Փաստ ինֆո

‹‹Բարգավաճ Հայաստան›› խմբակցության ղեկավարը կարծում է, որ հայոց Ցեղասպանությունը ճանաչման ճանապարհին է:
‹‹Սա այն օրն է, երբ մեր սփյուռքահայությունը, ազգը, բոլորը սգում են և հիմնական նպատակն այն է, որ հայոց Ցեղասպանությունը ճանաչում ունենա››,-Ցեղասպանության հուշահամալիր կատարած այցի ժամանակ լրագրողների հետ զրույցում ասաց ԲՀԿ առաջնորդը:

Ծառուկյանը նշում է, որ Ցեղասպանության ճանաչումը ամբողջ աշխարհի հայության պատվի խնդիրն է:

‹‹Ճանաչման շուրջ բոլորը աշխատել են և դուք էլ եք զգում՝ կարճ ժամանակ է մնացել, որ Թուրքիան պատասխանը տա ամբողջ աշխարհի առաջ, որ ոչ մի ազգ այդ Ցեղասպանությունը, այդ դաժան սուգը չզգա››,-ասաց ԲՀԿ առաջնորդը:
Ծառուկյանը կարծում է, որ Հայաստանի հետ Թուրքիան հաշվի կնստի, եթե լիարժեք միջազգային ճանաչում լինի և բոլորը ընդունեն հայոց Ցեղասպանությունը:

‹‹Մենք կարող ենք սայթերով, թերթերով, մեր կապերով, խորհրդարաններում ամեն ինչը ներկայացնենք, ես ասում եմ դա այնպիսի բան է, որ արդարությունը հիվանդանում է բայց չի մահանում: Քանի տարի է անցել, հիմա ավելի շատ է քննարկվում և որտեղ ներկայացնում ենք, այդ պետությունները ընդունում և ճանաչում են Ցեղասպանությունը››,-ասաց ԲՀԿ ղեկավարը:
Խոսելով հայոց Ցեղասպանության ճանաչման նախապայմանների մասին Ծառուկյանն ասաց, որ ամեն ինչ էլ պետք է լինի. տարածքների փոխատուցում էլ, վնասեր էլ.

‹‹Ամեն հարցում փոխհատուցում պետք է լինի և՛ ֆինանսակն, և՛ բարոյական››,-ասաց ԲՀԿ առաջնորդը:

Հեղինակ` Սոնա Գեւորգյան