ԲՈԼՈՐ ՆՅՈՒԹԵՐԸ
Վարդան Օսկանյան. «Հովանավորչության մասով Սիլվային և Սամվելին միմյանց հետ չեմ ծանոթացրել» 05/10/2019 17:53 | 2-րդ նախագահի գործով դատավարությունը
Այն, որ Ռոբերտ Քոչարյանին առաջադրված երկրորդ մեղադրանքի, այսինքն, առանձնապես խոշոր չափերով կաշառք ստանալու կամ դրա շուրջ բանակցելու դրվագը կցած-կցմցած է՝ փասել է նաեւ դատարանը՝ նրա նկատմամբ խափանման միջոցի հարցը քննարկելիս արձանագրելով, որ բացակայում է հիմնավոր կասկածն առ այն, որ Ռոբերտ Քոչարյանը ստացել է 3 մլն դոլար կաշառք։
«Փաստինֆո»-ն շարունակում է ներկայացնել ցուցմունքները, թե ենթադրյալ «կաշառքի» մասին ինչ են հայտնել Սիլվա Համբարձումյանի կողմից վկայակոչված անձինք։
Ինչպես արդեն հայտնել ենք՝ մեղադրանքը հիմնված է Սիլվա Համբարձումյանի ցուցմունքի վրա, ով հանդես է գալիս կաշառք տվողի դերում, ով ի դեպ նախաքննության ընթացքում չի խոսել կաշառքի մասին. Անգամ նրա ցուցմունքում խոսվում է գործարքից հետո իր սեփական նախաձեռնությամբ Քոչարյանին եւ Սերժ Սարգսյանին շնորհակալություն հայտնելու ցանկության մասին, ու, իբր, «Շնորհակալություն» հայտնելը համաձայնեցրել է Վարդան Օսկանյանի միջոցով, փոխանցել Արմեն Գեւորգյանի կողմից մատնանշված անձի՝ Մայրապետյանի միջոցով։
Նշենք, որ գործով կաշառք ստանալու մեղադրանք առաջադրվել է միայն Քոչարյանին, թեեւ Ս.Համբարձումյանը հայտնել էր, որ «շնորհակալություն» է հայտնել նաեւ Սերժ Սարգսյանին՝ նույն եղանակով։ Ինչեւէ՝ նշված դրվագի վերաբերյալ ինչ ցուցմունք է տվել նախկին արտգործնախարար Վարդան Օսկանյանը՝ 09. 10. 2018թ. կայացած հարցաքննության ընթացքում:
Սամվել Մայրապետյանին, Սիլվա Համբարձումյանին ճանաչելու վերաբերյալ քննիչի հարցին ի պատասխան՝ Վարդան Օսկանյանն ասել է.
«Ինչ վերաբերվում է Սամվել Մայրապետյանին, ապա նրան ճանաչել եմ դեռևս 90-ականներից: Այն ժամանակ, երբ դեռ նոր էի նախարար դարձել, մի քանի անգամ ընտանիքներով հանդիպել ենք, հյուր ենք գնացել իրենց տուն, բայց մտերիմ չենք եղել: Վերջին անգամ Սամվել Մայրապետյանի հետ չեմ էլ հիշում, թե երբ եմ առնչվել, նախարարի պաշտոնը թողնելուց հետո շատ սակավաթիվ եմ հանդիպել: Ի դեպ, 2004-2005թթ.Ս. Մայրապետյանից եմ գնել նաև իմ ներկայիս Հյուսիսային պողոտայում գտնվող բնակարանը: Սիլվա Համբարձումյանին ճանաչում եմ, երբ ստանձնել եմ արտգործնախարարի պաշտոնը՝ 1998-99 թվականներից, մինչ այդ նրան չեմ ճանաչել: Ս. Համբարձումյանի հետ գտնվել եմ նորմալ հարաբերությունների մեջ: Սիլվան իր բնույթով մարդամոտ է և շփվող: Նրա հետ ունեցել եմ հարգալից և բարեկամական հարաբերություններ: Ս. Համբարձումյանին վերջին անգամ տեսել եմ 2 օր առաջ՝ մորս հոգեհանգստին, եկել էր ինձ ցավակցելու կորստիս համար:
Հարց. Քննիչ- 2008թ. դրությամբ ի՞նչ հարաբերությունների մեջ են գտնվել Սամվել Մայրապետյանը, Ռոբերտ Քոչարյանը և Սերժ Սարգսյանը:
Պատասխան. Օսկանյան-Վստահ եմ՝ միմյանց ճանաչում են, բայց թե ինչ հարաբերությունների մեջ են գտնվել, չեմ կարող ասել:
