ԲՈԼՈՐ ՆՅՈՒԹԵՐԸ
Դատախազությունը` քաղաքական գործիք 05/26/2019 23:02 | Վերլուծություններ
Դատախազությունն արդեն պաշտոնապես հաստատել է, որ բողոքարկել է ոչ միայն ՀՀ երկրորդ նախագահ Ռոբերտ Քոչարյանի խափանման միջոցը փոխելու, այլ նաեւ գործի վարույթը կասեցնելու եւ ՍԴ դիմելու Երեւանի ընդհանուր իրավասության դատարանի որոշումները: Միաժամանակ, քար անտարբերություն դրսեւորել դատական մարմինների նկատմամբ գործադիր եւ օրենսդիր մարմինների կողմից կատարված ճնշման բացահայտ քայլերին:
Հիշեցնենք, որ նախ մայիսի 18-ին ԱԺ «Իմ քայլը» խմբակցության պատգամավոր Հայկ Սարգսյանը կոչ արեց հավաքվել Երեւանի ընդհանուր իրավասության դատարանի` Նոր Նորքի նստավայրի մոտ`դատարանին ստիպելու համար, իսկ արդեն մայիսի 19-ին վարչապետն անձամբ կոչ արեց արգելափակել բոլոր դատարանների մուտքերն ու ելքերը` թույլ չտալու դատավորներին մուտք գործել դատարան, իսկ հաջորդ օրն անձամբ, գործադիր ու օրենսդիր իշխանությունների ներկայացուցիչների հետ մասնակցեց դատարանների արգելափակմանը: Իսկ ոստիկանությունը` դրսեւորելով անգործություն, չկանխեց դատավորների գործունեությանը խոչընդոտելու դեպքերը` ստանձնելով լուռ դիտորդի դեր:
Դատախազությունը շրջանցել է բացահայտ կատարված այս հանցավոր դրսեւորումները, որոնք ակնհայտ իրենց մեջ պարունակում են արդարադատությանը խոչընդոտելու եւ սահմանադրական կարգը տապալալու տարրեր` իր անգործությամբ սպասարկելով օրվա քաղաքական իշխանության շահերը: Մյուս կողմից նույն քաղաքական շահերի սպասարկմանն է ուղղված վարույթը կասեցնելու եւ ՍԴ դիմելու դատարանի որոշման բողոքարկումը:
Հարցը դիտարկենք բացառապես իրավական հարթությունում:
Չնայած երկրի վարչապետի մակարդակով դատական իշխանության նկատմամբ դրսեւորված աննախադեպ ճնշմանը` Երեւանի ընդհանուր իրավասության դատարանը` դատավոր Դ.Գրիգորյանի նախագահությամբ, մայիսի 20-ին որոշում կայացրեց կասեցնել ՀՀ երկրորդ նախագահ Ռ.Քոչարյանի եւ մյուսների գործով վարույթը եւ դիմել ՍԴ` առաջնորդվելով ՀՀ Սահմանադրության 169-րդ հոդվածի 4-րդ մասով, ՀՀ քրեական դատավարության օրենսգրքի 31-րդ հոդվածի 2-րդ մասով, 292-րդ հոդվածի 3-րդ մասով եւ 295-րդ հոդվածով:
ՀՀ Սահմանադրության 169-րդ հոդվածի 4-րդ մասը սահմանում է, որ դաատարաններն իրենց վարույթում գտնվող կոնկրետ գործով կիրառման ենթակա նորմատիվ իրավական ակտի սահմանադրականության հարցով դիմում են Սահմանադրական դատարան, եթե հիմնավոր կասկածներ ունեն դրա սահմանադրականության վերաբերյալ և գտնում են, որ տվյալ գործի լուծումը հնարավոր է միայն այդ նորմատիվ իրավական ակտի կիրառման միջոցով:
ՀՀ քրեական դատավարության օրենսգրքի 31-րդ հոդվածի 2-րդ մասն ամրագրում է վարույթի կասեցման հիմքերը`նշելով, որ դատարանի նախաձեռնությամբ կամ դատավարության մասնակիցների միջնորդության հիման վրա դատարանի որոշմամբ կարող է կասեցվել վարույթը, եթե դատարանը գտնում է, որ կիրառման ենթակա օրենքը կամ այլ իրավական ակտը հակասում է Հայաստանի Հանրապետության Սահմանադրությանը: Այսինքն դատարանն իրավունք ունի կասեցնել գործի վարույթը և դիմել Հայաստանի Հանրապետության սահմանադրական դատարան:
292-րդ հոդվածի 3-րդ մասն ամրագրում է դատավորի պարտավորությունը` քրեական գործը վարույթ ընդունելուց հետո հետազոտել գործի նյութերը և 15 օրվա ընթացքում կայացնում հետևյալ որոշումներից մեկը`
- դատական քննություն նշանակելու մասին.
