ՀՔԾ-ն ՊՎԾ-ից ստացել է Ոստիկանությունում կատարված ուսումնասիրության նյութերը

ԲՈԼՈՐ ՆՅՈՒԹԵՐԸ

Բոլորը

03/31/2020 22:59 Այսուհետ կֆիքսվեն բոլոր քաղաքացիների հեռախոսազանգերը 04/01/2020 20:28 Ինչու են տուբերկուլյոզի կամ այլ վարակակիր հիվանդությունների դեպքում դիակը հանձնում դիահերձման, իսկ կորոնավիրուսի դեպքում ոչ. մասնագետ 03/31/2020 14:33 Պարետի որոշմամբ մինչեւ ապրիլի 5-ը կարգելվի մարդկանց եւ տրանսպորտային միջոցների մուտքն ու ելքը Չարենցավան 04/01/2020 16:31 Արայիկ Հարությունյանը հայտարարել է, որ երկրորդ փուլում ընտրողների հետ չի հանդիպելու 03/31/2020 22:13 Մարզահամերգային համալիրում մահճակալներ են տեղադրվում` կորոնավիրուսով հիվանդների համար (լուսանկար) 03/31/2020 22:13 Կորոնավիրուսն էլ կհաղթահարենք, նիկոլավիրուսն էլ. Արմեն Աշոտյան 04/01/2020 13:11 Արցախում կլինի ընտրությունների երկրորդ փուլ 03/31/2020 18:12 Աշխատանքի գնացողներն առաջիկայում փաստաթուղթ պետք է ունենա, որ գնում են աշխատանքի. Տիգրան Ավինյան 03/31/2020 19:07 ԱԳՆ-ն չի ուզում տարբերակել, որ ինքը շոու բիզնեսը չէ. Կարեն Բեքարյան 03/31/2020 15:42 Առնվազն 10 օրով երկարացվում են խստացված սահմանափակումները. Փաշինյան 04/01/2020 00:30 Մարզերի ու Երեւանի վարչական շրջանների միջեւ կսահմանափակվի ազատ տեղաշարժը. պարետը նոր որոշում է ստորագրել 04/01/2020 21:00 Սերժ Սարգսյանը և նրա կինը ներկա էին Լևոն Արոնյանի կնոջ Արիանա Կաոլինիի հոգեհանգստի արարողությանը 04/01/2020 23:35 Ոստիկանի նկատմամբ բռնություն գործադրելու մեջ մեղադրվող տղամարդն ազատ կարձակվի՝ 5 մլն դրամի չափով գրավի դիմաց 04/01/2020 09:02 Ավինյանը Դուբայում ապրող նախկին օգնականին հետ է կանչել, խնդրել է օգնել պարետատանը. Նա «Գոնսալեսի» ընկերն է․ «Հրապարակ» 04/01/2020 08:52 Ժուչոկներ՝ թաղման բյուրոյում. Լուսամփոփը փոխելիս դրանք վայր են ընկել. Մարությանը պահանջել էր հրաժարական գրի. «Հրապարակ» 03/31/2020 17:09 Դատավոր Դանիբեկյանը ժամանակավոր անաշխատունակության թերթիկ է ներկայացրել 04/01/2020 09:46 Ինչ պատկեր է Արցախի ընտրություններում. նախնական արդյունքներ․ «Ժողովուրդ» 04/01/2020 00:16 Առցանց դասը հեռավար կրթություն չի. փորձագետ 04/01/2020 09:36 Նորանշանակ ՊՆ գնդապետն ու աղմկահարույց նամակը․ «Ժողովուրդ» 04/01/2020 10:00 Մինչև ապրիլի 12-ը դադարեցվում է հանրային տրանսպորտի գործունեությունը

ՀՔԾ-ն ՊՎԾ-ից ստացել է Ոստիկանությունում կատարված ուսումնասիրության նյութերը 05/30/2019 10:55 | ԼՐԱՀՈՍ

