի գլխավորած պատվիրակությունը մասնակցում է Արևելյան գործընկերության 1-ին ներդրումային համաժողովին

ԲՈԼՈՐ ՆՅՈՒԹԵՐԸ

Բոլորը

01/22/2020 16:41 Երեւան քաղաքի քննչական վարչության պետն ազատվել է աշխատանքից 01/24/2020 09:22 Հրատապ. Խուզարկում են Հրայր Թովմասյանի տունը 01/23/2020 15:21 «Էրեբունի պլազա»-ում պատանդներ կան 01/23/2020 17:34 Ոստիկանությունը չի մեկնաբանում, թե ինչու է կրակոցներ արձակած անձը ոստիկանությունում տեղափոխվում առանց ձեռնաշղթաների (ՏԵՍԱՆՅՈՒԹ) 01/23/2020 12:52 Կնոջը հակի թելով ամուսինը խեղդամահ է արել ապա՝ որպես ինքնասպանություն ներկայացրել 01/22/2020 20:58 Փաշինյանը գնաց Տիգրան Սարգսյանի՝ 9 տարվա վաղեմության հետքերով. լիկբեզ գյուղացու համար 01/24/2020 09:10 «Երկու օր առաջ էի Կուտոյանին հանդիպել». «Հրապարակ» 01/23/2020 14:43 Արթուր Վանեցյանը պահանջում է, որ «Հայկական ժամանակը» ներողություն խնդրի 01/24/2020 09:45 Գեորգի Կուտոյանի խոսակցությունները վերծանել են. ովքեր են թիրախում. «Ժողովուրդ» 01/23/2020 12:15 Հունվարի 27-ի աշխատանքային օրը կտեղափոխվի փետրվարի 1 01/22/2020 17:55 Դատախազությունն ուսումնասիրում է Արթուր Վանեցյանի վերաբերյալ մամուլի հրապարակումը 01/24/2020 10:05 Հրայր Թովմասյանին տանը խուզարկություն կատարելու թույլտվությունը տվել է դատավոր Արտուշ Գաբրիելյանը 01/23/2020 18:55 «Կյանքս քեզ եմ վստահում». Ոստիկանապետը «Էրեբունի պլազա»-ում կրակոցներ արձակած տղամարդուն 01/23/2020 21:45 «5-րդ ալիք» հեռուստաընկերության գործունեությունը վտանգված է 01/22/2020 21:55 Կարեն Խաչատրյանն ազատ կարձակվի 20 մլն դրամի դիմաց 01/23/2020 15:40 Ոստիկանությունը՝ Էրեբունի պլազայում հնչած կրակոցների մասին 01/23/2020 21:51 Վարչապետի «խելոք» խորհրդականը էդ թրիքոտ կաթը խմե՞լ է. Հրաչ Բերբերյան 01/23/2020 15:02 Կրակոցներ՝ Երեւանի կենտրոնում. ոստիկանները թույլ չեն տալիս մոտենալ «Էրեբունի պլազա» բիզնես կենտրոնին 01/22/2020 21:20 Զոռով չի, մարդ չդարձաք. Շարմազանովը՝ Փաշինյանին 01/22/2020 20:02 Կրակոցներ Արարատում. կա տուժած

Ավագ Ավանեսյանի գլխավորած պատվիրակությունը մասնակցում է Արևելյան գործընկերության 1-ին ներդրումային համաժողովին 07/12/2019 16:12

Հայաստանի պատվիրակությունը, ՀՀ էկոնոմիկայի նախարարի տեղակալ Ավագ Ավանեսյանի գլխավորությամբ, մասնակցում է Բաթումիում ընթացող «Տասը տարի Պրահայից հետո» Եվրոպական Միության Արևելյան գործընկերության առաջին ներդրումային համաժողովին։ Այս մասին հայտնում են ՀՀ էկոնոմիկայի նախարարության տեղեկատվության և հասարակայնության հետ կապերի վարչությունից։

Համաժողովի նպատակն է ստեղծել արդյունավետ հարթակ Արևելյան գործընկերության անդամ երկրների և Եվրամիության գործարար շրջանակների ու կառավարությունների միջև համագործակցության համար, խթանել ներդրումային ծրագրերը՝ հատկապես ենթակառուցվածքների, էներգետիկայի, գյուղատնտեսության և արդյունաբերության ոլորտներում։

Հայաստանի պատվիրակության կազմում են ՀՀ էկոնոմիկայի նախարարի տեղակալ Տիգրան Գաբրիելյանը, պետական կառավարման մարմինների, ինչպես նաև գործարար համայնքի ներկայացուցիչներ: Հայաստանի պատվիրակության ներկայացուցիչները համաժողովի համապատասխան պանելների ընթացքում հանդես են եկել ելույթներով և տարբեր քննարկումների ժամանակ ներկայացրել են Հայաստանի ներդրումային հնարավորություններն ու ներդրումային ծրագրերը:

