ԲՈԼՈՐ ՆՅՈՒԹԵՐԸ
Խումբը մեկի դեմ սպանության փորձի գործով պաշտպանների՝ անհրաժեշտ պաշտպանության սահմանազանցման վարկածն անհիմն է. դատարան 05/26/2018 13:51 | Քրեական խրոնիկոն
«Պարմա» առևտրի կենտրոնի մոտ սպանության փորձի հանգեցրած ծեծկռտուքի գործով պաշտպանական կողմը բողոքարկել է առաջին ատյանի դատարանի դատավճիռը:
Բողոքում կողմը միջնորդում է մասնակի բեկանել առաջին ատյանի դատարանի մեղադրական դատավճիռը, որով ամբաստանյալներ Արսեն Մաթևոսյանն ու Աշոտ Մնացականյանը մեղավոր են ճանաչվել ՀՀ քրեական օրենսգրքի 34-104-րդ հոդվածի 2-րդ մասի 7-րդ կետով՝ մի խումբ անձանց կամ կազմակերպված խմբի կողմից սպանության փորձ, և 258-րդ հոդվածի 4-րդ մասով՝ զենքի կամ որպես զենք օգտագործվող առարկաների գործադրմամբ խուլիգանություն ու դատապարտվել 13 տարվա ազատազրկման:
Պաշտպանական կողմը միջնորդում է փոփոխել Աշոտ Մնացականյանին և Արսեն Մաթևոսյանին առաջադրված մեղադրանքները, ճիշտ իրավական գնահատականի արժանացնել ամբաստանյալների գործողությունները, բեկանված մասով կայացնել գործն ըստ էության լուծող դատական ակտ կամ ուղարկել համապատասխան ստորադաս դատարան` նոր քննության նոր կազմով:
Առաջին ատյանի դատարանն ապացուցված է համարել այն, որ ամբաստանյալներ Աշոտ Մնացականյանը և Արսեն Մաթևոսյանը մեղավորությամբ կատարել են մի խումբ անձանց կողմից սպանության փորձ, նրանց արարքը նշված հոդվածով որակված է ճիշտ և համապատասխանում է ՀՀ քրեական օրենսգրքի 34-104-րդ հոդվածի 2-րդ մասի 7-րդ կետով նախատեսված հանցագործության հատկանիշներին: Բացի այդ դատարանը հիմնավորված է համարել ամբաստանյալներ Աշոտ Մնացականյանին և Արսեն Մաթևոսյանին ՀՀ քրեական օրենսգրքի 258-րդ հոդվածի 4-րդ մասով առաջադրված մեղադրանքը:
Գործով երրորդ ամբաստանյալ Էդուարդ Թորոսյանին առաջադրված մեղադրանքի վերաբերյալ դատարանն արձանագրել է, որ գործում առկա ապացույցների համակցությունը բավարար չէ հիմնավոր կասկածից վեր ապացուցողական չափանիշին համապատասխան հաստատված համարելու, որ ամբաստանյալ Էդուարդ Թորոսյանը կատարել է ՀՀ քրեական օրենսգրքի ՀՀ քրեական օրենսգրքի 34-104-րդ հոդվածի 2-րդ մասի 7-րդ կետով նախատեսված հանցավոր արարք:
Ամբաստանյալ Էդուարդ Թորոսյանին ՀՀ քրեական օրենսգրքի 258-րդ հոդվածի 4-րդ մասով, այն է՝ խմբի կազմում որպես զենք օգտագործվող առարկաների գործադրմամբ խուլիգանություն կատարելու մեղադրանքի վերաբերյալ դատարանը գտել է, որ այն պետք է վերաորակվի ՀՀ քրեական օրենսգրքի 258-րդ հոդվածի 3-րդ մասով:
Դատարանը փաստել է, որ ըստ «ԱրմենՏել» և «ՎիվաՍել» ընկերությունների կողմից տրամադրած հեռախոսահամարների վերծանումները զննելու մասին արձանագրության, ամբաստանյալներ Արսեն Մաթևոսյանը և Աշոտ Մնացականյանը գտնվել են դեպքի վայրը սպասարկող բջջային օպերատորների ալեհավաքների կայանների սպասարկման գոտում, այնուհետև Աշոտ Մնացականյանը զանգահարել է իր ընկեր Կարեն Ավետիսյանին, ապա մինչ տուժող Արմեն Փիլոյանի զանգը, Կարեն Ավետիսյանը, ամբաստանյալներ Աշոտ Մնացականյանը, Էդուարդ Թորոսյանը և Արսեն Մաթևոսյանը եղել են հեռախոսային կապի մեջ և արդեն Արմեն Փիլոյանի կողմից զանգ կատարելու ժամանակ հիշյալ անձինք եկել են «Պարմա» առևտրի կենտրոնն սպասարկող բջջային կայանների սպասարկման գոտի: Այսպիսով, թեև սույն քրեական գործի քննությամբ ձեռք բերված ապացույցը փաստում է այն հանգամանքը, որ դեպքին նախորդող ժամանակահատվածում ամբաստանյալները գտնվել են հեռախոսային կապի մեջ միմյանց հետ, այնուամենայնիվ, այդ հանգամանքը բավարար չէ դատարանի համար հանգելու հետևության, որ ամբաստանյալների միջև ձեռք էր բերվել տուժող Արմեն Փիլոյանին կյանքից ապօրինի զրկելուն ուղղված նախնական համաձայնություն:
Սակայն, միևնույն ժամանակ, դատարանն արձանագրել է, որ ՀՀ քրեական օրենսգրքի 34-104–րդ հոդվածի 2–րդ մասի 7–րդ կետն ըստ էության տարբերություն չի դնում, թե խմբի կողմից սպանության փորձը կատարվել է նախնական համաձայնությամբ, թե առանց նախնական համաձայնության, ուստի ամբաստանյալներ Աշոտ Մնացականյանին և Արսեն Մաթևոսյանին ՀՀ քրեական օրենսգրքի 34-104-րդ հոդվածի 2-րդ մասի 7-րդ կետով առաջադրված մեղադրանքի իրավաբանական գնահատականը փոփոխման ենթակա չէ:
Դատարանը փաստել է նաև, որ պաշտպանական կողմի դիրքրոշումն առ այն, որ ամբաստանյալ Աշոտ Մնացականյանի գործողությունները համապատասխանում են ՀՀ քրեական օրենսգրքի 116-րդ հոդվածով նախատեսված՝ առողջությանը ծանր և միջին ծանրության վնաս պատճառելն անհրաժեշտ պաշտպանության սահմանազանցմամբ, հանցագործության հատկանիշներին, անհիմն է:
Պաշտպանական կողմի այն դիրքորոշման առնչությամբ, ըստ որի տուժող Արմեն Փիլոյանին սպանելու դիտավորություն և ցանկություն ամբաստանյալները չեն ունեցել, քանի որ նման դիտավորություն ունենալու դեպքում միանգամայն հնարավորություն ունեին և կարող էին ավարտին հասցնել իրենց մտադրությունը և մահ պատճառեին տուժողին, դատարանը գտել է, որ քրեական գործի փաստական հանգամանքների համակցության վերլուծությունը ցույց է տալիս, որ հանցանքը կատարելու պահին ամբաստանյալների դիտավորությունն ուղղված է եղել տուժող Արմեն Փիլոյանին կյանքից զրկելուն, ուստի իրենց մեղսագրված հանցավոր արարքն իրականացնելուց հետո նրանց դրսևորած վարքագիծը, այն է՝ հետագա գործողություններ կատարելուց ձեռնպահ մնալը, դուրս է սպանության հանցափորձի շրջանակներից, վկայում է ոչ թե սպանելու ուղղակի դիտավորության բացակայության, այլ հավանաբար կատարածի համար զղջալու մասին։ Նման գործողությունները չեն կարող ազդեցություն ունենալ և փոխել ամբաստանյալներ Աշոտ Մնացականյանին և Արսեն Մաթևոսյանին՝ ՀՀ քրեական օրենսգրքի 34-104-րդ հոդվածի 2-րդ մասի 7-րդ կետով մեղսագրված արարքի քրեաիրավական որակումը։
