Փաստ ինֆո

Դատավորների  նկատմամբ արդարադատության նախարարի կողմից հարուցվել է 8 կարգապահական վարույթ

Դատավորների կողմից թույլ տրված կարգապահական պատասխանատվության հիմք հանդիսացող խախտումների հայտնաբերման արդյունքում դատավորների  նկատմամբ արդարադատության նախարարի կողմից հարուցվել է 8 կարգապահական վարույթ: Այսօր հրավիրված ասուլիսում ասաց արդարադատության նախարար Արտակ Զեյնալյանը:

Նա նշեց, որ հարուցված վարույթներից 4-ը կարճվել են, 2-ի դեպքում կարգապահական պատասխանատվության մասին միջնորդություն է ներկայացվել Բարձրագույն դատական խորհուրդ, իսկ մյուս 2-ը գտնվում է ընթացիկ փուլում:

Զեյնալյանը տեղեկացրեց նաև, որ վերադասության կարգով իրականացվել են 6 վարչական վարույթներ, որոնցից 4-ը՝ իրավաբանական անձանց պետական ռեգիստրի գործակալությունում, 1-ը՝ հարկադիր կատարումը ապահովող ծառայությունում, իսկ մյուսը՝ քաղաքացիական ակտերի կացության գրանցման տարածքային բաժիններում կայացված ակտերի վերաբերյալ:

Նախարարը նշեց, որ 6 վարչական բողոքներ էլ բավարարվել են:

Աղբյուր` Փաստինֆո