Փաստ ինֆո

Տոնը ինձ համար չէ, մարդկանց համար է, եթե մարդիկ տոնում են, ուրախանում են, լավ է: Ընդամենը Մաշտոցի պողոտան է փակվել, երկու հատ բեմ է դրվել, եթե մարդիկ ուզում են տոնեն՝ կտոնեն, չեն ուզում՝ չեն տոնի, ուժով որևէ մեկին որևէ բան չենք ստիպում: Այսօր լրագրողների հետ զրույցում ասաց ՀՀ վարչապետ Նիկոլ Փաշինյանը:

Նա նշեց, որ եթե մարդիկ մտածում են, որ անցած տարվա իրադարձություննեը այնքան աննշան են, որ որևէ ձևով օրացույցում նշվելու կշիռ չունեն, ապա այդ դեպքում մնում է միայն հարգել նրանց կարծիքը:

Լրագրողի այն դիտարկմանը, թե արդյոք ճիշտ չէր լինի այլ ուղղություններով ծախսել այն գումարը, որը նախատեսվել էր քաղաքացու օրվա համար, Փաշինյանն ասաց. «Այլ ուղղություններով էլ գումարները կծախսվեն: Ամեն ինչի մասին էլ կարելի է ասել, որ այլ ուղղություննեով կարելի է ծախսել գումարները»:

Փաշինյանն ասաց նաև, որ այս տարի քաղաքացին 40 մլրդ դրամ գերակատարում է բյուջեի եկամուտները, արդյոք չի կարող 124 մլն դրամ ծախսել տոնի համար:

«Այդ 124մլն-ից 10-ական միլիոն բոլոր մարզկենտրոններում ծախսվել է, այսինքն այդ գումարը գնալու է մարզեր, այնտեղ էլ է ստեղծագործական մտքի և մարդկանց վրա ծախսվելու»,-ասաց ՀՀ վարչապետը:

Հեղինակ` Սոնա Գեւորգյան