Փաստ ինֆո

Տաքսու վարորդները բացեցին Աբովյան-Կորյուն խաչմերուկը: Նրանք ընդհանուր համաձայնության եկան Ճանապարհային ոստիկանության պետ Եգոր Կարապետյանի հետ:

Կարապետյանը խոստացավ, որ վաղն առավոտյան համապատասխան վայրերում կդրվեն տաքսու նշանները, վարորդները դիմումներ կգրեն, որից հետո կբեկանվեն ակտերն ու կանցնեն իրենց բնականոն աշխատանքին:
Տաքսու վարորդի այն ճշտմանը, թե որդյոք ճանապարհը փակելու համար տեսախցիկը իրենց նկարել է, Կարապետյանն ասաց. «Չեմ կարծում, բայց եթե նկարված լինի՝ կբեկանենք»:

Հիշեցնենք, որ այսօր տաքսու վարորդները փակել էին Աբովյան-Կորյուն խաչմերուկն ու պահանջում էին, որպեսզի իրենց տարածք տրամադրվի մեքենաները օրինական կայանելու համար, քանի որ կայանման խնդրի պատճառով շարունակ տուգանվում են:

Վարորդներից մեկի խոսքով, ՃՈ-ի աշխատակաիցը իրենց ասել է՝ «դուխով» կանգնեն, տեսախցիկները չեն նկարի իրենց, մինչև տաքսու նշանի հարցը չլուծվի, սակայն շարունակ տուգանքի ակտեր են եկել:

Հեղինակ` Սոնա Գեւորգյան