Ըստ դատարանի վերլուծության, քրեական գործի փաստական հանգամանքների վերլուծությունը վկայում է այն մասին, որ ամբաստանյալներ Աշոտ Մնացականյանի, Արսեն Մաթևոսյանի և Էդուարդ Թորոսյանի հանցավոր վարքագծի շարժառիթ և դրդապատճառ է հանդիսացել ամբաստանյալ Աշոտ Մնացականյանի և տուժող Արմեն Փիլոյանի փոխհարաբերությունները, սակայն հետագայում ամբաստանյալների կողմից կատարված հանցավոր արարքի մյուս հանգամանքները վկայում են այն մասին, որ անձնական դրդումներով սկսված վիճաբանություն ու կռիվը վերաճել է խուլիգանության: Մասնավորապես, ամբաստանյալների հանցավոր արարքների արդյունքում խաթարվել է «Պարմա» առևտրի կենտրոնի բնականոն աշխատանքը, այդ վայրերում գտնվող անձանց՝ աշխատակիցների և առևտրի կենտրոնի հաճախորդների ֆիզիկական և հոգեկան անձեռնմխելիությունը, սարսափի զգացում է առաջացել դեպքին ականատես՝ «Պարմա» առևտրի կենտրոնի աշխատակիցների և հաճախորդների մոտ, ինչն ամբաստանյալները չէին կարող չգիտակցել։
Դատարանը հատկանշական է համարել այն, որ ամբաստանյալները շարունակել են իրենց հանցավոր վարքագիծը նույնիսկ այն բանից հետո, երբ վկա Տարոն Բաղդասարյանը ներկայացել է որպես ոստիկանության աշխատակից և պահանջել դադարեցնել հանցավոր ոտնձգությունը: Ընդ որում, դատարանը փաստել է, որ նման պայմաններում առկա է խուլիգանության այնպիսի հատկանիշ, ինչպիսինն է անձի ձգտումը հակահասարակական վարքագծով ապացուցել իր անկախությունը հասարակության մեջ ընդունված վարքագծի կանոններից, իր անձը հակադրելով հասարակությանը՝ ցույց տալ իր գերակայությունը։
Նշենք, որ գործով երրորդ ամբաստանյալը՝ Էդուարդ Թորոսյանը, ՀՀ քրեական օրենսգրքի 34-104-րդ հոդվածի 2-րդ մասի 7-րդ կետով ճանաչվել է անպարտ և արդարացվել՝ նշված հանցագործության կատարմանը նրա մասնակցությունն ապացուցված չլինելու հիքմով:
Է. Թորոսյանին ՀՀ քրեական օրենսգրքի 258-րդ հոդվածի 4-րդ մասով առաջադրված մեղադրանքը վերաորակվել է ՀՀ քրեական օրենսգրքի 258-րդ հոդվածի 3-րդ մասի 1-ին կետով՝ մի խումբ անձանց կամ կազմակերպված խմբի կողմից կատարված խուլիգանություն, նա դատապարտվել է ազատազրկման 2 տարի ժամկետով:
Տեսանյութեր
02/29/2024 15:35 Ադրբեջանցի զինված դիվերսանտը ներխուժել է ՀՀ տարածք ու ձերբակալվելՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 03/19/2024 08:34 Գուրգեն Արսենյանը չի ճանաչում իր գրասենյակի մոտ պայթուցիկ տեղադրելու գործով կալանավորվածներին․ մանրամասներ հարցաքննությունից․ «Ժողովուրդ»
