ԲՈԼՈՐ ՆՅՈՒԹԵՐԸ
Հնարավոր է, որ նախաքննական ցուցմունքում մի բառ էս կողմ-էն կողմ եմ ասել և արդյունքում ուրիշ բան է ստացվել. «Ճըվճըվ Արոյի» որդու գործով վկան փոխում է նախաքննական ցուցմունքները 07/03/2019 22:00 | Դատական ռեպորտաժներ
Երևան քաղաքի ընդհանուր իրավասության դատարանում հուլիսի 3-ին շարունակվեց ճանապարհային ոստիկանության երկու աշխատակիցների մահվան մեջ մեղադրվող «Ճըվճըվ Արոյի» որդու՝ Սարգիս Վարդանյանի, գործով դատական նիստը՝ դատավոր Հարություն Մանուկյանի նախագահությամբ։
Դատարանում ներկայումս վկաների հարցաքննության փուլն է։ Քրեական գործով 12 վկաներից դատական նիստին ներկայացել էին երեքը:
Դատարանում որպես վկա առաջինը հարցաքննվեց սույն քրեական գործով քաղաքացիական հայց ներկայացրած անձ հանդիսացող Արմեն Այվազյանը, որը GS մոնիթորինգ ՍՊԸ-ի աշխատակից է: Նա դատարանում հայտնեց, որ ամբաստանյալին երբևէ չի տեսել և չի ճանաչում: Նրա խոսքով՝ դեպքի օրը իրեն զանգել են և ասել, որ վթարի հետևանքով GS մոնիթորինգ ՍՊԸ-ին պատկանող գովազդային վահանակը վնասվել է, իսկ ինքը մոտեցել է վահանակին և բաժինը բացել-փակել։
Դատարանում՝ որպես վկա հարցաքննվեց նաև «Սանիտեք» ընկերության աշխատակից Դավիթ Մանուկյանը: Վերջինս՝ դեպքի պահին «Սանիտեք» ընկերությանը պատկանող ավտոմեքենան վարելիս կարմիր լուսացույցի տակ կանգնած է եղել, երբ ճանապարհային ոստիկանության ավտոմեքենան իր կողքով անցել է և վթարը տեղի է ունեցել:
«Ես «Սանիտեք»-ում եմ աշխատում՝ որպես վարորդ, դրա համար այդ ուշ ժամին դրսում էի: Մեքենայի ղեկին նստած, չեմ հիշում հեռախոսով էի խոսում, թե ուզում էի զանգել, բայց հենց գլուխս բարձրացրի, տեսա, որ ՃՈ և «BMW X6» մակնիշի ավտոմեքենաները խփեցին իրար»,-ասաց նա: Ականատես վկայի խոսքով` երբ ճանապարհային ոստիկանության ավտոմեքենան խաչմերուկ է մուտք գործել լուսացույցը նրա համար եղել է կարմիր: Դավիթ Մանուկյանը դեպքի վայրում մնացել է մոտ կես ժամ, որից հետո շտապօգնության ավտոմեքենան է եկել , իսկ ինքը հեռացել է:
Քրեական գործով երրորդ վկան, որը դատարանում հարցաքննվեց Աշոտ Բաղդասարյանն էր։
Վերջինս ևս նշեց, որ դատավարության մասնակիցներից ոչ մեկին չի ճանաչում։
Դատարանում վկայի տված ցուցմունքի համաձայն՝ 2018 թվականի հունվարին Աբովյան փողոցով իր ավտոմեքենայով երթևեկելիս է եղել, երբ «BMW X6» մակնիշի ավտոմեքենան լուսարձակները թարթել է և ճանապարհ ուզել իրենից։
«Ես իմ մեքենան աջ քաշելով ճանապարհ տվեցի «BMW X6» մակնիշի ավտոմեքենային, որն էլ կանաչ լուսացույցով մուտք գործեց խաչմերուկ, իսկ ճանապարհային ոստիկանության ավտոմեքենան շատ դանդաղ ընթանալով առաջին երթևեկելի գոտիով մուտք գործեց խաչմերուկ և խփեցին իրար»,-ասաց նա։
Մեղադրանքը պաշտպանող դատախազի այն հարցին, թե ինչ արագությամբ էր ընթանում «BMW X6» մակնիշի ավտոմեքենան, վկան պատասխանեց․ «Ինչ իմանամ, ես արագաչափ չեմ, բայց որ գրել են 130կմ/ժ արագություն, ես դա խելամիտ չեմ համարում, որովհետև այդ մեքենան այդքան արագություն չուներ»,-պատասխանեց վկան։