Հարց. Քննիչ- Ի՞ նչ է Ձեզ հայտնի գործարար Սիլվա Համբարձումյանի կողմից իրեն պատկանող «Թի Էս Էս Սի Արմենիա» հանքային իրավունքին տիրապետող ընկերության 100 տոկոս բաժնեմասերը ԱՄԷ-ում գրանցված «ՌԱԿ ՄԻՆԵՐԱԼԶ ՄԵԹԱԼԶ ԷՖ ԶԵԹ» ՍՊ ընկերությանը վաճառելու մասին:
Պատասխան. Օսկանյան-Դեռևս 2007թ. ամռանը ՀՀ նախագահ Ռ. Քոչարյանի կողմից պաշտոնական այց է եղել ԱՄԷ, որի ընթացքում այցելել ենք նաև ԱՄԷ Ռաս Ալ- Խարմա նահանգ, որտեղ հանդիպումներ են եղել տեղի շեյխի հետ: Հանդիպման ընթացքում պայմանավորվածություններ ձեռք բերվեցին Հայաստանում ներդրումներ կատարելու վերաբերյալ, որից հետո վերադարձել ենք Հայաստան:Դրան հաջորդել են Ռաս Ալ- Խարմա նահանգից պատվիրակության ժամանումը Հայաստան, ովքեր եկել էին կոնկրետ բիզնես ծրագրով և հետաքրքրված էին առևտրային և բիզնես կենտրոնների ու բնակելի տների շինարարությամբ, ցանկանում էին հողեր գնել, անգամ՝ Ավան թաղամասում մեծ տարածությամբ հողատարածքներ գնեցին: Նշեմ նաև, որ նրանք զուգահեռ այցելել էին նաև Վրաստանի Հանրապետություն և այնտեղ նույնպես բիզնես ներդրումներ էին իրականացնում:
Ի սկզբանե բիզնես ներդրումներից նրանք իրականացրեցին միայն Կասկադի բնակելի շենքերի կառուցապատումը, որը հաջողությամբ ավարտեցին: …Ինչ վերաբերում է Ավանում գնված հողատարածքի վրա իրականացվելիք շինարարությանը, ապա այնտեղ ցանկանում էին կառուցել գիգանտ առևտրի կենտրոնև բնակելի այլ կառույցներ, սակայն այդ ամենը չիրագործվեց , ենթադրում եմ՝ կապված՝միջազգային ճգնաժամի հետ:
Հետագայում նաև տեղեկացա, որ նույն մարդիկ ունեն նաև այլ կազմակերպություններ, որ նրանք զբաղվում են նաև հանքարդյունաբերությամբ և կազմակերպության անունն էլ «ՌԱԿ ՄԻՆԵՐԱԼԶ ՄԵԹԱԼԶ ԷՖ ԶԵԹ» ՍՊԸ է:
Արաբների հետ հերթական հանդիպման ընթացքում տեղեկացա, որ նրանք Հայաստանում հետաքրքրված են նաև հանքարդյունաբերությամբ և մասնավոր սեկտորում ներկայումս ընթանում են բանակցություններ գործարար Ս. Համբարձումյանի հետ: Դա 2007թ. հոկտեմբեր-նոյեմբեր ամիսն էր:
Գրեթե նույն ժամանակ էլ այդ բանակցությունների մասին ինձ պատմել է նաև Սիլվա Համբարձումյանը: Հետագայում արդեն թե արաբներից և թե Սիլվայից տեղեկացել եմ, որ նրանք գնել են հանքը, թե որքան գումարով՝ չեմ իմանում: Եվ քանի որ ի պաշտոնե ես էի առնչվում արաբների հետ, իսկ խոսքը գնում էր մոտ 150-200 մլն դոլար գումարի մասին, ուստի հաճախակի նախագահին և վարչապետին զեկուցում էի ընթացքի մասին, իսկ հետագայում նաև տեղեկանալով մասնավոր հանքարդյունաբերության ոլորտում արաբների հետաքրքրության, մասնավորապես, Սիլվայի հետ բանակցությունների մասին, զեկուցել եմ նաև այդ մասին:
Հարց. Քննիչ- Դուք անձամբ ի՞նչ առնչություն կամ մասնակցություն եք ունեցել եք «Թի Էս Էս Սի Արմենիա» հանքային իրավունքին տիրապետող ընկերության 100 տոկոս բաժնեմասերը ԱՄԷ-ում գրանցված «ՌԱԿ ՄԻՆԵՐԱԼԶ ՄԵԹԱԼԶ ԷՖ ԶԵԹ» ՍՊԸ վաճառելու գործարքին:
Պատասխան. Օսկանյան-Նշված գործարքին որևէ առնչություն կամ մասնակցություն չեմ ունեցել:
Հարց. Քննիչ- Քննության ընթացքում տվյալներ են ստացվել, որ «Թի Էս Էս Սի Արմենիա» ընկերությունը մինչև «ՌԱԿ ՄԻՆԵՐԱԼԶ ՄԵԹԱԼԶ ԷՖ ԶԵԹ» ՍՊ ընկերությանը վաճառելը՝ 2007թ.դեկտեմբեր ամսին Սիլվա Համբարձումյանն իմանալով որ ՀՀ-ում նման հանքերով ծանրաբեռնված ընկերությունը ՀՀ-ում ոչ ռեզիդենտ կազմակերպությանն օտարելու համար պետք է բանավոր համաձայնություն ձեռք բերել ՀՀ նախագահի և ՀՀ վարչապետի հետ, այդ հարցով դիմել է Ձեզ որպես իր մտերիմի և հայտնել կնքվելիք գործարքի մասին: Միաժամանակ, տեղեկացրել է գնորդ կազմակերպության անհանգստության մասին, ովքեր երաշխիքներ են պահանջել երկրի ղեկավարության կողմից: Դրանից հետո, Դուք, խոսելովՀՀ նախագահ Ռ. Քոչարյանի և ՀՀ վարչապետ Ս. Սարգսյանի հետ տեղեկացրել եք Սիլվա Համբարձումյանին, որ նրանք դեմ չեն գործարքի կնքմանը: Նույն ժամանակ Սիլվա Համբարձումյանը Ձեզ հայտնել է, որ պատրաստ է 3 մլն դոլար տալ ՀՀ նախագահի և 3 մլն դոլար էլ տալ ՀՀ վարչապետի աշխատակազմի կարիքների համար, որին ի պատասխան Դուք հայտնել եք, որ այդ հարցով կապ հաստատի Սամվել Մայրապետյանի հետ ու փոխանցել եք վերջինիս հեռախոսահամարը, Ի՞նչ կասեք այդ կապակցությամբ:
Պատասխան. Օսկանյան-Փողի կոնտեքստում միանշանակ բացառում եմ, որ նման զրույց ունեցած լինեմ Սիլվա Համբարձումյանի կամ՝ որևէ այլ անձի հետ, դա միանշանակ բացառում եմ: Ինչ վերաբերվում է հարցի մյուս կողմին, ապա ներկայումս չեմ հիշում նման բովանդակությամբ զրույց, բայց միաժամանակ, չեմ էլ կարող բացառել, քանի որ նման մտահոգություն տրամաբանական եմ համարում գործարար միջավայրում։ Նման խոշոր գումարների ներդրման դեպքում, պրակտիկայում հնարավոր բան է: Շատ հավանական եմ համարում, որ նման հարցերով ինձ դիմած լինեն թե արաբները և թե Սիլվա Համբարձումյանը: Ինձ վրա, որ օր ու ժամ դնեն, որ գնամ ճշտեմ ու գամ ասեմ, տենց բան դժվար եղած լինի: Հնարավոր եմ համարում, որ արաբներն ու Սիլվան հանդիպման ժամանակ ինձ հայտնած լինեն իրենց մտահոգության մասին և ես այդ հարցի շուրջ զրուցած լինեմ Նախագահի և վարչապետի հետ, որից հետո արդեն հերթական հանդիպման ժամանակ նրանց ասած լինեմ, որ մտահոգվել պետք չէ, նման խնդիր չի առաջանա, քանի որ թե Նախագահը, և թե վարչապետը շահագրգռված են արաբների կողմից մոտ 200 միլիոն ներդրումների համար: Ինչ վերաբերվում է այդ հարցում Սամվել Մայրապետյանին, ապա միգուցե Սիլվայի հետ զրույցի ընթացքում Սամվելի անունը շոշափված լինի՝ այն կոնտեքստում, որ զրույցի ընթացքում Սիլվան ասած լինի, որ եթե հետագայում խնդիրներ կամ հարցեր առաջանան և ես Հայաստանում չլինեմ, իսկ ինքն էլ ցանկանա կապվել նախագահի աշխատակազմի հետ, ոնց կարող է կապվել, և ես, տեղյակ լինելով, որ Արմեն Գևորգյանն ու Սամվել Մայրապետյանը առնչություն ունեն, կապ ունեն, ուստի Արմեն Գևորգյանի հետ կապվելու համար տված լինեմ Մայրապետյանի անունը, բայց ո՛չ Սամվել Մայրապետյանի հեռախոսահամարը:
Ասեմ նաև, որ այսօր, ժամը 02.30-ի սահմաններում կնոջս է զանգահարել Սամվել Մայրապետյանի կինը՝ Գոհարը և ասել, որ եթե հարմար է, ինձ հետ ցանկանում են հանդիպել և մի երկու հարց տալ Սամվելի փաստաբանները: Մինչ այդ, արդեն լրատվամիջոցներից տեղեկացել էի, որ Ս. Մայրապետյանին ձերբակալել են: Ես չեմ մերժել և ասել եմ, որ կարող են գալ; Կարճ ժամանակ անց իմ բնակարան են այցելել Սամվելի 2 փաստաբանները, նրանցից մեկի ազգանունը Սիրունյան էր: Նրանք ասելով, որ միայն մեկ հարց ունեն, այդ գործարքի հետ կապված մեկ հարց տվեցին ինձ, թե արդյո՞ք ՀՀ նախագահն ու վարչապետը ինչ-որ հովանավորչություն են ունեցել Սիլվայի և արաբների միջև հանքի վաճառքի շուրջ կայացած գործարքի ժամանակ: Հարցին պատասխանել եմ, որ ինքս նման գործարքի չեմ մասնակցել և նման գործարքից տեղյակ չեմ եղել, ոչ մի հովանավորչություն չեմ ապահովել, փողերի կոնտեքստում չեմ էլ լսել նման գործարքի մասին:
Ասել եմ նաև, որ հովանավորչության մասով Սիլվային և Սամվելին միմյանց հետ չեմ ծանոթացրել: Փաստաբաններն այդ ամենը ձևակերպել են թղթի վրա, որից հետո ես այն ստորագրել եմ ու նրանք հեռացել են:
Մինչ այդ ինձ նաև ասել են, որ իրենց կողմից կազմված փաստաթուղթը օգտագործելու են Սամվելի կալանքի ժամանակ՝ դատարանում: Ներկայումս փաստաբանների կողմից կազմված հիշյալ փաստաթղթի բովանդակությունը հստակ չեմ հիշում, բայց եթե ներկայացնեն դատարանում, ապա Ձեզ նույնպես պարզ կլինի: Համենայնդեպս, իրականությունն եմ նշել:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/25/2024 08:19 Տարածվել ա, կարդացվել ա՝ բավարար ա, էլի․ «Հրապարակ»
- 04/25/2024 08:16 Ընդդիմադիրները հիասթափված են․ «Հրապարակ»
- 04/25/2024 08:13 Ինչ ցանել ես, այն էլ կհնձես. Ծիծեռնակաբերդում տեղի ունեցած միջադեպից հետո թերեւս, արժե թարմացնել ՔՊ-ականների հիշողությունը. «Ժողովուրդ»
- 04/25/2024 08:10 «Քարֆուրի» տերերը հեռանում են Հայաստանից․ «Հրապարակ»
- 04/25/2024 08:03 Գերիների հարցով կակտիվանան․ «Հրապարակ»
- 04/25/2024 07:53 Դեսպան չնշանակվեց, կուսակցությունն էլ, փաստացի, գոյություն չունի. «Ժողովուրդ»
- 04/25/2024 07:50 Բնակարան, մեքենա․ ի՞նչ հայտարարագիր է ներկայացրել Տավուշի նոր դատախազը. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/25/2024 22:46 Թումանյան փողոցում գտնվող ռեստորաններից մեկի ծխատարում հրդեհ է բռնկվել
- 04/25/2024 19:49 Կիրանցում ականազերծման աշխատանքների ընթացքում վիրավորում է ստացել զինծառայող. ՊՆ-ն հաստատում է
- 04/25/2024 19:24 Կիրանցում ականի պայթյունից քաղաքացի է վիրավորվել. Հրատապ
- 04/25/2024 10:19 Ուղևորը վարորդի աչքերին քիմիական նյութ է փչել. վերջինս այրվածքներով տեղափոխվել է հիվանդանոց. shamshyan.com
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
- 04/21/2024 22:49 Կինը հոր օգնությամբ վրեժ է լուծել դավաճան զուգընկերոջից
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