- 03/19/2024 08:32 Վարչապետի եւ ԱԺ նախագահի եղբայրները բիզնեսմեններ են. Փաշինյանը խաբել է. մաս 184. «Ժողովուրդ»
- 03/19/2024 08:20 Հանրահավաքը կպառակտի՞, թե՞ կմիավորի․ «Հրապարակ»
- 03/19/2024 08:18 Ինչ է քննարկվել ՔՊ խմբակցության փակ նիստում․ «Հրապարակ»
- 03/19/2024 08:14 Ներքին գործերի նախարարությունը 89 հատ թանկարժեք ժամացույց է գնել․«Հրապարակ»
- 03/19/2024 08:11 ՀՀ իշխանությունները չեն պատրաստվում խզել ՌԴ-ի հետ որեւէ միջպետական պայմանագիր․«Հրապարակ»
- 03/19/2024 08:05 Մոտ 5 միլիոն դրամ՝ օրացույցների և օրագրերի համար․ ԱԺ անհիմն գնումները 2024-ի առաջին եռամսյակում. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
- 02/13/2024 21:42 Ադրբեջանը խուսափելու է իրական բանակցային գործընթացից. որոշակի հանձնառություններ է ստանձնել՝ Իրանի դեմ կատարելու, որոնք իրականացնելու ցանկություն այս պահին չունի. Ձյունիկ Աղաջանյան
Մեկնաբանություն
- 03/19/2024 12:55 Փաստացի, այսօր Հայաստանին և հայ ժողովրդին պատերազմով սպառնում են երկու հոգի՝ Իլհամ Ալիևը և Նիկոլ Փաշինյանը. ադրբեջանագետ
- 03/18/2024 18:06 Լինելով թերուս և կիսագրագետ՝ Փաշինյանը դասակարգային ատելություն ունի գրագիտության և կրթության նկատմամբ. Լևոն Զուրաբյան
- 03/18/2024 10:50 Թույլ չեմ տալու քաղաքը այլանդակել. Ավինյանը՝ անօրինական սրճարանների ու շինությունների մասին
- 03/17/2024 15:18 Ալեն Սիմոնյանն ուզում էր դառնալ քաղաքապետ, փոքր տխրել էր, որ չդարձավ. Մարության
Արխիվ
Արտակարգ պատահարներ
- 03/19/2024 16:36 Էջմիածին-Արմավիր ավտոճանապարհին բախվել են «Lada» և «Lexus» մակնիշների ավտոմեքենաները. կան տուժածներ և զոհեր
- 03/19/2024 14:02 Սյունիքի մարզում 4 մարդու կյանք խլած ավտովթարի հանգամանքները պարզվում են քրեական վարույթի շրջանակներում. Գոռ Աբրահամյան
- 03/19/2024 13:07 Փրկարարները մասնատել են ծառը
- 03/19/2024 13:00 Շտապօգնության ավտոմեքենան արգելափակվել է ցեխակույտի մեջ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 03/18/2024 23:57 Հայտնի մոդելը խոստովանել է, որ գայթակղել է 16 տարին չլրացած դեռահասին․ նրան կարող է ցմահ ազատազրկում սպառնալ
- 03/15/2024 23:24 40-ամյա կույս տղամարդը բացատրել է սեքսով զբաղվելու ցանկության բացակայությունը
- 03/15/2024 17:30 Հայտնի է օրվա ամենադեպրեսիվ ժամը
- 03/15/2024 17:06 Որոնք են որոշ մարդկանց պաթոլոգիկ դավաճանության պատճառները
Հետաքրքիր է իմանալ
- 03/18/2024 18:56 Կինը քաղցկեղի մասին իմացել է շնորհիվ սելֆիի
- 03/17/2024 20:22 Երեխան ծնվել է 10 սանտիմետրանոց պոչով
- 03/11/2024 18:48 Ծովաստղերի էքստրակտում հայտնաբերվել են հակաքաղցկեղային միացություններ
- 03/09/2024 15:23 Խորհուրդներ ուսանողներին, թե ինչպես արդյունավետ և առանց սթրեսի պատրաստվել քննություններին