Փաստ ինֆո

Կանադայի Բրիտանական Կոլումբիա գավառի բնակիչը պատմել է արջի  հարձակման  մասին, որը տեղի է ունեցել մայիս ամսին: Հաղորդել  է CBC News- ը:

50-ամյա Ալեքս Նյումանը (Alex Neumann) կենդանիներին հանդիպել է Փրինս Ջորջ քաղաքի մերձակայքում գտնվող գետի մոտ: Ջրի աղմուկի պատճառով նա չի լսել արջի մոտենալը. նա մոտեցել է թիկունքից, բռնել է տղամարդու  ուսի հատվածից և օդ  բարձրացրել: «Ես հասցրել եմ բռնվել նրա գլխից և դա թույլ չի տվել գազանին  հոշոտել ինձ», - ասել է տղամարդը:

Գիշատիչը, մի քանի անգամ թափահարելուց հետո, շպրտել է տղամարդուն  թփուտների մեջ: Դրանից հետո Ալեքսով հետաքրքրվել են երեք քոթոթները, որոնք եկել էին իրենց մոր հետ: «Ինչքան ձագերը մոտենում էին, այնքան  մայրն ավելի էր ագրեսիվանում», - ասում է Նյումանը:

Տղամարդը հասկացել է, որ պետք է փրկվել, քանի դեռ ուշ չէ: Նա դանդաղ ոտքի է կանգնել և հետ-հետ քայլելով գնացել դեպի կածանը: Արջը հետևել է նրան մինչև  մեքենան: «Ես չգիտեմ, թե ինչպես եմ ողջ մնացել», - ասել է Նավենը:

Հիվանդանոցում նրա մոտ չեն  հայտնաբերել ոչ մի կոտրվածք կամ վնասվածք: Սակայն նրա մոտ առաջացել է ձեռքերի դող, իսկ գիշերները նա ունենում է մղձավանջներ: «Վախենում եմ նույնիսկ դուրս գալ իմ տան ետնաբակ», - դժգոհել է նա:

Աղբյուր` Փաստինֆո