Նրա խոսքով՝ ՃՈ ավտոմեքենայի ձայնային ազդանշանը միացված չի եղել, իսկ ճանապարհի այդ հատվածում տեսանելիությունը վատ է և հնարավոր է, որ ամբաստանյալը չկարողանար նկատել խաչմերուկ մուտք գործող ՃՈ ավտոմեքենան։ Վերջինս նշեց նաև, որ «BMW X6» մակնիշի ավտոմեքենան մոտ 20 մետր հետ է գտնվել իր ավտոմեքենայից և երբ ինքը ճանապարհ է տվել ամբաստանյալը մինչև վկայի ավտոմեքենան հասնելը արգելակել է և արգելակած ընթանալով հարվածել ՃՈ ավտոմեքենային։
Վկայի տված նախաքննական և դատարանում տված ցուցմունքի միջև կար հակասություն, ուստի մեղադրանքը պաշտպանող դատախազ՝ Ա․ Մարգարյանը, միջնորդություն ներկայացրեց վկայի նախաքննական ցուցմունքը դատարանում հրապարակելու վերաբերյալ, ինչը դատարանը բավարարեց։ Դատարանում հրապարակվեց վկա Աշոտ Բաղդասարյանի, նախաքննական ցուցմունքի այն հատվածը, որտեղ առկա էր հակասություն։ Պարզվեց՝ դատարանում նա հայտնել է, որ «BMW X6» մակնիշի ավտոմեքենան արգելակել է միայն կանգ գծանշման մոտ։ Դատարանում Աշոտ Բաղդասարյանը հայտարարեց, որ նախաքննական ցուցմունքն ինքն իր ձեռքով չի գրել և հնարավոր է, որ քննիչը սխալ է հասկացել իր նկարագրածը։
«Ոչ մեկ ինձ փող չի տվել, որ իմ բառերը փոխեմ, և, ոչ էլ դատավարության մասնակիցներից որևէ մեկին ճանաչում եմ։ Հնարավոր է, որ նախաքննական ցուցմունքում մի բառ էս կողմ-էն կողմ եմ ասել և արդյունքում ուրիշ բան է ստացվել։ Ես հիմա, դատարանում ասում եմ, որ այդ մարդը մինչև խաչմերուկ մուտք գործելը արգելակել է և արգելակած է անցել իմ ավտոմեքենայի կողքով, իսկ արգելակելու ճռռոց ես լսել եմ»,-ավելացրեց վկան։
Քրեական գործով վկա Աշոտ Բաղդասարյանը պնդում է գործի նախաքննության ժամանակ իր տված ցուցմունքն ամբողջությամբ, բացի այն հատվածից, որտեղ նշված է, թե ամբաստանյալը կանգ գծանշման մոտ է արգելակել։
Արդյունքում դատախազը միջնորդեց, որ վկան մասնակցի դատարանում դեպքի վայրի զննության տեսագրության հետազոտությանը, ինչին պաշտպանական կողմը առարկեց, բայց դատարանը բավարարեց։
Դատարանի աշխատանքային ծանրաբեռնվածության պատճառով դատական նիստը հետաձգվեց: Հաջորդ դատական նիստը նշանակվեց հուլիսի 8-ին, որի ժամանակ նախատեսվում է՝ գործով վկա Աշոտ Բաղդասարյանի ներկայությամբ, հետազոտել դեպքի վայրի զննության տեսագրությունը։
Հիշեցնենք, որ ողբերգական դեպքը տեղի է ունեցել շուրջ 1,5 տարի առաջ. 2018թ. հունվարի 8-ին՝ ժամը 04:40-ի սահմաններում, Երևան քաղաքի Սայաթ-Նովա պողոտայի և Աբովյան փողոցի խաչմերուկում բախվել են «ԲՄՎX6» մակնիշի, 35 NT 388 համարանիշի և ճանապարհային ոստիկանության «Տոյոտա» մակնիշի, 243 II 02 հաշվառման համարանիշի ավտոմեքենաները, ինչից հետո «ԲՄՎX6» մակնիշի ավտոմեքենան դուրս է եկել երթևեկելի գոտուց և հարվածել գովազդային վահանակին: Ավտովթարի հետևանքով «Տոյոտա» մակնիշի, 243 II 02 համարանիշի ավտոմեքենայի վարորդ, ՃՈ 1-ին գումարտակի 6-րդ դասակի տեսուչ, ոստիկանության ավագ լեյտենանտ Ա.Դավթյանը և ուղևոր, ոստիկանության լեյտենանտ Խ.Գասպարյանն ստացած մարմնական վնասվածքներից մահացել են։
