ԲՈԼՈՐ ՆՅՈՒԹԵՐԸ
Ադրբեջանը իմիջի վերակառուցման փուլում է. փորձում է դիրքավորվել «կառուցողական դաշտում». «Առավոտ» 12/29/2018 14:24 | Հարցազրույց
«Առավոտ»-ի զրուցակիցն է Արցախի նախագահի խորհրդական Տիգրան Աբրահամյանը
– Եթե փորձենք ամփոփել անցնող տարին` ի՞նչ արեցինք 2018-ին Արցախի եւ Հայաստանի անվտանգության մակարդակը բարձրացնելու համար, ի՞նչը չկարողացանք ավարտին հասցնել:
– Անվտանգության բարձրացմանն ու ամրապնդմանն ուղղված միջոցառումները միանգամից մի քանի հարթություն են ենթադրում: Հայաստանում տեղի ունեցած քաղաքական փոփոխությունները արտաքին վտանգի ակտիվացման առումով բազմաթիվ ռիսկեր էին պարունակում, սակայն հայկական զինուժն այդ պատասխանատու պահին իր առաքելությունը կատարեց բավականին բարձր մակարդակով` զսպելով, կանխելով հակառակորդի հնարավոր սադրանքները:
2019 թվականը և առհասարակ առաջիկա տարիները մեզանից պահանջում են վերագնահատել անվտանգության ուղղությամբ այս տարիներին իրականացված աշխատանքները, ճշգրիտ վերլուծել մեր շուրջը տեղի ունեցող աշխարհաքաղաքական իրադարձությունները, խորքային ուսումնասիրել առաջիկա տարիների մեր զարգացման իրական հնարավորությունները, սահմանել առաջնահերթությունները և ավելացնել անվտանգության բարձրացմանն ուղղված ֆինանսական հոսքերը: Այս ուղղությամբ աշխատանքները երբեք չեն ավարտվում, դադար վերցնելն անթույլատրելի է, ուղղակի եղած ռեսուրսների պայմաններում պետք է գտնել ճշգրիտ ճանապարհները:
– Համանախագահներն արդեն իրենց հայտարարություններում չեն հիշատակում Վիեննայի եւ Սանկտ Պետերբուրգի համաձայնությունների մասին, այժմ օրակարգային է Նիկոլ Փաշինյան-Իլհամ Ալիեւ վերելակային համաձայնությունը: Նախկին պայմանավորվածություններն արդեն կարելի՞ է անցած էտապ համարել: Դրանց անտեսումը, թեկուզ նոր՝ դեռեւս պահպանվող պայմանավորվածությունների համատեքստում, մեզ կորուստով չի՞ սպառնում, քանզի թե՛ Վիեննայի, թե՛ Սանկտ Պետերբուրգի պայմանավորվածություններում հստակ ամրագրված էին սահմանի դիտարկման այնպիսի մեխանիզմներ, որոնք հստակություն էին մտցնելու «ո՞վ առաջինը կրակեց» մշտապես վիճելի հարցում:
– Բանակցություններն, ըստ էության, դեռ չեն վերսկսվել, եղել են տարբեր բնույթի հանդիպումներ, որոնք առավելապես ճանաչողական բնույթի են եղել: Հայաստանում տեղի ունեցած իրադարձություններից հետո միայն առաջիկա հունվարին իշխանության ձևավորումը վերջնական կավարտվի, և այդ ժամանակ արդեն որոշակի հարցեր կհստակեցվեն: Հայաստանի վարչապետն իր հայտարարություններում ներկայացրել է թեմայի հետ կապված իր հիմնական սկզբունքները, իսկ թե ո՞ր ճանապարհով ենք գնալու, ի՞նչ փաստաթղթի շուրջ (միգուցե նոր փաստաթղթի), վստահության ստեղծման ի՞նչ մեխանիզմներ են ընդունելի՝ դեռ ամբողջապես պարզ չէ: Համենայնդեպս, Արցախի հետ այդ թեմայով քննարկումներ դեռ չեն եղել:
– Շատերի համար մի փոքր տարօրինակ է, որ ադրբեջանական կողմը խստորեն պահպանում է սահմանային լարվածությունը թուլացնելու մասին վերելակային պայմանավորվածությունը. սա հանդարտություն է փոթորկից առա՞ջ, ի՞նչ նպատակներ է, Ձեր կարծիքով, հետապնդում ադրբեջանական կողմը:
– Նախկինում էլ համապետական ընտրությունների փուլում, այսպես կոչված, չգրված օրենքներ են գործել: Իհարկե, չեմ ցանկանում թերագնահատել ՀՀ վարչապետի՝ այս թեմայով ունեցած պայմանավորվածությունը, որի մանրամասներից տեղյակ չեմ: Սակայն, ամեն դեպքում, Ադրբեջանը հենց այնպես այդպես չէր վարվի. պետք է հասկանալ, թե Ադրբեջանն ի՞նչ շահ է ունեցել հրադադարի ռեժիմի խախտման նվազման հարցում: Այս ժամանակն Ադրբեջանը, օրինակ, օգտագործեց սահմանագծին նոր ենթակառուցվածքների շինարարության, իր դիրքերի ամրապնդման ուղղությամբ: Երկրորդ՝ Ադրբեջանը փորձում է մաքրել ագրեսորի կերպարը, որն առավել ընդգծվեց ապրիլյան մարտական գործողությունները սանձազերծելուց հետո: Եվ ես կարծում եմ, որ Ադրբեջանը իմիջի վերակառուցման փուլում է և փորձում է դիրքավորվել «կառուցողական դաշտում»:
– Ադրբեջանից վերջին շրջանում «լավատեսական» հայտարարություններ են հնչում. Մամեդյարովն ասաց, որ հայաստանցի գործընկերոջ հետ փոխըմբռնում կա: ՀՀ ԱԳՆ-ն պարզաբանեց` խոսքը բանակցությունների շարունակականությունն ապահովելու մասին է: Նիկոլ Փաշինյանն էլ հայտարարեց, որ Արցախի հարցում նոր բան չկա: Օրերս Մամեդյարովը հայտարարեց նաեւ, որ 2019-ին հարցի լուծումներ են հնարավոր, եւ վերահաստատեց ադրբեջանական հայտնի մոտեցումը` Արցախին լիարժեք ինքնավարություն տալու մասով: Ձեր կարծիքով՝ բանակցային ինչ-որ գործընթաց կա՞ այս պահին, սեղանին նորից հին տարբերակնե՞րն են, թե՞ նոր առաջարկների շուրջ է աշխատանք գնում:
– Ադրբեջանի ԱԳ նախարարը, իսկ դրանից մեկ օր հետո այդ երկրի նախագահ Իլհամ Ալիևը նույնատիպ հայտարարություն անելով հաստատեցին մեր վատատեսական կանխատեսումն առ այն, որ իրականում Ադրբեջանում ոչինչ չի փոխվի, իսկ այդ «լավատեսական» նոտաները, ինչպես նշել եմ, իմիջային խնդիրներ են լուծում: Ավելին, ես կարծում եմ, որ վերջին ամիսներին Ադրբեջանը փորձում է ապահովագրել իրեն՝ հետագայում սահմանին ակտիվանալը բացատրելով այն հանգամանքով, որ ամեն ինչ արել է վստահության և հանդուրժողականության դաշտ ստեղծելու համար, իսկ «հայկական կողմը այդպես էլ պատրաստակամություն չի հայտնել»: Մամեդյարովի հայտարարությունը մեկնաբանելով՝ առանձնապես ժամանակ չեմ ծախսի, վերջին 3 տասնամյակում նույնաբովանդակ անհեթեթություններ շատ ենք լսել:
– Հայկական կողմը պնդում է Արցախը բանակցային սեղանին վերադարձնելու իր դիրքորոշումը: Դա Ադրբեջանին պարտադրելու ի՞նչ հնարավորություն եք տեսնում:
– Հայկական կողմը բազմիցս հայտարարել է իր հիմնական նպատակներից մեկի մասին, որի ճանապարհը բնականաբար չափից ավելի բարդ է լինելու, սակայն պետք է նաև հասկանալ, որ առանց դրա անհնար է հասնել հարցի հանգուցալուծմանը: Կարծում եմ՝ սա գիտակցում են նաև միջնորդ երկրները:
– 2016-ի ապրիլյան պատերազմից հետո խոսվեց ՀՀ-ի եւ Արցախի միջեւ ռազմաքաղաքական համագործակցության համաձայնագրի ստորագրման մասին: Հետո անգամ հայտարարվեց, որ համաձայնագիրը պատրաստ է, պարզապես հայկական իշխանությունները սպասում էին դրա ստորագրման ավելի հարմար պահի: Չե՞ք կարծում, որ հայկական պետությունների անվտանգության ամրապնդման համար այդ համաձայնագրի ստորագրման պահը վաղուց հասունացել է: Պե՞տք է ՀՀ նոր իշխանությունն իր այդ մոտեցմամբ տարբերվի նախորդից:
– Եթե չեմ սխալվում, այդ փաստաթղթի հետ կապված հարցերը Հայաստանի ու Արցախի անվտանգության խորհուրդների քննարկման տիրույթում են, և այդ ուղղությամբ աշխատանքներ ընթանում են, այնպես որ՝ չէի ցանկանա առաջ ընկնել իրադարձություններից:
– Աստիճանաբար Արցախը մտնում է նախընտրական փուլ. 2020 թվականին միաժամանակյա նախագահական և խորհրդարանական ընտրություններ են: Դրանով պայմանավորված՝ ներքին զարգացումները կարո՞ղ են արտաքին վտանգների մեծացման խթան լինել:
– Դե, նման փուլերում աշխուժությունն առավել մեծ է լինում, սակայն չեմ կարծում, թե դրանք այնքան վտանգավոր բնույթ կկրեն, որ արտաքին վտանգների մեծացման խթան կհանդիսանան: Իհարկե, չեմ բացառում, որ այս կամ այն ուժերի կողմից փորձեր կլինեն անկայունություն հրահրելու ուղղությամբ, բայց պետք է գիտակցեն, որ Արցախի հասարակության իրավագիտակցության մակարդակը բարձր է, մարդիկ խորապես գիտակցում են իրավիճակի լրջությունը, և նրանց այդպիսի հարցերում մոլորության մեջ գցելը անհնար է:
– Ադրբեջանը Հայաստանի հետ սահմանի՝ Տավուշի մասն ընդգրկող որոշ հատվածներում բանակի ուժերը փոխարինելու է պետական սահմանապահ ծառայության ուժերով։ Սա ի՞նչ նպատակով է արվում:
– Նախ ասեմ, որ Ադրբեջանի սահմանապահ ծառայությունը բավականին լավ սպառազինված է, և նրա ենթակայության ներքո խոշոր կրակային միջոցներ կան: Ես կարծում եմ, որ Ադրբեջանը Տավուշի այդ հատվածում տեղակայված և մարտական հերթապահություն կրող բրիգադը կտեղափոխի սահմանագծի մեկ այլ ուղղություն: Դեռ պարզ չէ, թե ինչ ձևով կօգտագործվի. միգուցե որպես ռեզերվ, միգուցե մեկ այլ ուղղություն ուժեղացնեն՝ համալրման միջոցով:
– Նախիջեւանի շրջանում ադրբեջանական զինուժի առաջխաղացումը, ըստ մասնագետների, ավելի խոցելի է դարձրել Հայաստանի անվտանգությունը: Ի՞նչ ռիսկեր է դա իր մեջ պարունակում:
– Նախիջևանի ակտիվացմամբ Ադրբեջանը երրորդ ճակատի դիրքավորման հարցն է լուծում, ինչը բավականին վտանգավոր է: Որոշակի նրբերանգներ կան, որոնք կոնֆիդենցիալության առումով չէի ցանկանա դետալացնել, սակայն կարծում եմ՝ ՀՀ անվտանգությունն ապահովող կառույցները տիրապետում են բոլոր ռիսկերին և հնարավոր վտանգների դեպքում համաչափ գործողություններ կիրականացնեն:
Զրույցը` Նելլի ԳՐԻԳՈՐՅԱՆԻ «Առավոտ օրաթերթ»
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/25/2024 08:19 Տարածվել ա, կարդացվել ա՝ բավարար ա, էլի․ «Հրապարակ»
- 04/25/2024 08:16 Ընդդիմադիրները հիասթափված են․ «Հրապարակ»
- 04/25/2024 08:13 Ինչ ցանել ես, այն էլ կհնձես. Ծիծեռնակաբերդում տեղի ունեցած միջադեպից հետո թերեւս, արժե թարմացնել ՔՊ-ականների հիշողությունը. «Ժողովուրդ»
- 04/25/2024 08:10 «Քարֆուրի» տերերը հեռանում են Հայաստանից․ «Հրապարակ»
- 04/25/2024 08:03 Գերիների հարցով կակտիվանան․ «Հրապարակ»
- 04/25/2024 07:53 Դեսպան չնշանակվեց, կուսակցությունն էլ, փաստացի, գոյություն չունի. «Ժողովուրդ»
- 04/25/2024 07:50 Բնակարան, մեքենա․ ի՞նչ հայտարարագիր է ներկայացրել Տավուշի նոր դատախազը. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/25/2024 10:19 Ուղևորը վարորդի աչքերին քիմիական նյութ է փչել. վերջինս այրվածքներով տեղափոխվել է հիվանդանոց. shamshyan.com
- 04/24/2024 18:54 Հրդեհ Կամո գյուղում
- 04/24/2024 17:33 Նոր Գեղիում բախվել են «Mercedes»-ը, «06»-ն ու տրակտորը. պապը, տատը, նրանց դուստրն ու 2 անչափահաս թոռները տեղափոխվել են հիվանդանոց
- 04/24/2024 13:15 Եղանակը առաջիկա 5 օրերին
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
- 04/21/2024 22:49 Կինը հոր օգնությամբ վրեժ է լուծել դավաճան զուգընկերոջից
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