Փաստ ինֆո

Վրաստանի և Ռուսաստանի հարաբերությունների սրումը կարող է և՛ տնտեսական, և՛ քաղաքական ազդեցությունն ունենալ Հայաստանի վրա: «Փաստինֆո»-ի հետ զրույցում նման կարծիք հայտնեց «Մարդկային զարգացման միջազգային կենտրոն» հասարակական կազմակերպության նախագահ Թևան Պողոսյանը: Ըստ նրա, եթե երկու երկրների հարաբերությունն այնքան սրվեն, որ անցնեն սանկցիաների կիրառման, ապա հնարավոր է դա բացասաբար անդրադառնա նաեւ Հայաստանի վրա։ Բացի այդ՝ շատ կարեւոր հարց է բեռնափոխադրումը, արդյոք ճանապարհները Հայաստանի համար բաց են լինելու՝ բեռները ռուսական եւ ԵԱՏՄ շուկա հասցնելու համար, ինչպես է լինելու Լարսի վիճակը։

Քաղաքական վերլուծաբան Թեւան Պողոսյանի խոսքերով՝ Հայաստանը պետք է կարողանա բալանսավորված քաղաքականություն վարել ու ճիշտ բանակցությունների արդյունքում ապահովի իր շահերի բավարարումը:

Պատասխանելով հարցին` արդյո՞ք Հայաստանի ՝գործարար շրջանակների ոգեւորությունը, որ վրաց-ռուսական հարաբերությունների սրման արդյունքում կարող է նպաստել Հայաստանի` Վրաստանի համար տարանցիկ երկիր դառնալուն, չվերթների ավելացմանը՝ բացասական այզդեցություն չի ունենա Հայաստան-Ռուսաստան հարաբերությունների վրա՝ Թ.Պողոսյանը նկատեց. «Ռուսաստանն ունի շատ քաղաքացիներ, որոնք վրացական արմատ ունեն, եթե Ռուսաստանի քաղաքացիները գնում իրենց ծնողներին տեսնելու, ապա այդտեղ խնդիր չկա։ Այլ խնդիր է, որ հարաբերությունները ստիպել են, որ այդ վրացիները պետք է գան Երևան, Երևանից այնտեղ հասնեն:

Այս պարագայում նույնիսկ ինչ-որ չափով կարող է շահել, որ թռիչքներն ավելանան, բայց միշտ պետք է հաշվարկենք, որ ցանկացած այս տեսակ բան ունենում է ժամանակավոր խնդիր, պետք է այնպես անենք, որ երբ գա այն օրը, երբ Ռուսաստանի ու Վրաստանի հարաբերությունները կարգավորվեն կոտրած տաշտակի առաջ չհայտնվենք»:

Մեր տարածաշրջանում երևույթներ հանդիպում են. օրինակ Հայաստան-Ադրբեջան հարաբերությունների խնդիրներից ելնելով Վրաստանը փորձում է կամուրջ լինել և դրա շնորհիվ շահեկան դերում է հայտնվում, տարածաշրջանում կենտրոն է դառնում, Թուրքիայից ապրանքները Հայաստան գալիս են իր միջոցով, դեսապանատներն մեծամասամբ այնտեղ են տեղակայված և այլն:

‹‹Դա մեզ շատ ժամանակ դուր չի գալիս: Պետք է գիտակցենք, որ եթե այսօր ժամանակավոր օգուտներ քաղելու խնդիր ունենանք, պետք է այնպես բանակցենք, որ օրինակ ծառայենք, որ հանկարծ Վրաստանը չմտածի՝ կարող է հանձնվել և թուրք-ադրբեջանական ճնշումների տակ ընկնել››,-ասաց «Մարդկային զարգացման միջազգային կենտրոն»-ի նախագահը:

Նրա դիտարկմամբ, այսպես է դրսեւորվում հարգանքը և Հայաստանը մեկ անգամ չէ, որ դա ի ցույց դրել:

‹‹2008թ-ի ռուս-վրացական պատերազմի ժամանակ Հայաստանն այն դիրքորոշումն ունեցավ, որ թույլ չտվեց իր տարածքից զենքի օգտագործումը, հանդուրժեց այն բոլոր խնդիրները որ Վրաստանն էր ստեղծում, ճանապարհին մեծ բեռները թալանում էին և այլն: Մենք իսկապես մեծ կորուստներ ունեցանք››,-ասաց Պողոսյանն՝ ավելացնելով, որ պետք է բանակցել հարցերի շուրջ, թե արդյո՞ք Վրաստանը գիտակցում է Հայաստանի ժամանակին արված ներդրումը, արդյո՞ք իր և Ռուսաստանի հարաբերությունները փոփոխման հետևանքով խնդիրներ չի առաջացնելու Հայաստանի ցամաքային կապի համար:

Հեղինակ Սոնա Գեւորգյան

Աղբյուր` Փաստինֆո