Մանվել Գրիգորյանը կմնա կալանավորված․ դատարանը մերժեց միջնորդությունը

ԲՈԼՈՐ ՆՅՈՒԹԵՐԸ

Բոլորը

04/23/2024 23:26 Ջահերով երթ՝ Թբիլիսիում և Ախալքալաքում 04/23/2024 13:27 Իրավիճակը Երեւան-Սեւան մայրուղու վրա այս պահին. ճանապարհը երկկողմանի փակ է 04/23/2024 12:51 Ջահերով երթ. այսօր Երեւանում ժամը 19։00-ից սկսած փակ են լինելու փողոցներ 04/22/2024 20:22 Անակնկալ բացահայտումներ.Վազգեն Ա կաթողիկոսն այցելել է Թուրքիա, որտեղ նրան դիմավորել են պետական մակարդակով (տեսանյութ) 04/22/2024 19:41 Հայաստանը պատրաստ է զորքերը միակողմանի հետ քաշել`անկախ Բաքվի գործողություններից. Փաշինյանի աշխատակազմի մեկնաբանությունը 04/23/2024 10:51 Արգիշտի Քյարամյանի նոր նշանակումը 04/23/2024 18:55 Ես էլ ձեռքերս կկտրեմ ու Տավուշից ոչինչ չեմ տա. Սարգիս Խանդանյան 04/23/2024 20:25 Այս պահին լարված վիճակ է Ալավերդու ճանապարհին. ոստիկանները հրելով հեռացնում են մեքենաները 04/23/2024 00:14 Տաքսու վարորդը ուղեւորության ժամանակ անարգել է մոսկվացի կնոջը 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո 04/24/2024 08:04 Հաջորդ քայլը լինելու է ապրիլի 24-ի հիշատակի օրվանից հրաժարվելը․«Հրապարակ» 04/23/2024 17:14 «Ինձ չեմ տեսնում այն ԵԿՄ շարքերում, ով տարածքներ հանձնելու համար ուժ է կիրառում ժողովրդի վրա». Արայիկ Ղարիբյանը հեռանում է ԵԿՄ-ից 04/23/2024 17:23 Սյունիքում մտահոգություններ կան. Գորիսի փոխքաղաքապետ 04/22/2024 21:58 Ալիև․ Բաքուն և Մոսկվան ևս մեկ վիթխարի նախագիծ կսկսեն «Հյուսիս-Հարավ» միջանցքի շրջանակներում 04/23/2024 20:52 Մենակ չթողնեք տավուշցուն,Արցախը կորցրինք` չկարողանալով համախմբվել, Տավուշը մեր դարպասն է. Գառնիկ Դանիելյան 04/24/2024 17:44 Լարված վիճակ Իսակովի պողոտայում. «Մերժիր գժին» նախաձեռնության անդամները փակել են այն (տեսանյութ) 04/24/2024 13:46 Ծիծեռնակաբերդում Աննա Հակոբյանին քաղաքացիները դիմավորեցին «Նիկոլ դավաճան» վանկարկումներով 04/23/2024 23:13 Պուտինին եւ Շոյգուին զեկուցել են ՌԴ ՊՆ փոխնախարարի ձերբակալության մասին 04/23/2024 18:06 Ադրբեջանական զորքն, առանց մեկ կրակոցի, արդեն տեղավորվում է տասնամյակներով կառուցված և անառիկ պահված Տավուշի մեր դիրքերում. Վրթանեսյան 04/23/2024 13:14 10 գյուղ էլ Վարդենիսից են հանձնելու Քաղաքացիները փակել են նաև Երևան-Սևան ավտոճանապարհը. ուղիղ

Մանվել Գրիգորյանը կմնա կալանավորված․ դատարանը մերժեց միջնորդությունը 07/02/2019 14:34 | Դատական ռեպորտաժներ

«Փաստինֆո»-ի հաղորդմամբ՝ Երեւանի ընդհանուր իրավասության դատարանի Կենտրոն եւ Նորք Մարաշ նստավայրի դատավոր Մնացական Մարտիրոսյանը քիչ առաջ մերժեց պաշտպանական կողմի միջնորդությունը՝ անհիմն լինելու պատճառաբանությամբ։

