Փաստ ինֆո

Երեկ, բոլոր լրատվամիջոցներն անդրադարձել էին ՀՀ վարչապետի տիկնոջ՝ Աննա Հակոբյանի ղեկավարած հիմնադրամների նվիրատուների ցուցակին և նրանց կողմից կատարված նվիրատվություններին,  իսկ դրանց չափերը պատկառելի էին:

Այս ֆոնին «Սիթի օֆ Սմայլ» բարեգործական հիմնադրամի դեռ մարտի սկզբին  կազմակերպած մի նախաձեռնության մասին արյան քաղցկեղը հաղթահարած Սամ Միրզոյանի ֆեյսբուքյան գրառումը և ֆոտոներն  ուղղակի ցնցող էին.

«Հարգելի ընկերներ, նկարը կարող է ծիծաղ առաջացնել,  բայց սկսեմ ամենասկզբից։ Այսօր «City of Smile » հիմնադրամի կողմից հրավիրվել էինք ALEX textile՝ տեսնելու աշխատանքային գործընթացը։ Ուղակի ապշեցնող էր նման վերաբերմունքը հիմնադրամի կողմից ուղղված ինձ և այսօր կխոսեմ իմ անունից։

…Խնդրում եմ կամ ամեն ինչ կազմակերպեք պատշաճ կերպով կամ ուղղակի դադարեցրեք Ձեր գործունեությունը։

Խոսքերս կարող է կոպիտ հնչեն որոշների համար, ես չեմ փնովում նրանց նվիրածը,  այլ պարզ դարձնում թե ինչ կա տոպրակի մեջ և չկարծեք թեկենտրոնում բուժվող երեխաները ...

Այս ամենը հանձնում եմ Ձեր դատին և սպասում Ձեր մեկնաբանություններին։

Ուղղակի ամոթ է «City Of Smile»:
 
Սամը  կիսել էր ընկերների հետ իր տպավորությունները, նաև՝ շնորհակալ ու երախտապարտ էր եղել իր հանդեպ լավ ու բարի վերաբերմունքի համար.

« Շնորհակալ եմ անչափ Ձեզ Տիկին Ռիտա Սարգսյան ջան,  Ձեր կողմից ստեղծված հիմնադրամն լավագույն էր և շնորհակալ եմ «Նվիրիր կյանք» հիմնադրամից՝իմ բուժման ընթացքում իմ կողքին լինելու համար։
«Նվիրիր Կյանք» հիմնադրամի կողմից ստեղծված միջոցառումները լավագույն կերպով Էր կազմակերպվում։
Կարծես թե «Ժպիտների քաղաք» հիմնադրամը ստեղծված լինի PR արվելու համար»:
 
Երիտասարդի տողերում անթաքույց վիրավորվածություն կա՝ վարչապետի տիկինը տեսնես հասկացե՞լ է, թե որքան է նեղացրել ու վիրավորել հիվանդ և վառ ու պայծառ զգացողությունների կարիք ունեցող երեխաներին իր այդ տխուր, հումանիտար բրնձի ու կաթի փոշու ժամանակները հիշեցնող լֆիկական ընծայով:

Ճիշտ և ճիշտ ցուրտ ու մութ տարիների նվեր էր պատրաստել տիկին Աննան  իր հիմնադրամի շահառուներին՝ նախ՝ նրանց հրավիրելով  ALEX textile, ապա՝ նաև՝ամանորյա , այսինքն՝ ժամկետանց տոպրակներով ALEX textile-ի  արտադրության երկու գուլպա նվիրել: Հետաքրքիր է, այս կերպ ի՞նչ էր ցանկացվել ընդգծել նա

Երեխաները ահավոր զգայուն են և միանգամից են զգում ֆալշը, աննրբանկատ ու իմիջիայլոց վերաբերմունքը:

Մի արեք, պարզապես մի արեք: Բարեսիրությունը անուշ սիրտ ու հոգի է պահանջում:

Աղբյուր` Փաստինֆո