- քրեական գործի վարույթը կարճելու կամ քրեական հետապնդումը դադարեցնելու մասին.
- քրեական գործի վարույթը կասեցնելու մասին.
- գործը մեղադրողին վերադարձնելու մասին.
- գործն ըստ ընդդատության ուղարկելու մասին.
- ինքնաբացարկի մասին:
Իսկ 295-րդ հոդվածն ամրագրում է, որ դատարանը որոշում է կասեցնել վարույթը, եթե որոշել է դիմել ՍԴ:
Դատավորը գործը վարույթ է ընդունել մայիսի 7 -ին, հետեւաբար մինչեւ մայիսի 22-ը պետք է կայացներ վերը նշված որոշումներից մեկը: Ընդ որում` թվարկված որոշումները դատարանը կայացնում է միանձնյա, հետեւապես տրամաբանական է, որ կողմերն այդ մասին նախապես չեն իմացել, իսկ դատախազության մայիսի 20-ի հրապարակային հայտարարությունը, որ դատարանի մայիսի 20-ի որոշման մասին տեղյակ չի եղել, կարծում ենք ուներ հստակ հասցեատեր` նպատակ ունենալով խուսափել քաղաքական ցասման թիրախ դառնալուց:
Իրավական տեսանկյունից դատարանի որոշումը տրամաբանական էր`նախաքննության ընթացքում պաշտպանական կողմը բազմիցս վիճարկել էր ՀՀ քրեական օրոժենսգրքի 300.1-րդ հոդվածին հետադարձ ուժ հաղորդելու սահմանադրականության, ինչպես նաեւ նշված հոդվածի վրա նախագահական սահմանադրական անձեռնմխելիությունը տարածվելու հարցը:
Դատարանը` Դավիթ Գրիգորյանի նախագահությամբ, արել է այն, ինչը իրականում պետք է աներ դատախազությունը` մինչդատական վարույթի ընթացքում եւ ըստ էության փորձել փրկել Փաշինյանին` ՄԻԵԴ-ում Ռոբերտ Քոչարյանի գործով խայտառակ պարտությունից:
Դատարանը, որն ըստ էության պետք է քննի քրեական գործը, խնդիր է տեսել Սահմանադրական կարգը տապալելու համար առաջադրված մեղադրանքում ու դիմել ՍԴ: Չէիք ասում, թե մեր երկրում դատարանն անկախ է, ոչ ոք հրահանգ չի տալիս... եթե անկախ է` ինչո՞ւ եք խառնվել իրար, թե «անկախ» է, քանի դեռ կատարում է գործող իշխանության կամքը, իսկ եթե շեղվում է այդ գծից` հայտնվում է քննադատության թիրախում` մեղադրվում հանցավոր ինչ-ինչ ազդեցությունների տակ գտնվելու մեջ: Ի դեպ, այս մասով եւս դատախազությունը դրսեւորել է անգործություն. երկրի վարչապետի մակարդակով հայտարարվում է առանձին դատավորների ենթադրյալ հանցավոր կապերի մասին, իսկ դատախազությունը քրեական գործ չի հարուցում ու չի հանձնարարում պարզելու, թե ովքեր են այդ «հանցավորները», որոնք ազդում են դատարանների որոշումների վրա:
Դառնանք դատավորի` ՍԴ դիմելու հարցին: Դ.Գրիգորյանն ուսումնասիրելով գործի նյութերը գտել է, որ ունի ՍԴ-ի մեկնաբանությունների կարիքը: «ՀՀ քրեական օրենսգրքի 300.1 հոդվածով անձի պատասխանատվության հարցը որոշելու համար իրավակիրառող մարմինը պետք է հիմնվի տվյալ հոդվածի դիսպոզիցայում նախատեսված ՀՀ Սահմանադրության վերոնշյալ հոդվածների վրա, սակայն նույնիսկ ներկա պահին իրավական տեսանկյունով առկա է անորոշություն. պարզ չէ, թե խոսքը 2008 թվականի դրությամբ գործող /2005 թվականի նոյեմբերի 27-ի փոփոխություններով հանդերձ/ ՀՀ Սահմանադրության, թե 2015 թվականի փոփոխություններով գործող Սահմանադրության մասին է, քանի որ սույն գործը, ըստ մեղադրանքների որոշումների, ուղղակիորեն շաղկապված