ԲՈԼՈՐ ՆՅՈՒԹԵՐԸ
Մերի Մարգարյանն անբուժելի հիվանդ չի եղել, և միայն բժիշկների անգործության և ոչ բարեխիղճ վերաբերմունքն է հանգեցրել ծննդկանի և նրա դստեր մահվան. Մարինե Թովմասյան 04/11/2018 13:01 | Դատական ռեպորտաժներ
Ամբաստանյալի աթոռին հայտնված «Շենգավիթ» ԲԿ-ի բժիշկներ Շուշանիկ Բախշյանը և Անի Բաբելյանը հավատարիմ չեն մնացել բժշկի երդմանը և անտարբերության են մատնել ընդամենն իրենցից մասնագիտական օգնություն խնդրած ծննդկանին:
Ծննդկան Մերի Մարգարյանի և նրա նորածնի մահվան գործով ճառով հանդես գալով` նշել է տուժողի իրավահաջորդի ներկայացուցիչ փաստաբան Մարինե Թովմասյանը:
Ըստ փաստաբանի՝ նրանք պարտավոր էին շատ արագ արձագանքել ծննդկանի հիվանդագին վիճակին, պարտավոր էին ցուցաբերել հնարավոր, ընդհուպ մինչև ծայրահեղ բժշկական միջամտությունները, սակայն բժիշկների անգործությունը, ոչ պատշաճ ու ոչ բարեխիղճ վերաբերմունքը հանգեցրել է Մերի Մարգարյանի և նրա դստեր՝ Մարիա Հարությունյանի կյանքի կանգին: Մերի Մարգարյանն անբուժելի հիվանդ չի եղել, իսկ տվյալ իրավիճակում վերջինիս հիվանդագին վիճակն ևս անբուժելի չի եղել, որի պարագայում գուցեև հասկանալի կլիներ նման վարքագիծը:
Այսպիսով, գործի փաստական հանգամանքներին անդրադառնալով` փաստաբանը նշում է, որ Մերի Մարգարյանը հաշվառված է եղել «Շենգավիթ» ԲԿ-ում հղիությունը վարող բժիշկ է ընտրվել Շուշանիկ Բախշյանը:
2015 թ. հուլիսի 23-ին հղի Մերի Մարգարյանի ինքնազգացողությունը վատացել է, որը դրսևորվել է մարմնի բարձր ջերմությամբ և հղին այդ մասին անմիջապես տեղեկացվել է բժիշկ Շուշանիկ Բախշյանին, ով էլ հղիին չհոսպիտալացնելով և հետազոտության չենթարկելով, հեռախոսակապի միջոցով դեղորայքային նշանակումներ է կատարել՝ անտարբերություն դրսևորելով հղիի օրգանիզմում նշանակված դեղորայքային ազդեցության նկատմամբ:
Նշված փաստն հիմնավորվել է Մերի Մարգարյանի հարազատների՝ գործով հարցաքննված և դատակոչված վկաների, Շուշանիկ Բախշյանի, Հայկ Հարությունյանի դատաքննական ցուցմունքներով, քրեական գործում առկա և դատաքննության ընթացքում հետազոտված հեռախոսազանգերի վերծանումներով, հեռախոսային հաղորդագրություններով:
2015 թվականի հուլիսի 24-ին Մերի Մարգարյանի մոր՝ Թերեզա Ստեփանյանի պահանջով Շուշանիկ Բախշյանը հիվանդանոցում ընդունել է ջերմող հղիին:
Շուշանիկ Բախշյանը մակերեսային հետազոտությունից հետո Մերի Մարգարյանին և հարազատներին հավաստիացնելով, որ որևէ պաթոլոգիա չի հայտնաբերվել, ճանապարհել է տուն: Տնային պայմաններում հղին շարունակել է ջերմել և ունեցել վատ ինքնազգացողություն:
2015 թվականի հուլիսի 25-ին գանգատներով՝ մարմնի թուլություն, մարմնի բարձր ջերմություն, հղին դարձյալ դիմել է «Շենգավիթ» ԲԿ՝ իրեն անհրաժեշտ բժշկական օգնություն ցուցաբերելու խնդրանքով, սակայն ոչ Շուշանիկ Բախշյանի և ոչ էլ նշված օրը հերթապահ բժիշկ Անի Բաբելյանի կողմից բժշկական օգնություն չի ցուցաբերվել:
Նշված օրը հիվանդանոցում, դարձյալ հավաստիացնելով, որ հղիի և պտղի կյանքին վտանգ չի սպառնում, ինչպես նաև հոսպիտալացման անհրաժեշտություն չտեսնելով հերթապահ բժշկուհի Անի Բաբելյանն առանց հիվանդին տեսնելու ճանապարհել է տուն:
Ըստ տուժող կողմի՝ հերթապահ բժշկուհի Անի Բաբելյանի կողմից բարձր ջերմությամբ հոսպիտալացման մասին որոշում չկայացնելը հանգեցրել է անդառնալի կորստի:
Անդրադառնալով Բաբելյանի ցուցմունքներին Մարինե Թովմասյանը նշել է, որ դատաքննության ընթացքում հարցաքննված ամբաստանյալ Բաբելյանի ցուցմունքները իրենք արժանահավատ չեն համարում, մասնավորապես, այն որ Բաբելյանը հետազոտել է Մերի Մարգարյանին:
Նշված օրը Մերի Մարգարյանի հարազատներն Անի Բաբելյանին չեն տեսել, ավելին, նրանց այն պահանջին, թե ցանկություն ունեն հանդիպել հերթապահ բժշկին, բուժքույր Նինա Զոհրաբյանը պատասխանել է, որ հերթապահ բժիշկը վիրահատության է, նայել է հետազոտության արդյունքները, փոխանցել, որ ամեն ինչ նորմալ է, միաժամանակ Նինա Զոհրաբյանը Մերի Մարգարյանի հարազատներին է փոխանցել հետազոտման արդյունքները, որը սովորաբար պետք է կցվեր հիվանդության պատմագրին: Բացի դա, համաձայն «Շենգավիթ» ԲԿ-ի կողմից տրված տեղեկանքի Անի Բաբելյանը 2015 թվականի հուլիսի 25-ին, ժամը 20:10 մինչև 21:30-ը մասնակցել է վիրահատության, մինչդեռ հոսպիտալացման մերժման մատյանի մեջ գրառումը կատարվել է ժամը 19:40-ին: Իսկ Մերի Մարգարյանն ու իր հարազատները «Շենգավիթ» ԲԿ-ից դուրս են եկել մինչև ժամը 18:15-ը:
Շուշանիկ Բախշյանի կողմից բարձրացրած այն հարցին, որ ինքը ցանկացել է հետազոտությունների արդյունքով նախ հերքել հեպատիտի առկայությունը, ապա ըստ փորձագետ-մասնագետի հիմնավորման՝ Մերի Մարգարյանի մոտ առհասարակ հեպատիտի նախանշաններ առկա չեն եղել, բոլոր կլինիկական դրսևորումները խոսել են բազմաօրգանային անբավարարության մասին, որը պարտավոր էին ախտորոշել և բուժման տակտիկա մշակել:
Տուժող կողմն արժանահավատ չի համարում գործով դատակոչված վկաներ, Շենգավիթ ԲԿ-ի անձնակազմի դատաքննական ցուցմունքները, ցուցմունքներ, որոնք նախաքննության ընթացքից փաստերի խեղաթյուրմամբ շարունակվել են ընդհուպ մինչև դատաքննություն:
Փորձագետ Ռազմիկ Աբրահամյանն իր դատաքննական ցուցմունքով պնդեց, որ Մերի Մարգարյանի մոտ առաջացած ախտաբանական վիճակի լավագույն հանգուցալուծումը՝ կեսարյան հատման եղանակով ծննդալուծում իրականացնել էր, որի արդյունքում փրկությունը մեծ կլիներ՝ ինչպես Մերի Մարգարյանի, այնպես էլ նրա պտղի: Ավելին, Մերի Մարգարյանը ենթակա է եղել հոսպիտալացման դեռևս 2015 թվականի հուլիսի 23-ից, երբ գանգատվել է բարձր ջերմությունից՝ մինչ 39,4 աստիճանի:
Փաստաբանը նաև նշել է, որ փորձագետ Գագիկ Հարությունյանի դատաքննական ցուցմունքներով հիմնավորվել է, որ Մերի Մարգարյանը ենթակա է եղել հոսպիտալացման 2015 թվականի հուլիսի 23-ից, երբ գանգատվել է մարմնի բարձր ջերմությունից, ընդհանուր թուլությունից, իսկ 2015 թվականի հուլիսի 25-ին մանկաբարձ գինեկոլոգ Անի Բաբելյանի կողմից հղիին չհոսպիտալացնելն եղել է չհիմնավորված, քանի որ այն գանգատները, որոնք ներկայացրել է 2015 թվականի հուլիսի 26-ին և որի պարագայում ժամը 16:30-ին հոսպիտալացվել է, նույն գանգատները ներկայացվել է նաև 2015 թվականի հուլիսի 23-ին, 24-ին և 25-ին, սակայն անհասկանալիորեն չի հոսպիտալացվել: Տվյալ իրավիճակում, քանի որ գեստոզը, սկզբնական փուլում ընթացել է ոչ այնքան արտահայտված, ուստի նպատակահարմար էր հղիին պահել դինամիկ հսկողության տակ՝ զուգահեռաբար արտապլանային հետազոտություններ կատարել և կրկնել որոշակի ժամանակ անց, ինչը ցավոք տվյալ պարագայում չի իրականացվել:
Միևնույն ժամանակ ըստ տուժողի իրավահաջորդի ներկայացուցչի՝ դատակոչված վկաներ Էրեբունու ԲԿ-ի բուժանձնակազմի ցուցմունքներով հիմնավորվել է, որ «Շենգավիթ» ԲԿ-ից Մերի Մարգարյանը տեղափոխվել է իրենց կենտրոն ծայրահեղ ծանր վիճակում, առանց համապատասխան հետազոտությունների արդյունքների, վիճակին ոչ համապատասխան գնահատմամբ և առանց լիարժեք ախտորոշման: Իրենք կարևորություն են տվել հիվանդի կյանքի հնարավորինս արագ փրկությանն և ոչ փաստաթղթերի ձևակերպմանը:
Նշենք նաև, որ Ըստ ամբաստանյալ Շուշանիկ Բախշյանի կողմից Էրեբունի ԲԿ-ին տրված էպիկրիզի՝ հղին ընդունվել է 26.07.15թ, ժամը 16:30-ին՝ գանգատվելով բարձր ջերմությունից, ընդհանուր թուլությունից: Տվյալ ջերմությունը նկատվել է 23.07.15թ.-ից՝ 37,5 0C և բարձրացել մինչև 39.10C, առաջին երկու օրվա ընթացքում օգտագործել է հեղուկներ, վիտամին C, պարացետամոլ: 26.07.15թ. ստացիոնարում կատարվել են անհրաժեշտ կլինիկո-լաբորատոր հետազոտություններ, որոնք գտնվել են նորմայի սահմաններում: Մեզում հայտնաբերվել է 0,33 սպիտակուց, լեյկոցիտներ-15-17, խտությունը-1018: 26.07.15թ. ժամը 04:00-ին հիվանդի մոտ նկատվել է միանգամյա փսխում: Հետագա ուսումնասիրությունների հիման վրա ախտորոշվել է սուբարախնուիդալ արյունազեղում, խորհուրդ է տրվել ՄՌՏ հետազոտություն և բուժում բազմապրոֆիլ հիվանդանոցում:
Հիշեցնենք, որ Մերի Մարգարյանը 4 օր շարունակ ունեցել է բարձր ջերմություն, սակայն այդ պայմաններում հղին չի հոսպիտալացվել:
Բժշկի կողմից ցուցաբերված անբարեխիղճ վերաբերմունքի հետևանքով Մերի Մարգարյանը ծննդալուծումից հետո «HELLP» սինդրոմ համախտանիշ երկկողմանի թոքաբորբ» ախտորոշմամբ 2015թ-ի հուլիսի 29-ին մահացել է, իսկ հաջորդ օրը թոքերի և գլխուղեղի այտուցից մահացել է նաև նրա նորածին դուստրը:
Շուշանիկ Բախշյանին և Անի Բաբելյանին մեղադրանք է առաջադրվել ՀՀ քրեական օրենսգրքի 130-րդ հոդվածի 2-րդ մասի հատկանիշներով (Բժշկական օգնություն և սպասարկում իրականացնողների կողմից մասնագիտական պարտականությունները չկատարելը կամ ոչ պատշաճ կատարելը, որն անզգուշությամբ առաջացրել է բուժվող հիվանդի մահ):
Աշխատանքային օրվա ավարտով պայմանավորված տուժողի իրավահաջորդի ներկայացուցչի ճառն անավարտ է մնացել և կշարունակվի հաջորդ դատական նիստում:
Հարակից հրապարակումներ`
Տեսանյութեր
02/29/2024 15:35 Ադրբեջանցի զինված դիվերսանտը ներխուժել է ՀՀ տարածք ու ձերբակալվելՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 03/29/2024 08:17 Ոսկեպարցիներն անհամբեր սպասում են․ «Հրապարակ»
- 03/29/2024 08:13 Սաղաթելյանները՝ իշխանության թիրախում․ «Հրապարակ»
- 03/29/2024 08:08 Դիանա Գալոյանը նոր պաշտոն կստանա՞․ «Հրապարակ»
- 03/29/2024 08:04 Փաշինյանը ոչինչ չի խնայում անձնական պաշտպանության համար․«Հրապարակ»
- 03/29/2024 07:57 Գյումրիում Նիկոլ Փաշինյանին շատ «ջերմ» ընդունելություն են ցույց տվել. «Ժողովուրդ»
- 03/29/2024 07:48 Նոր դիվանագիտական սկանդալ է հասունանում արտգործնախարարությունում . «Ժողովուրդ»
- 03/29/2024 07:46 Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
- 02/13/2024 21:42 Ադրբեջանը խուսափելու է իրական բանակցային գործընթացից. որոշակի հանձնառություններ է ստանձնել՝ Իրանի դեմ կատարելու, որոնք իրականացնելու ցանկություն այս պահին չունի. Ձյունիկ Աղաջանյան
Մեկնաբանություն
- 03/28/2024 18:41 Հայ ժողովրդին վախեցնում է ադրբեջանի պատերազմով, իսկ ինքը վախենում է Արցախի նախագահից․ և ոչ միայն․․․
- 03/26/2024 13:03 Ադրբեջանի հերթական պահանջը. Արթուր Խաչատրյան
- 03/25/2024 18:12 ԱԺԲ-ն ներկայացրել է, թե ինչ պահանջներ են ներկայացվել Նոր Նորքի ոստիկանության բաժնի մոտ
- 03/25/2024 16:19 Մեկնարկում է «Արցախի երիտասարդության որոշիչ ձայնը» ծրագիրը. Մետաքսե Հակոբյան
Արխիվ
Արտակարգ պատահարներ
- 03/29/2024 10:38 Պատահար Ապարան-Քուչակ ավտոճանապարհին
- 03/29/2024 10:30 Քարերը և հողային զանգվածը թափվել են ճանապարհի երթևեկելի հատված. պարեկները երկկողմանի փակել են այն
- 03/28/2024 23:59 «ՎԱԶ-21214»-ի 31-ամյա վարորդը մահացել է
- 03/28/2024 21:03 Վիճաբանություն և ծեծկռտուք Երևանում.վիճաբանության մասնակիցների մեծ մասը անչափահասներ են․ կա վիրավոր
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 03/28/2024 23:41 Վեց ծառայակիցների հետ սեռական հարաբերություն ունեցած ոստիկանը 500 հազար դոլար կստանա
- 03/28/2024 18:28 Կինը բռնել է ամուսնուն դավաճանելիս՝ առողջ ապրելակերպի հանդեպ ունեցած սիրո շնորհիվ
- 03/27/2024 23:52 Նույն քաղաքի երեք ուսուցչուհիների ձերբակալել են աշակերտների հետ սեռական հարաբերություններ ունենալու համար
- 03/27/2024 16:30 «Տիտանիկ»-ի հերոսուհու կյանքը փրկած դուռը աճուրդում վաճառվել է 718 հազար դոլարով
Հետաքրքիր է իմանալ
- 03/25/2024 18:55 Գիշերը Լուսնի խավարում է եղել. ինչ ազդեցություն ունի այն մարդու վրա
- 03/25/2024 16:49 Խաբարովսկի երկնքում անհայտ օբյեկտ են նկատել. (տեսանյութ)
- 03/25/2024 13:21 Արեգակնային բռնկումից հետո Երկիրը ծածկվել է հզոր մագնիսական փոթորիկով. սրանից ավելի ուժեղը գրանցվել է շուրջ 20 տարի առաջ
- 03/22/2024 17:29 Իլոն Մասկը ազդարարել է նոր ուղեղային իմպլանտի մասին, որը կույրերին թույլ կտա տեսնել