Փաստ ինֆո

Աղբահանման բնական ընթացքը չապահովվելու պատճառով մի խումբ քաղաքացիներ, «Ելք» խմբակցությունը նախաձեռնությամբ, այսօր բողոքի ակցիա են իրականցնում «Սանիթեք» ընկերության դիմաց:

Երևանի ավագանու «Ելք» խմբակցության անդամներից երկուսը նամակով դիմեցին «Սանիթեք» ընկերության տնօրեն Նիկոլաս Էլ Թավիլին՝ պահանջելով պատշաճ կազմակերպել աղբահանության գործընթացը:

Բողոքի ակցիայի ժամանակ ցուցարարներին մոտեցավ «Սանիթեքի» տնօրեն Թավիլը, ով ասաց, որ իրենք չեն խուսափում իրենց պատասխանատվությունից ու նախորդ տարի ևս բախվել են նույն խնդրին, բայց դրանք քայլ առ քայլ լուծվում են:

Ըստ նրան՝ խնդիրներ երբեմն պատահում են, իրենք ընդունում են իրենց սխալները, այդ սխալներից մի մասը իրենց պատճառով է, իսկ մյուս մասը՝ դրսի:

Նշենք, որ մայրաքաղաքի տարբեր վարչական շրջաններում աղբահանման գործընթացը օրերով չի կատարվում և հակասանիտարական այս վիճակով պայմանավորված գարշահոտությունը ամենուր է:

Իսկ «Սանիթեք»-ը բավարարվում է միայն քաղաքացիներից ներողամտությունը հայցելով:

Օրեր առաջ ընկերությունը հայտարարությամբ հանդես եկավ՝ հայցելով քաղաքացիների և քաղաքի հյուրերի ներողամտությունը պատճառված անհարմարության համա:

Միևնույն ժամանակ հայտարարության մեջ ասվում էր, որ ընկերությունն անում է ամեն հնարավորը՝ իրավիճակը կարգավորելու համար:

Աղբյուր` Փաստինֆո