Դատավորն արձանագրեց, որ եթե Մանվել Գրիգոյանը տեղափոխվել է դատարան, արդեն իսկ վկայում է, որ նա կարող է մասնակցել դատական նիստերին, ուրիշ բան, եթե խնդիրներ առաջանային նիստի ընթացքում։

Հիշեցնենք, որ պաշտպաններն այսօր միջնորդել էին անհապաղ փոխել Մանվել Գրիգորյանի նկատմամբ ընտրված խափանման միջոց կալանավորումը՝ վերջինիս առողջացման վատթարացման պատճառով։ Նրանք նշել էին, որ Մանվել Գրիգորյանի մոտ գանգրենա է առաջանում, ախտորոշվել է սթրեսային խանգարում, եւ նրան անհրաժեշտ է բնական լույս, արեւ, հոգեկան խաղաղություն։

Միաժամանակ դատավորը, հաշվի առնելով առողջական վիճակի վերաբերյալ ներկայացված փաստաթղթերը, որոշեց վերադառնալ մեղադրող կողմի՝ հունիսի 18-ի միջնորդության լուծմանը։ Հիշեցնենք, որ մեղադրող կողմը միջնորդել էր նշանակել միջգերատեսչական հանձնաժողովային դատաբժշկական փորձաքննություն, որը կտա հետեւյալ հարցերի պատասխանները․ ի՞նչ հիվանդություններով է տառապում Մանվել Գրիգորյանը, դրանցից որեւէ մեկը տեսակով կամ ծանրության աստիճանով համապաստախանու՞մ է պատիժը կրելուն խոչընդոտող հիվանդություններին, եւ դրանց պատշաճ հսկողությունը հնարավո՞ր է իրականացնել ՔԿՀ-ում, թե՞ ոչ։

Քանի որ մեղադրող կողմը պնդեց իր այս միջնորդությունը, դրա վերաբերյալ ելույթով հանդես եկավ պաշտպանական կողմը։ Մասնավորապես, պաշտպաններից Լեւոն Բաղդասարյանը նշեց այն հարցերը, որոնց պատասխանները եւս, ըստ իրենց, պետք է տրվեն այդ փորձաքննությամբ։ Դրանք են․ ինչպիսի՞ն էր Մանվել Գրիգորյանի առողջական վիճակը կալանավորման սկզբում եւ այժմ, եթե առկա է բացասական դինամիկա, ապա անազատության մեջ գտնվելով՝ բուժումը կարո՞ղ է արդյունավետ լինել թե ոչ, տվյալ հիվանդությունները կարո՞ղ են կյանքին վտանգ սպառնալ կամ խոչընդոտ հանդիսանալ հետագա կալանքը կրելուն, դրանց պատշաճ հսկողությունը հնարավո՞ր է իրականացնել ՔԿՀ-ում, արդյո՞ք ՔԿՀ-ն համապատասխանում է սահմանված ստանդարտներին, առողջական վիճակի վատթարացումը կախվա՞ծ է կալանքի տակ գտնվելու հետ, արդյո՞ք այն կարող է ավելի վատթարանալ։ Միջնորդեցին հայտնել նաեւ նրա առողջական դինամիկան՝ կալանքի տակ գտնվելու օրվանից մինչ օրս։

Միաժամանակ պաշտպանները ցանկություն հայտնեցին, որ որպես բժիշկ-փորձագետներ ներգրավվեն նաեւ իրենց ցանկացած մասնագետները։

Դատախազներն էլ իրենց հերթին միջնորդեցին, որպեսզի տրվի պատասխանն այն հարցի՝ արդյո՞ք Մանվել Գրիգորյանի առողջության վատթարացում գրանցվել է հունիսի 3-ից հետո, երբ նա քաղաքացիական հիվանդանոցից տեղափոխվեց ՔԿՀ, որտեղ էլ հրաժարվեց բժշկական օգնություն ստանալուց։

Դատավորն անձանագրեց, որ միջգերատեսչական հանձնաժողովի նախորդ եզրակացությունը անվավեր կամ ապօրինի չի ճանաչվել։

Նա հեռացավ խորհրդակցական սենյակ՝ որոշում կայացնելու։ Այն կհրապարակվի այսօր՝ ժ․ 16։00-ին։

Նշենք, որ Մանվել Գրիգորյանը նիստի շարունակությանը չի մասնակցի։ Բժշկի ցուցումով՝ նա տեղափոխվեց հիվանդանոց։

Հեղինակ` Միլենա Խաչիկյան