Փաստ ինֆո

Սարատովում քրեական գործ է հարուցվել 23-ամյա տեղի բնակչուհու նկատմամբ, որը կասկածվում է սուպերմարկետում իրեն դիտողություն արած երիտասարդ տղամարդու սպանության մեջ:

Հետաքննության տվյալներով, լույս շաբաթվա գիշերը, հունիսի 15-ին, մի խումբ աղջիկներ ներս են մտել Սերով փողոցի վրա գտնվող շուրջօրյա աշխատող խանութ, և նրանցից մեկը ծխախոտի փաթեթը գցել է հատակին: Ի պատասխան դրա 27-ամյա գնորդը նկատողություն է արել նրան, խնդրելով բարձրացնել աղբը:

Սկսվել է բանավեճ, որի արդյունքում տղամարդը աղջիկներից մեկի վրա գարեջուր է լցրել:
«Այնուհետև ծեծկռտուքի մասնակիցները տեղափոխվել են փողոց, որտեղ ագրեսիվ աղջիկները սկսել են հարվածել երիտասարդին», - ասվում է հաղորդագրության մեջ:

Սակայն տղամարդը շարունակել է պարզաբանումները: Ինչ-որ պահի աղջիկներից մեկը դանակով հարվածել է տղային՝ մեջքի հատվածում:
Վիրավորին օգնության են հասել ծանոթները, որոնք նրան շտապ հասցրել են հիվանդանոց: Տղամարդուն հրատապ վիրահատության են ենթարկել, սակայն նրան փրկել չի հաջողվել:

«Չարագործները ձերբակալվել են մոտակա փողոցներից մեկում Ռոսգվարդիայի- ի աշխատակիցների կողմից: Ներկայումս քրեական գործով կատարվում են քննչական գործողություններ` ուղղված միջադեպի բոլոր հանգամանքների պարզաբանմանը», - նշվում է քննչական կոմիտեում:

Դեպքի առթիվ հարուցվել է քրեական գործ «առողջությանը ծանր վնասվածք հասցնելու հետևանքով անզգուշությամբ պատճառած մահ» հոդվածով: Աղջկան սպառնում է մինչև 15 տարվա ազատազրկում:

Աղբյուր` Փաստինֆո