Պարզվել է, որ «ԲՄՎX6» մակնիշի ավտոմեքենայի ղեկին եղել է «Ճըվճըվ Արոյի» որդին՝ Սարգիս Վարդանյանը, որը թողնելով ճանապարհատրանսպորտային պատահարի վայրը, հեռացել է:
Նախնական քննության տվյալներով՝ Ս.Վարդանյանը Սայաթ-Նովա պողոտայի ուղղությամբ ընթացել է լապտերը միացված վիճակում՝ բնակավայրերի համար սահմանված թույլատրելի առավելագույն 60 կմ/ժ-ը գերազանցող արագությամբ և դրանով իսկ ստեղծել վթարային իրադրություն։
Մինչդատական վարույթում ձեռք բերված բավարար ապացույցների հիման վրա՝ Ս.Վարդանյանին մեղադրանք է առաջադրվել՝ ՀՀ քրեական օրենսգրքի 242-րդ հոդվածի 3-րդ մասի և 244-րդ հոդվածի հատկանիշներով։ Նրա նկատմամբ որպես խափանման միջոց է ընտրվել կալանավորումը:
Քրեական գործը դատարան է ուղարկվել դեռեւս 2018 թվականի հունիսին, սակայն դատավարությունը դեռ շարունակվում է։
Հեղինակ՝ Մերի Մնոյան
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/23/2024 08:20 Տավուշը պայքարում է, համայնքապետն ԱՄՆ-ում է․ «Հրապարակ»
- 04/23/2024 08:17 Ծիծեռնակաբերդ այցը պաշտոնական այցերի պրոտոկոլային մաս չէ․ ԱԳՆ-ն՝ Ղազախստանի նախագահի այցի մասին․ «Ժողովուրդ»
- 04/23/2024 08:14 Համերգն առանց տեղական «իշխանիկների»․ «Հրապարակ»
- 04/23/2024 08:11 Սահմանազատման երեք տարբերակ է քննարկվել․ «Հրապարակ»
- 04/23/2024 08:07 Իշխանությունը փորձում է պառակտել շարժումը ․ Յուրիկների պակաս չի զգացվում․«Հրապարակ»
- 04/23/2024 07:52 Ժողովրդավարությունը թիվ մեկ «բրենդ» հռչակած կառավարության ղեկավարը չի մեկնաբանել Սամվել Վարդանյանի հանդեպ կատարվածը․ «Ժողովուրդ»
- 04/23/2024 07:48 Գնել Սանոսյանը «գովերգում» է, իսկ իր տեղակալը համարում է միջազգային մեքենայությունների հեղինակ․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/23/2024 10:46 Օշական գյուղում ավտոմեքենան բախվել է տներից մեկի դարպասին. կա վիրավոր
- 04/23/2024 10:41 Հրդեհ Հրազդանի կիրճում. այրվել է 2 վագոն-տնակ
- 04/23/2024 00:34 Չարենցավանում անչափահասների միջև տեղի ունեցած վիճաբանությունը վերածվել է ծեծկռտուքի. կա վիրավոր
- 04/22/2024 23:30 Նուբարաշեն 11-րդ փողոցի երկու տներում հրդեհ է բռնկվել
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
- 04/21/2024 22:49 Կինը հոր օգնությամբ վրեժ է լուծել դավաճան զուգընկերոջից
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
- 04/19/2024 22:52 Ծնողները դստեր ննջասենյակում հայտնաբերել են մանկապիղծի թաքնված տեսախցիկը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