է ընտրական և հետընտրական գործընթացների հետ, մինչդեռ սահմանադրական կարգ հիմունքներին վերաբերող` ընտրական իրավունքի սկզբունքներն ամրագրող Սահմանադրության 4-րդ հոդվածը 2015թվականից ևեթ նախատեսված է գործող Սահմանադրության 7-րդ հոդվածով: Տվյալ իրադրությունում անհասկանալի է, թե ՀՀ քրեական օրենսգրքի 300.1 հոդվածը կիրառելիս և Սահմանադրության 4-րդ հոդվածի վրա հղում կատարելիս որքանով է ապահովվելու ՀՀ Սահմանադրության 72-րդ և 79-րդ հոդվածների պահանջները, 4-րդ հոդվածը կիրառելիս պետք է հաշվի առնել արարքի կատարման պահին գործող Սահմանադրությունը /2005 թվականի փոփոխություններով/, թե 2015 թվականից փոփոխություններով հանդերձ Սահմանադրությունը», - նշել է դատավորը: Ավելին` արձանագրել, որ 2005թ. փոփոխություններով Սահմանադրության 6-րդ հոդվածի առաջին մասը արձանագրում էր ՀՀ Սահմանադրության բարձրագույն իրավաբանական ուժ ունենալը, փաստում, որ նրա նորմերը գործում են անմիջականորեն, մինչդեռ 2015թ. փոփոխություններով Սահմանդրության 6-րդ հոդվածի առաջին մասի համաձայն` «Պետական և տեղական ինքնակառավարման մարմիններն ու պաշտոնատար անձինք իրավասու են կատարել միայն այնպիսի գործողություններ, որոնց համար լիազորված են Սահմանադրությամբ և օրենքներով»: Նկատենք, այդ խմբագրմամբ Սահմանադրությամբ վերացվել է սահմանադրական նորմերի անմիջականորեն գործելու դրույթը:
Բացի այդ դատարանը խնդրել է Սահմանադրական դատարանին մեկնաբանել` արդյո՞ք ՀՀ նախագահը կամ ՀՀ պաշտոնաթող նախագահը լիազորությունների իրականացման ժամկետում ենթադրաբար հանցանք կատարելիս չեն օգտվել կամ օգտվում քրեական հետապնդման անձեռնմխելիության իրավունքից, եթե օգտվել են կամ օգտվում են, որոնք են այդ երաշխիքից օգտվելու սահմանադրաիրավական պայմանները և սահմանադրաիրավական ինչ կառուցակարգով կարող էր կամ կարող է ՀՀ պաշտոնաթող նախագահի քրեական հետապնդման անձեռնմխելիության հարցը քննարկվել և լուծվել:
Դատարանի այս որոշման շուրջ բարձրացված աղմուկը մատնում է քաղաքական իշխանության մտավախությունը: Ըստ ամենայնի` իրենք եւս գիտակցում են առաջադրված մեղադրանքը` 300.1-րդ հոդվածի մասով խնդրահարույց է եւ հակասահմանադրական, հետեւապես դատարանների մուտքերը մայիսի 20-ին փակելով` փորձ է արվել հրապարակավ ազդել դատարանի որոշման վրա ու կանխել ՍԴ դիմելը` դրանով իսկ ավելի դյուրին դարձնելով Ռ.Քոչարյանի փաստաբանների գործը` ամրագրելու համար, որ նա ենթարկվում է քաղաքական հետապնդման: Բայց տեղի ունեցավ, ինչն ամենաանսպասելին էր` դատավորը տեղի չտվեց ճնշումներին:
Դատախազության բողոքարկումը վարույթը կասեցնելու որոշումն ինչ-որ տեղ ինքնանպատակ է, քանի որ վերաքննիչի որոշումը որեւէ կերպ չի կարող անդրադառնալ Սահմանադրական դատարանի որոշման վրա ու եթե դիմողը, տվյալ դեպքում դատարանը` Դավիթ Գրիգորյանի նախագահությամբ չհրաժարվի դիմումից, ապա ՍԴ-ն պարտավոր է վարույթ ընդունել-չընդունելու մասին որոշում կայացնել ու թերեւս դա է հիմնական պատճառը, որ հիմա արդեն թիրախը ՍԴ-ն է ու քաղաքական ճնշումները կենտրոնացվել են արդեն ՍԴ-ի վրա` պահանջելով ՍԴ նախագահ Հրայր Թովմասյանի հրաժարականը:
Դե իսկ դատախազությունը նման ճնշումները չի նկատում, չի տեսնում, նախընտրում է կատարել քայլեր, որոնք այս գործն ուղղակի տանելու են դեպի փակուղի: Հետեւապես Փաշինյանի բողոքն առավելապես պետք է ուղղված լիներ դեպի ՀՔԾ ու դատախազություն, որ նման հնչեղություն ունեցող գործով կատարել են «խոտանված» նախաքննություն`բազմաթիվ կիքսերով:
Դատախազության բողոքարկման իրավական հնարավոր հետեւանքներին կանդրադառնանք հաջորդիվ:
Հարակից հրապարակումներ`
Տեսանյութեր
03/29/2024 11:55 Աննկարագրելի քաոս էր,երեխաներին ասել ենք՝ չխոսեք,վերև չնայեք, թուրքերի միջով ենք գնում.գաղթը՝ ՇոշիցՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 03/29/2024 08:17 Ոսկեպարցիներն անհամբեր սպասում են․ «Հրապարակ»
- 03/29/2024 08:13 Սաղաթելյանները՝ իշխանության թիրախում․ «Հրապարակ»
- 03/29/2024 08:08 Դիանա Գալոյանը նոր պաշտոն կստանա՞․ «Հրապարակ»
- 03/29/2024 08:04 Փաշինյանը ոչինչ չի խնայում անձնական պաշտպանության համար․«Հրապարակ»
- 03/29/2024 07:57 Գյումրիում Նիկոլ Փաշինյանին շատ «ջերմ» ընդունելություն են ցույց տվել. «Ժողովուրդ»
- 03/29/2024 07:48 Նոր դիվանագիտական սկանդալ է հասունանում արտգործնախարարությունում . «Ժողովուրդ»
- 03/29/2024 07:46 Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
- 02/13/2024 21:42 Ադրբեջանը խուսափելու է իրական բանակցային գործընթացից. որոշակի հանձնառություններ է ստանձնել՝ Իրանի դեմ կատարելու, որոնք իրականացնելու ցանկություն այս պահին չունի. Ձյունիկ Աղաջանյան
Մեկնաբանություն
- 03/28/2024 18:41 Հայ ժողովրդին վախեցնում է ադրբեջանի պատերազմով, իսկ ինքը վախենում է Արցախի նախագահից․ և ոչ միայն․․․
- 03/26/2024 13:03 Ադրբեջանի հերթական պահանջը. Արթուր Խաչատրյան
- 03/25/2024 18:12 ԱԺԲ-ն ներկայացրել է, թե ինչ պահանջներ են ներկայացվել Նոր Նորքի ոստիկանության բաժնի մոտ
- 03/25/2024 16:19 Մեկնարկում է «Արցախի երիտասարդության որոշիչ ձայնը» ծրագիրը. Մետաքսե Հակոբյան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 03/28/2024 23:41 Վեց ծառայակիցների հետ սեռական հարաբերություն ունեցած ոստիկանը 500 հազար դոլար կստանա
- 03/28/2024 18:28 Կինը բռնել է ամուսնուն դավաճանելիս՝ առողջ ապրելակերպի հանդեպ ունեցած սիրո շնորհիվ
- 03/27/2024 23:52 Նույն քաղաքի երեք ուսուցչուհիների ձերբակալել են աշակերտների հետ սեռական հարաբերություններ ունենալու համար
- 03/27/2024 16:30 «Տիտանիկ»-ի հերոսուհու կյանքը փրկած դուռը աճուրդում վաճառվել է 718 հազար դոլարով
Հետաքրքիր է իմանալ
- 03/25/2024 18:55 Գիշերը Լուսնի խավարում է եղել. ինչ ազդեցություն ունի այն մարդու վրա
- 03/25/2024 16:49 Խաբարովսկի երկնքում անհայտ օբյեկտ են նկատել. (տեսանյութ)
- 03/25/2024 13:21 Արեգակնային բռնկումից հետո Երկիրը ծածկվել է հզոր մագնիսական փոթորիկով. սրանից ավելի ուժեղը գրանցվել է շուրջ 20 տարի առաջ
- 03/22/2024 17:29 Իլոն Մասկը ազդարարել է նոր ուղեղային իմպլանտի մասին, որը կույրերին թույլ կտա տեսնել