Փաստ ինֆո

«Տակը բան պիտի լինի, որ հնարավոր լինի։ Բողոք է եղել, պարտավոր են բողոքին ընթացք տալ, լսել և ըստ Սահմանադրության, օրենքի իրենց որոշումը կայացնեն»,- այսօր լրագրողների հետ զրույցում ասել է «Բարգավաճ Հայաստան» խմբակցության ղեկավար Գագիկ Ծառուկյանը։ Վերջինս վստահ է, որ պատգամավորական մանդատից զրկելու հիմքեր չկան։

Ավելի վաղ «Քաղաքացու որոշում» կուսակցության գործադիր մարմնի քարտուղար Սուրեն Սահակյանը ՀՀ ԱԺ նախագահ Արարատ Միրզոյանին էր ուղարկել ԲՀԿ խմբակցության ղեկավար, պատգամավոր Գագիկ Ծառուկյանի լիազորությունները դադարեցնելու մասին դիմում։ Սուրեն Սահակյանն իր պահանջը հիմնավորում է Գագիկ Ծառուկյանի վերջին մի քանի հարցազրույցներում հնչեցրած հայտարարություններով, որտեղ ապօրինի ձեռնարկատիրական գործունեությամբ զբաղվելու կասկած է առաջանում։Կասկածի հաստատման դեպքում ՔՈ գործադիր մարմնի քարտուղարի պնդմամբ պետք է դադարեցվեն պատգամավորի լիազորությունները։
Մեկ այլ դիմում էլ ուղարկվել է գլխավոր դատախազին, որով պահանջումեն քրեական գործ հարուցել Ծառուկյանի նկատմամբ, ինչը ուղարկվել է Հատուկ քննչական ծառայություն։

«Ես այս պահին տեսել եմ այդ հաղորդման մեջ քրեադատավարական օրենսգրքով նախատեսված հանցագործության մասին հաղորդում, որը պետք է քննվի ու դրան պետք է տրվի քրեաիրավական գնահատական», - ասաց Դավթյանը։

Աղբյուր` Փաստինֆո