Հատուկ քննչական ծառայությունը ստացել է Պետական վերահսկողական ծառայության՝ Ոստիկանությունում կատարած ուսումնասիրության նյութերը։ Այս մասին «Փաստինֆո»-ն տեղեկացավ ՀՔԾ մամուլի խոսնակ Մարինա Օհանջանյանից. «Դրանց վերաբերյալ հետագայում լրացուցիչ տեղեկություն կտրվի»,-նշեց նա։

Հիշեցնենք, որ մայիսի 23-ին ՊՎԾ-ն հայտարարություն էր տարածել, որում ասվում էր, որ 2019 թվականի մայիսի 7-ից սկսած Պետական վերահսկողական ծառայությունը ուսումնասիրություն է իրականացնում Ոստիկանությունում՝ կապված տրանսպորտային միջոցների հաշվառման համարանիշերի գնման գործընթացների հետ. «Ուսումնասիրությունների արդյունքում հայտնաբերվել են որոշակի խախտումներ»,-նշված էր հայտարարության մեջ։

Նույն օրը՝ լրագրողների հետ ճեպազրույցում, ՀՀ ոստիկանապետ Վալերի Օսիպյանը հայտարարել էր, որ Պետական վերահսկողության ծառայության պետի ԺՊ Արգիշտի Քյարամյանի ներկայացրած պարզաբանումը` ոստիկանությունում չարաշահումների հայտնաբերման վերաբերյալ, պոպուլիստական բնույթ է կրում. «Չկա և չի կարող նման բան լինել, Ոստիկանությունը թափանցիկ է գործում։» Վալերի Օսիպյանն անհիմն էր համարել խոսակցությունները խախտումների մասին՝ նշելով, որ նրանք խոսում են ենթադրյալ մեղադրանքների մասին։

Օսիպյանն ասել էր, որ «ՊՎԾ մասին» ՀՀ օրենքի համաձայն` ՊՎԾ–ն վերահսկվող օբյեկտին, այս դեպքում՝ Ոստիկանությանը, պարտավոր էր ուսումնասիրության ավարտից հետո տեղեկանք տրամադրել։ Դրանից հետո վերահսկվողը պետք է կարծիք հայտներ, որից հետո միայն ՊՎԾ–ն պետք է իր հայտնաբերած հնարավոր խախտումների մասին տեղեկացներ վարչապետին։ ՀՀ վարչապետն էլ իր հերթին պետք է որոշեր, թե որ իրավական կառույցը պետք է զբաղվի այդ հարցով, եթե, իհարկե, խախտումներ եղել են։

Օսիպյանի այս հայտարարությանը ավելի ուշ անդրադարձել էր Պետական վերահսկողական ծառայությունը՝ ասելով, որ թեեւ ոստիկանապետն իր ճեպազրույցում, մեկնաբանելով «ՀՀ պետական վերահսկողական ծառայության մասին» օրենքը, թվարկել է որոշակի գործողությունների հաջորդականություն, որոնք պետք է պահպանվեն ծառայության ուսումնասիրությունների ընթացքում, սակայն վերջինս հաշվի չի առել ՀՀ քրեական քաղաքականությունից բխող մի կարևոր սկզբունք, այն է՝ առերևույթ հանցագործության հատկանիշներ պարունակող ցանկացած տեղեկատվություն պետք է ստուգվի քրեադատավարական ընթացակարգի միջոցով. «Սա ենթադրում է, որ պետական վերահսկողական ծառայությունը իր վերահսկողական գործառույթի իրականացման ընթացքում առերևույթ հանցագործության մասին վկայող տեղեկություններ հայտնաբերելիս ցանկացած պարագայում պարտավոր է այդ տեղեկությունները տրամադրել իրավապահ մարմնի։ Նշվածը թույլ է տալիս փաստել, որ ոստիկանապետն իր իրավական վերլուծությունը կատարել է բավականին նեղ իրավական տիրույթում՝ հաշվի առնելով միայն «ՀՀ պետական վերահսկողական ծառայության մասին» օրենքը, ինչի արդյունքում ճեպազրույցի ընթացքում ոչ պրոֆեսիոնալ դիրքորոշում է հայտնել»,-նշված էր հայտարարության մեջ։

Հեղինակ` Միլենա Խաչիկյան