Փաստ ինֆո

«Նոր Հայաստան Նոր Հայրապետ» շարժման անդամները բաց նամակով դիմել են Ամենայն Հայոց կաթողիկոս Գարեգին Բ-ին:

Նամակը ներկայացնում ենք ստորև.

Ներեցե՛ք մեզ, որ մենք՝ հայ երիտասարդներս, չենք դիմում Ձեզ որպես վեհափառ հոր, որովհետև Ձեր «ընտրությունից» հետո այդպես էլ չդարձաք Հայրապետ, իսկ մեզ անհիմն ստերով ու առաջնորդին ոչ վայել պահվածքով զրկեցիք Ձեր հանդեպ այդ համարումից։

Եվ քանի որ Ձեզ և կարգապահական հանձնախմբին ուղղված սթափության և զգաստության մեր կոչերն անտեսվեցին ու անհեռատեսորեն արվեցին սխալներ, որոնք ազգի դեմքին նետված արհամարհանք են, իսկ Դուք չցանկացաք խոսել մեզ հետ՝ Գնդեվանքում Ձեր ամոթալի փախուստը անհեռատեսորեն շտապեցիք որակել Ձեր կյանքին սպառնացող վտանգ, ուստի մի վերջին անգամ մեր խոսքն ուղղում ենք Ձեզ՝ հուսալով, որ գոնե այս անգամ խելամիտ կգտնվեք և վերջ կտաք մերկ մատով կրակի հետ խաղալու այս վտանգավոր խաղին, որը սկսել եք:

Հարգելի՛ Գարեգին Բ, Ձեր հրահանգով և պարտադրանքով օրեր առաջ Մայր Աթոռի կարգապահական հանձնախումբը, չունենալով ծանրակշիռ փաստեր Ձեր հրաժարականըհիմնավորված կերպով պահանջող Կորյուն աբեղա Առաքելյանի դեմ, անտեսելով Հայոց եկեղեցու կանոնական իրավունքը, խախտելով Հայր Կորյունի քահանայական իրավունքը՝ նրան «հռչակել» է կարգալույծ:

Սա ոչմիայն «Նոր Հայաստան նոր Հայրապետ» նախաձեռնությունը, այլև աշխարհասփյուռ հայության ճնշող մեծամասնությունը որակում է որպես Հայր Կորյունի դեմ ուղղված անձնական թշնամանք և վրեժխնդրություն:

Կարգապահական հանձնախումբն այս օրերին այդպես էլ Հայր Կորյունի «կարգալուծության» հստակ մանրամասներ չներկայացրեց՝ ստիպելով մեզ այլևսհրապարակավ բարձրաձայնելու նաև կարգապահական հանձնախմբի ստրկական վիճակը:

Ելնելով Ձեր անհարիր պահվածքից ու այլևս չհանդուրժելով Ձեր հրապարակային ստերը, թարմացնում ենք Ձեր հիշողությունը՝ առայժմ կապված Ձեր «любимчик» Գևորգ եպիսկոպոս Սարոյանի հետ, ում անունով գրված պղծված և քանդված հայ ընտանիքի հոր նամակը հրապարակեցինք Մայր Աթոռի պատասխանով։

Հիշեցնենք, որ այս «հոգևորականը», խախտելով կուսակրոնության իր ուխտը, կապվել է ընտանիք ունեցող կնոջ հետ՝ ոչ միայն անմայր թողնելով նրա դստերը, այլև կազմալուծելով նրա ընտանիքը:

Մոտ անցյալում Մոսկվայում տեղի ունեցած ավտովթարի ժամանակ այս «սրբազանը» վթարված մեքենայում գտնվեց նույն այդ սիրուհու հետ, բայց հասկանալի է, թե ինչու այդ փաստը, որ իրեղեն ապացույցն էր Մայր Աթոռում ստացված նամակի, «վրիպեց» Ձեր և կարգապահական հանձնախմբի «անաչառ» աչքերից ու չարագործ «սրբազանը» շարունակեց իր կարիերան Մայր Աթոռում՝ զբաղեցնելով պատասխանատու պաշտոն, իսկ արդարության, ազգի բռնաբարվող հոգևոր իրավունքի համար պայքարող սրբակենցաղ Կորյուն աբեղան «կարգալույծ» է հռչակվում անօրինաբար ուկոպիտ խախտումներով։

Ի գիտություն. մենք՝ Հայ առաքելական եկեղեցու նվիրյալ ու նախանձախնդիր երիտասարդ զավակներս, անվավեր ենք ճանաչում Մայր Աթոռի կարգապահական հանձնախմբի անօրինական, հիմնազուրկ ու Ձեր անձնական վրեժխնդրության հիմքով հանձնախմբին պարտադրված որոշումը և պահանջում ենք վերանայել այս հարցը, և զգուշացնում, որ արդարությունըվերականգնելու համար դիմելու ենք պետական դատական ատյաններին՝ բաց դատավարություն անցկացնելու խնդրանքով:

Նաև կարգապահական հանձնախմբից պահանջում ենք հրապարակված հիմնավոր ապացույցների հիման վրա կարգալույծ հռչակել տարիներ ի վեր Հայոց եկեղեցու ներքին կանոնակարգը խախտող, հայ տղամարդուն և հոգևորականին անվայել վարք դրսևորող Գևորգ եպիսկոպոս Սարոյանին և կարգել աշխարհականների շարքին:

Ցուցակը հիմնավոր ապացույցներով շարունակելի է: Ժամանակն է գիտակցեք, որ տարիներ շարունակ անձնական սիմպատիայով, սեփական կամայականությամբ հոգևորականներին անօրինաբար կարգալույծ անելու ժամանակներն այլևս անցյալում են, որովհետև մենք՝ Հայոց եկեղեցու իրավունքին ու հեղինակությանընախանձախնդիր երիտասարդ հայորդիներս, մեզ իրավունք ենքվերապահում ունենալու մեզ արժանի ճշմարտախոս, քաջ, մեզ սիրող, լայնախոհ, սրբակենցաղ, աստվածապաշտ, մեր կողմից սիրված ուհզոր հոգևորականություն, որից զրկել եք ազգին Ձեր «գահակալման» 19 դժոխային ու ամենայն ապականությամբ լեցուն տարիներին:

Իսկ մենք չե՛նք լռելու...

Հայոց եկեղեցու նվիրյալ, նախանձախնդիր երիտասարդ զավակներ

Աղբյուր` Փաստինֆո