«Արևելյան գործընկերության շրջանակներում ներդրումների հնարավորություններ և մարտահրավերներ․ 10 տարի Պրահայից հետո» խորագիրը կրող պանելային քննարկման ժամանակ իր ելույթում ՀՀ էկոնոմիկայի նախարարի տեղակալ Ավագ Ավանեսյանը նշել է, որ Հայաստանի բարեկեցությունը և զարգացումը որոշակիորեն պայմանավորված են հարևան երկրների բարեկեցությամբ և զարգացմամբ, և որ Հայաստանն իր տնտեսական զարգացումը տեսնում է նաև որպես գլոբալ շուկաներում մրցունակ նորարարական, ինժեներական ու տեխնոլոգիական լուծումներ առաջարկող և արտահանող երկիր, ինչի լավագույն օրինակներ են ԹՈՒՄՈ-ն և Արմաթ-ը: Էկոնոմիկայի փոխնախարարը հավելել է, որ Հայաստանում գործում են 250-ից ավելի «Արմաթ» ինժեներական լաբորատորիաներ, որտեղ ավելի քան 6500 երեխա ստանում է անվճար ինժեներական կրթություն։ Փոխնախարարն անդրադարձել է նաև «Հայաստանում ԵՄ-ն նորարարության համար» ծրագրին, որով նախատեսված է ԹՈՒՄՈ-ի հետ համագործակցությամբ աջակցել «ԵՄ-ն նորարարության համար. ԹՈՒՄՈ կենտրոն»-ի ստեղծմանը, որը հարթակ կտրամադրի տեխնոլոգիաների, ճարտարագիտության, մաթեմատիկայի և գիտական այլ ոլորտների ուսանողներին՝ իրենց մասնագիտական ոլորտի վերաբերյալ գործնական փորձառություն ձեռք բերելու համար։

Համաժողովի մասնակիցները կարևորել են ԹՈՒՄՈ-ի ուղղությամբ իրականացվող աշխատանքները և նշել, որ այն կարող է լավագույն փորձի օրինակ դառնալ Արևելյան գործընկերության անդամ երկրների համար։

Ավագ Ավանեսյանը ներկայացրել է նաև ԵՄ կողմից Հայաստանում իրականացվող աջակցության ծրագրերը, որոնք իրենց ազդեցությունն ունեն երկրի տնտեսական զարգացման, շուկաների մատչելիության մեծացման, ներդրումային և գործարար միջավայրի բարելավման, ինչպես նաև ՓՄՁ-ների զարգացման վրա։ Նա կարևորել է նաև Արևելյան գործընկերության անդամ երկրների միջև համագործակցության խորացումը և առևտրատնտեսկան կապերի ընդլայնումը, ինչը կնպաստի թե՛ երկրների ներդրումային միջավայրի բարելավմանը և ներդրումների ավելացմանը, թե՛ տնտեսական ինտեգրմանը։

«Գյուղատնտեսության և արդյունաբերության ոլորտ» թեմայով քննարկմանը ՀՀ էկոնոմիկայի նախարարի տեղակալ Տիգրան Գաբրիելյանը համառոտ ներկայացրել է երկրում գյուղատնտեսության ոլորտի զարգացման ուղղուրթյամբ ՀՀ կառավարության կողմից իրականացվող քայլերն ու պետական օժանդակության ծրագրերը: Անդրադառնալով Եվրամիության աջակցությամբ Հայաստանում իրականացված և ընթացիկ մի շարք ծրագրերին (ENPARD, TWINNING, TAIEX)` փոխնախարարն ընդգծել է, որ ԵՄ-ն հանդիսանում է Հայաստանի ամենախոշոր դոնոր գործընկերը: Իր խոսում Տիգրան Գաբրիելյանն անդրադարձել է նաև Հայաստանի ներդրումային դաշտի առանձնահատկություններին և արտահանման հնարավորություններին, մատնանշել ներդրումների համար առավել գրավիչ ոլորտները: Նա նաև մասնակիցների ուշադրությանն է հրավիրել այն փաստին, որ, ունենալով սահմանափակ ջրային ռեսուսրներ` Հայաստանում իրականացվում է ձկնաբուծական արտադրանքի արտահանում, իսկ կլինմայական պայմանները բարենպաստ են որակյալ և բարձր համային հատկանիշներով օժտված մրգի ու բանջարեղենի արտադրության համար:

Արևելյան գործընկերության տասնամյակին նվիրված ներդրումային համաժողովը համատեղ կազմակերպել են ԵՄ Հանձնաժողովը և Վրաստանի կառավարությունը։ Համաժողովին մասնակցել են Արևելյան գործընկերության անդամ երկրների կառավարությունների և գործարար համայնքների ներկայացուցիչներ, ինչպես նաև ԵՄ խորհրդի, ԵՀ-ի, ԵՄ անդամ երկրների և միջազգային կառույցների բարձրաստիճան պաշտոնյաներ։

Միջոցառմանը մասնակցել են նաև ԵՄ Խորհրդի նախագահ Դ. Տուսկը, Վրաստանի վարչապետը, Արևելյան գործընկերության երկրների էկոնոմիկայի նախարարությունների պաշտոնյաները:

Աղբյուր` Փաստինֆո