Դիտավորյալ սպանության մեղադրանքը դատարանը հիմնավորված չհամարեց. անչափահասը գտնվել է հոգեկան խիստ հուզմունքի ներքո

ԲՈԼՈՐ ՆՅՈՒԹԵՐԸ

Բոլորը

12/14/2018 16:28 Վարկային կազմակերպության մասնաճյուղից կատարված առանձնապես խոշոր չափերի հափշտակության գործով, մասնաճյուղի կառավարչի մասով, հայտարարվել է նախաքննության ավարտի մասին 12/14/2018 10:05 Օպտիմալացում. Նոր կառավարությունը կունենա մեկ փոխվարչապետ՝ երեքի փոխարեն. «Հրապարակ» 12/14/2018 11:35 16-ամյա տղան դանակահարել է մոր ընկերոջը՝ նրան պաշտպանելու համար 12/13/2018 12:03 Վերաքննիչը վերացրել է Վահագն Հարությունյանի կալանավորելու առաջին ատյանի դատարանի որոշումը 12/13/2018 23:14 Հայաստանում արդարադատությունը ոտնատակ է տրված, հավասարեցված է զրոյի. Վահագն Հարությունյան 12/13/2018 09:49 Քրեական հեղինակություն համարվող Զապը համագործակցել է ոտիկանության հետ եւ մատնել Նարեկ Սարգսյանին. «Ժամանակ» 12/14/2018 11:57 Ովքե՞ր են ֆինանսավորել հաղթածների նախընտրական քարոզարշավը. Hetq.am 12/13/2018 13:04 «Վայ էն պաշտոնյաներին, որ իմ հանձնարարականները էս կոնտեքստում չեն կատարել». Նիկոլ Փաշինյան 12/14/2018 09:39 Թոխմախի Մհերի «քայլը». Նա աջակցել է Ալեն Սիմոնյանին. «Ժամանակ» 12/13/2018 14:08 «Լուրերում» մերժում են Պետրոսին. Պետրոս Ղազարյանի հնարավոր նշանակման պատճառով Հանրայինում լարված իրավիճակ է 12/13/2018 16:55 Հանրապետության որոշ ավտոճանապարհներին ձյուն և բուք է 12/13/2018 09:34 Պայթյուն գազալցակայանում. կա տուժած 12/13/2018 17:16 «Նման խոսակցություն մեր և հանրապետության նախագահի միջև ընդհանրապես չի եղել». Վիտալի Բալասանյանը՝ իր պաշտոնանկության վերաբերյալ լուրերի մասին. 168.am 12/13/2018 11:41 Անդրանիկ Սողոյանի մասնակցությունը նարեկ Սարգսյանի հայտնաբերման գործում բացարձակապես չի համապատասխանում իրականությանը. Ոստիկանություն 12/13/2018 14:39 Արմեն Գևորգյանը ՀՔԾ-ում հարցաքննվել է և ցուցմունք տվել 12/14/2018 12:01 Արման Թաթոյանն առանձնազրույց է ունեցել Ռոբերտ Քոչարյանի հետ. ինչի՞ց է բողոքել Ռոբերտ Քոչարյանը 12/14/2018 15:47 Վահագն Հարությունյանը քարը քարի վրա չի թողնում փամփուշտ կեղծելու այդ ենթադրությունից. Տիգրան Աթանեսյան. 168.am 12/13/2018 10:36 Ծառուկյանն իր կուսակիցներին խաբել է՝ ոչ մի կոալիցիա էլ չէր լինելու. «Ժամանակ» 12/13/2018 09:29 Արդարադատության նախարարի պաշտոնին հավակնում է Վլադիմիր Վարդանյանը. ով է նա. «Հրապարակ» 12/14/2018 15:37 Ռոբերտ Քոչարյանի փաստաբանները կդիմեն վճռաբեկ դատարան եւ ՄԻԵԴ

Դիտավորյալ սպանության մեղադրանքը դատարանը հիմնավորված չհամարեց. անչափահասը գտնվել է հոգեկան խիստ հուզմունքի ներքո 04/14/2018 16:04 | ԳՈՐԾ #

Անչափահասի կողմից ընկերոջ սպանության աղմկահարույց գործով ամբաստանյալ Ս. Մուրադյանին ՀՀ քրեական օրենսգրքի 104-րդ հոդվածի 1-ին մասով՝ սպանությունը, առաջադրված մեղադրանքը վերաորակվել է ՀՀ քրեական օրենսգրքի 105-րդ հոդվածի 1-ին մասի՝ հոգեկան խիստ հուզմունքի վիճակում կատարված սպանությունը:

Դատավճռով Ս. Մուրադյանը մեղավոր է ճանաչվել ՀՀ քրեական օրենսգրքի 105-րդ հոդվածի 1-ին մասով և դատապարտվել երկուսուկես տարվա ազատազրկման, պատժի սկիզբը հաշվվելու է 23.03.2016թ.-ից:

Քաղաքացիական հայցը բավարարվել է մասնակի. ամբաստանյալ Ս. Մուրադյանից հօգուտ տուժողի իրավահաջորդի պետք է բռնագանձվի 2.243.000 ՀՀ դրամ՝ որպես հանցագործության հետևանքով պատճառված վնասի հատուցում: Քաղաքացիական հայցը մնացած մասով թողնվել է առանց քննության`տուժողի իրավահաջորդին իրավունք վերապահելով հայց հարուցել քաղաքացիական դատավարության կարգով:

Նշենք, որ տուժողի իրավահաջորդը ներկայացրել էր քաղհայց 28.791.000 ՀՀ դրամ բռնագանձելու պահանջով, որից 25.000.000 դրամը որպես տուժողի իրավահաջորդներին՝ ծնողներին, պատճառված բարոյական վնաս, 1.500.000 դրամը որպես հուղարկավորության ծախսեր, 1.098.000 դրամը որպես գերեզմանի բարեկարգման, շիրմաքարի և տապանաքարի ծախսեր, 200.000 դրամը որպես մահվան տարելիցի կազմակերպման ծախս, 743.000 դրամն որպես տուժող Խ. Ղազանչյանին 06.01.2016թ.-ից մինչև 09.02.2016թ.-ն ընկած ժամանակահատվածում ցուցաբերված բուժօգնության ժամանակ օգտագործված դեղորայքի և բժշկական պարագաների գումար, 250.000 դրամը որպես ներկայացուցչի՝ փաստաբանի ծառայությունների դիմաց վճար:

Ըստ մեղադրանքի, Ս. Մուրադյանը 2016թ. հունվարի 6-ին ժամը 20.30-ի սահմաններում Շախսուվարյան փողոցի 8/Ա շենքի բակում ավտոտնակի դիմաց, կենցաղային հարցերի շուրջ ծագած վիճաբանության ընթացքում Խ.Ղազանչյանին սպանելու դիտավորությամբ իր մոտ եղած սուր կտրող-ծակող առարկայով բազմաթիվ հարվածներ է հասցրել վերջինիս մարմնի կենսական կարևոր նշանակություն ունեցող մասերին՝ պատճառելով կյանքին վտանգ սպառնացող ծանր մարմնական վնասվածքներ: Ստացած մարմնական վնասվածքներից Խ. Ղազանչյանն առանց գիտակցության գալու 09.02.2016թ. ժամը 06.30-ին հիվանդանոցում մահացել է:

Դատավճռի փոխարեն կայացվեց դատաքննությունը վերսկսելու որոշում

Դատաքննության ժամանակ Ս. Մուրադյանն առաջադրված մեղադրանքում իրեն մեղավոր ճանաչել է մասնակի և հրաժարվել ցուցմունք տալուց: Նախաքննության ընթացքում նույնպես նա իրեն մասնակի է մեղավոր ճանաչել՝ նշելով, որ տուժողին սպանելու որևէ նպատակ չի ունեցել:

Նախաքննության ընթացքում ի պատասխան հարցի՝ Ս.Մուրադյանը հայտնել է, որ իր աթեիստ լինելու հանգամանքը կեղծիք է, ինքը կնքված է, ունի կնունքի խաչ: Իրեն թվում է, որ իր ընկերները նման պիտակ են ցանկացել կպցնել, քանի որ ինքը չի ցանկացել նրանց ցանկությունը կատարել` նրանց գումար տալ կամ նվեր առնել, որ իրենք գնան ծնունդի, ասել է անչափահաս մեղադրյալը նախաքննության ժամանակ: Անչափահաս մեղադրյալը նաև հայտնել է, որ որևէ աթեիստական միավորման, որևէ կազմակերպության չի անդամակցում և որևէ սոցիալական, աղանդավորական շարժման չի հարում, ինքը քրիստոնյա է, կնքվել է «Սուրբ Սարգիս» եկեղեցում:
Դատարանը հիմնավորված է համարել, որ անչափահաս մեղադրյալ Ս. Մուրադյանը մանուկ հասակից ընկերություն է արել տուժող Խ. Ղազանչյանի և գործով վկա Աբելի հետ։

2015թ. դեկտեմբեր ամսից նրանց հետ հարաբերությունները լարվել են, քանի որ նրանք սկսել են իրենց այլ ձև պահել Ս.Մուրադյանի նկատմամբ։ 2016թ. հունվարի 6-ին տուժողն ու վկան իրենց ընդհանուր ընկեր Գառնիկի հեռախոսահամարից զանգահարել են Ս. Մուրադյանին և ասել, որ գումար տա միասին ընդհանուր ընկեր Վլադի ծնունդին գնալու համար։ Ս. Մուրադյանը գումար չի ունեցել և այդ մասին ասել է նրանց, իսկ նրանք իր հասցեին հայհոյանք են հնչեցրել և պահանջել, որ իջնի բակ: Ժամը 20.30-ի սահմաններում շենքի բակում Ս. Մուրադյանը հանդիպել է Գառնիկին, Աբելին և տուժողին։ Հանդիպման ժամանակ Աբելն ու տուժողը նորից գումար են պահանջել, ամբաստանյալի հասցեին հայհոյանքներ են հնչեցրել և վիրավորել նրան: Դրանից հետո Գառնիկն ասել է, որ գնում է տուն և բոլորով միասին Գառնիկին ճանապարհելու համար գնացել են նրանց շենք, բարձրացել են Գառնիկենց հարկ, որից հետո Գառնիկը մտել է տուն, իսկ ամբաստանյալը, տուժողը, վկա Աբելը միասին գնացել են դեպի Վլադենց տուն։ Ճանապարհին վկան ու տուժողը շարունակել են ամբաստանյալի հասցեին հայհոյանքներ տալ և վիրավորել նրան:

Դատարանն ապացուցված է համարել, որ նրանց հակաբարոյական և հակաիրավական գործողություններից Ս. Մուրադյանը կորցրել է ինքնատիրապետումը և հայտնվելով հանկարծակի հոգեկան խիստ հուզմունքի վիճակում, Շախսուվարյան փողոցի 8/Ա շենքի բակում ավտոտնակի դիմաց, Խ.Ղազանչյանին իր մոտ եղած սուր կտրող-ծակող առարկայով բազմաթիվ հարվածներ /18 հարված/ է հասցրել վերջինիս մարմնի տարբեր մասերին՝ պատճառելով կյանքին վտանգ սպառնացող ծանր մարմնական վնասվածքներ: Ստացած մարմնական վնասվածքներից Խաչիկ Ղազանչյանն առանց գիտակցության գալու 09.02.2016թվականի ժամը 06.30-ին մահացել է հիվանդանոցում:

Դատարանն անհրաժեշտ է համարել արձանագրել նաև, որ Ս. Մուրադյանից գումար պահանջելու, հայհոյանքներ տալու, վիրավորելու փաստը հաստատված է համարվել նաև վարույթն իրականացնող մարմնի կողմից: Ըստ դատարանի իրավական վերլուծությունների, Ս.Մուրադյանին առաջադրված մեղադրանքով, մեղադրական եզրակացությամբ ակնհայտ է, որ նախաքննության մարմինը ըստ էության հաստատված է համարել, որ Ս. Մուրադյանը գործել է ֆիզիոլոգիական աֆեկտի վիճակում, սակայն այդ հարցն ընդհանրապես քննության չի առնվել:

Դատարանն՝ իրավական ստուգման և գնահատության ենթարկելով քրեական գործով ձեռք բերված ապացույցները, գտել է, որ քրեական գործով ձեռք բերված ապացույցներով չի հիմնավորվում, որ անչափահաս ամբաստանյալ Ս. Մուրադյանը ապօրինաբար դիտավորությամբ կյանքից զրկել է տուժող Խ. Ղազանչյանին, այլ հիմնավորվում է, որ ամբաստանյալը տուժողի հակաբարոյական և հակաիրավական գործողությունների հետևանքով հանկարծակի առաջացած հոգեկան խիստ հուզմունքի վիճակում կատարել է սպանություն:

Բոլոր փորձագետները թե՛ իրենց եզրակացություններով, թե՛ ցուցմունքներով հիմնավորել են, որ գործով ֆիզիոլոգիական աֆեկտի առաջին երկու փուլերը՝ նախապատրաստական ու հակազդման, անվիճելիորեն առկա են ամբաստանյալ Ս. Մուրադյանի մոտ: Նրանց մոտ տարաձայնությունը կապված է ֆիզիոլոգիական աֆեկտի երրորդ փուլի` հետաֆեկտային վիճակի հետ, որը տարբեր փորձագետներ կարող են տարբեր կերպ գնահատել, այդ գնահատումն անհատական է, կոնկրետ չափորոշիչներ գիտությունը չի նախատեսում: Դրանից հետևում է, որ Ս. Մուրադյանի կողմից սպանությունը կատարվել է բուն հոգեկան խիստ հուզմունքի ժամանակ, որը դրսևորվում է ֆիզիոլոգիական աֆեկտի եռփուլային դինամիկայի երկրորդ փուլում, դրա մասին են վկայում նաև հոգեբանական փորձաքննությունների եզրակացությունները:

Ըստ դատարանի, այդ հոգեկան խիստ հուզմունքի վիճակն առկա է եղել ամբաստանյալ Ս.Մուրադյանի կողմից տուժող Խ.Ղազանչյանին մարմնական վնասվածքներ պատճառելու ժամանակ, ինչի հետևանքով տուժողը մահացել է, հոգեկան խիստ հուզմունքն առաջացել է հանկարծակի, երբ տուժողը գումար է պահանջել, հայհոյանքներ է հնչեցրել ամբաստանյալի և նրա ծնողների հասցեին, վիրավորել է նրան, և սպանությունը տեղի է ունեցել բուն հոգեկան խիստ հուզմունքի ժամանակ, ոչ թե նրանից հետո, ինչի մասին վկայում են նաև քրեական գործում առկա դատահոգեբանական փորձաքննությունների եզրակացությունները:

Աղբյուր` Փաստինֆո