Փաստ ինֆո

Ավստրալիայի Սիդնեյի արվարձաններում առանձնատան գովազդը սոցիալական ցանցերում վիրուս է դարձել `վիճահարույց բովանդակության պատճառով: Ինչպես գրում է The Guardian- ը, հեռուստադիդողների մի մասի համար  այն թվացել է չափազանց անկեղծ և բիրտ, մյուսներին՝ գովեստի արժանի՝ նկարահանման անսովոր ոճի իմաստով:

Տեսահոլովակի հերոսները `տղամարդը և կինը, ժամանակակից երաժշտության ներքո կատարում են զգայական պար՝ տան սենյակից սենյակ տեղափոխվելով:

Տեսահոլովակը ի սկզբանե հրապարակվել է LJ Hooker Bankstown անշարժ գույքի գործակալության YouTube-ի էջում, սակայն, ինչպես գրում է պարբերականը, այն օգտատերերի շրջանում տեղիք է տվել շատ բացասական մեկնաբանությունների, որոնք չեն սիրում, երբ գովազդը «չափազանց սեքսուալ» է լինում: Գործակալությունը հեռացրել է տեսանյութը և ներողություն խնդրել  օգտատերերից: «Մեր ընկերությունը միշտ նոր ուղիներ է փնտրում՝ գովազդելու համար մեր օբյեկտները: Այս անգամ մենք վրիպեցինք մեր ռազմավարությամբ», - ասվում է պաշտոնական հայտարարության մեջ:

Այնուամենայնիվ, սոցիալական ցանցերի որոշ օգտվողներ գովաբանել են գործակալությանը՝  օրիգինալ լինելու համար: «Ավստրալիայի կառավարությունը պետք է անմիջապես հովանավորի այս ռոմանտիկ լրտեսական թրիլերի լիամետրաժ տարբերակի նկարահանման համար», - գրել է Twitter- ում մեկնաբաններից մեկը:

Սեմ Նադերը (Sam Nader) ՝ տեսահոլովակի արտադրության պատասխանատու գործակալը, խոստովանել, որ ուրախ է իր ստեղծագործության հանդեպ այդպիսի ուշադրուքյան համար: Նրա կարծիքով, գովազդի նպատակն է՝ հնարավորինս շատ մարդկանց պատմել օբյեկտի մասին, և այս դեպքում դա հաջողվել է:

Աղբյուր` Փաստինֆո